1Sam 20:3 - Hdi

³ Ka Dawuda nda waɗu nda waɗu kay guli mantsa: « Nda sna da gha ɗina kazlay na, mutsaf mutsa yu ta zɗakatahuɗi da kagha kəʼa. Wya kəʼa ta ndanay: “Má ma snaŋ Yunataŋ, kada kwala tsi ta kəɓay,” kaʼa. Ama ta waɗa waɗa yu nda hga Yawe nda hafu mida, nda ya nda htsiŋa vərɗa kagha, səla turtuk yeya mataba ɗa nda mtaku! » kaʼa.

1Sam 20:3 ပူးပေါင်းရင်းမြစ်များ

2Sam 15:21

Ka Itay nda mgham mantsa: « Ta waɗa waɗa yu nda hga Yawe nda hafu mida, nda ya nda hafa rveri, mghama ɗa, ma vli hada mgham, rvera ɗa, dər ŋa mtutá tsi, dər ŋa nzata nda hafu a tsi ya, hada guli dzaʼa nzata kwalva gha! » kaʼa.

2Mgh 2:2

Ka Iliya nda Ilisa mantsa: « Nza nza hadna, wya dzvu, kabga ta ghuna iʼi Yawe ha da Betel, » kaʼa. Ka Ilisa zlghanaftá wi mantsa: « Ta waɗa waɗa yu nda hga Yawe nda hafu mida, nda ya nda hafa vərɗa kagha, haɗ yu dzaʼa zlaghata wu, » kaʼa. Ka laha həŋ da Betel.

2Mgh 2:4

Ka Iliya nda tsi mantsa: « Ilisa! Nza nza hadna, wya dzvu, kabga ta ghuna iʼi Yawe da Yeriku, » kaʼa. Ka Ilisa zlghanaftá wi mantsa: « Ta waɗa waɗa yu nda hga Yawe nda hafu mida, nda ya nda hafa vərɗa kagha, haɗ yu dzaʼa zlaghata wu, » kaʼa. Ka ɓhadaghatá həŋ da Yeriku.

2Mgh 2:6

Ka Iliya nda tsi mantsa: « Nza nza hadna, wya dzvu, kabga ta ghuna iʼi Yawe təv Yardeŋ, » kaʼa. Kaʼa zlghanaftá wi mantsa: « Ta waɗa waɗa yu nda hga Yawe nda hafu mida, nda ya nda hafa vərɗa kagha, haɗ yu dzaʼa zlaghata wu, » kaʼa. Ka kɗə həŋ his his ta tva taŋ.

Vrafta ta zlahu 28:66

Nzeknzeknzek dzaʼa ngha kuni ta hafa ghuni, ŋa zləŋay ghuni ta zləŋ nda fitik tani, nda rviɗik tani, fafta a kuni ta ghəŋ ta nzakwa ghuni wa.

Vrafta ta zlahu 6:13

Yawe, Lazglafta ghuni dzaʼa kuni da zləŋay, ŋa ni dzaʼa tsəlɓa kuni ta tsəlɓu, nda hga ni dzaʼa waɗa kuni ta waɗu.

Hebru 6:16

Ta waɗu mndu ta waɗu ná, nda skwi ta malaghutá htsiŋa vərɗa tsatsi ta waɗa tsi. Tsa waɗu ya guli dzaʼa hlanatá inda tsa skwi ta zlərɗ lu ta ghəŋa ni ya.

1Sam 1:26

Ka Hana mantsa: « Rvera ɗa, wya dzvu! Ta waɗa gha waɗa yu, iʼi tsa marakw si ta sladu ta vata kagha hadna, ka maga duʼa da Yawe ya kay ya.

1Sam 17:55

Na nghay Sawulu ta Dawuda ta dzaʼa da guyata nda tsa mnda la Filisti ya, kaʼa nda Avner mala gwal vulu ni mantsa: « Zwaŋa wa na duhwal na katək ní, a Avner? » kaʼa. Ka Avner mantsa: « Ta waɗagha waɗa yu mghama ɗa, sna a yu wu! » kaʼa.

1Sam 20:2

Ka Yunataŋ nda tsi mantsa: « Gurɗuzuŋ tsa! Haɗ ka dzaʼa da mtuta wa. Sna ɓa, dər má kinawu tsa skwi ya, haɗ da ɗa dzaʼa magata kul mniɗiŋta wa. Kabgawu dzaʼa kəl da ɗa ka ɗifihatá skwi manda tsaya, magava a tsaya wu, » kaʼa.

1Sam 20:4

Ka Yunataŋ nda Dawuda mantsa: « Skwi ya ta kum ka, dzaʼa maga gha maga yu, » kaʼa.

1Sam 25:26

Ndanana, rvera ɗa ta waɗa waɗa yu nda hga Yawe nda hafu mida, nda ya nda ŋa gha hafu. Yawe ta pyaftá kagha ka pghiŋtá us ka ŋaghutá dzva gha. Má ka nza kɗavakta ghumaha gha, tsa gwal ta zba maganatá ghwaɗaka skwi ta rvera ɗa ya, manda ŋa Naval ya!

1Sam 27:1

Ka Dawuda ma ghəŋa ni mantsa: « Dər yawu tsi, dzaʼa dza dza Sawulu ta iʼi. Haɗ sana ghwana ɗa ta ghəŋa hwayaghuta ɗa ka laghwi da ɗifaghuta ta haɗika la Filisti, kada zlanata Sawulu ta zba iʼi ma inda vli ta haɗika la Israʼila wa. Mantsa ya dzaʼa ndapta yu da tsi, » kaʼa.