1Sam 20:1 - Hdi

¹ Ka hwayaftá Dawuda ma Nayut, ma Rama, ka lagha da mnay ta kəma Yunataŋ: « Nahgani maga yu? Nahgani krughuva ɗa? Nahgani dmakwa ɗa magana yu ta da gha? Nu ta kəl tsi ka zba hafa ɗa? » kaʼa.

1Sam 20:1 ပူးပေါင်းရင်းမြစ်များ

2Kwa 1:12

Skwi ya ta vlaŋnatá tsafara vgha ná, nzuvusnza ŋni ta nzaku ɗina nda inda mnduha ka ŋni ta ɗaslay ma ghəŋa ŋni. Katkata ni mataba nzaku ya nzuvus mu nda kaghuni. Nzunza ŋni ta tsa nzaku ya ndəʼets nda hanatá ghəŋ manda ya vlaŋna Lazglafta. Manda ya ta kum ɗifila sluʼuvgha a nza ŋni ta tsa nzaku ya wu, ama Lazglafta ta kataŋnata nda zɗakatahuɗa ni.

2 Piyer 2:9

Tsaya tama ná, nda sna Mgham Lazglafta kəʼa ta hligiŋtá tɗukwa mnduha ma skwi ta dzəghaŋtá həŋ. Nda sna guli kəʼa ta pghaghutá gwal ta maga ghwaɗaka skwi ŋa ganaptá iri ta həŋ baɗu fitika tsa guma.

1 Yuhwana 3:21

Zwana ma ɗa, ka haɗ dga ghəŋ ta dgə mu ta ghəŋa skwi maga mu wu katsi, waɗah vgha mu ta sladu ta kəma Lazglafta.

1Sam 12:3

Wana yu ta kəma ghuni! Ka mamu skwi magaghuna yu kul raku, mnihawa mna ta kəma Yawe, nda ya ta kəma na mgham fam tsi nda ma pghanaghatá rɗi na. Mamu mndu klaghu yu ta sla ni, ka kəɗiha ni a tsi ra? Wa ya tsaghu yu? Wa ya ganap yu tiri? Wa mndu ya zlghaf yu ta sməɗ da tsi ŋa haftá iri ta ghəŋa ghwaɗaka slna ni na? Ta vravaghuna vra yu, » kaʼa.

1Sam 19:1

Ka mnanatá Sawulu ta zwaŋa ni Yunataŋ nda inda kwalvaha ni ŋa dzata taŋ ta Dawuda. Tsaw Yunataŋ zwaŋa Sawulu ná, ɗvu ɗva ta Dawuda katakata,

1Sam 19:18

Mantsa ya hwayaghuta Dawuda ka ndaghuta, ka ɓhadaghatá tsi da Samuyel ma Rama, ka snanamtá tsi ta inda skwi maga Sawulu. Ka laghu tsi kawadaga nda Samuyel da nzata ma Nayut.

1Sam 20:2

Ka Yunataŋ nda tsi mantsa: « Gurɗuzuŋ tsa! Haɗ ka dzaʼa da mtuta wa. Sna ɓa, dər má kinawu tsa skwi ya, haɗ da ɗa dzaʼa magata kul mniɗiŋta wa. Kabgawu dzaʼa kəl da ɗa ka ɗifihatá skwi manda tsaya, magava a tsaya wu, » kaʼa.

1Sam 20:32

Ka zlghanaftá Yunataŋ ta wi ta da ni Sawulu, kaʼa mantsa: « Kabgawu dzaʼa kəl lu ka dzata na? Nahgani maga tsi na? » kaʼa.

1Sam 24:11

Nda ngha kagha nda ira gha gita kazlay si vla vla Yawe ta kagha ma dzva ɗa ma galigha. Ka ghun lu ta iʼi ŋa dzatá kagha, ama ka zlaghatá yu, ka yu mantsa: “Haɗ yu dzaʼa faftá dzvu ta rvera ɗa wu, kabga nda nza ka mndu ya zbaf Yawe nda ma pghanaghatá rɗi,” ka yu.

1Sam 24:12

Ngha ɓa da ɗa, kahwathwata, ngha ta wa sɗakwa gha ma dzva ɗa. Tsanaghu tsa yu ta wa lguta gha, ama dzagha a yu wa. Ɗina ka snaŋta gha, graf ka guli kazlay na haɗ ma ndana ɗa dər gavaghatá sidi, dər zba magaghatá ghwaɗaka skwi wu kəʼa. Haɗ dmaku gagha yu guli wa. Kagha yeya katək ta raya klaptá hafu ma iʼi.

1Sam 24:17

Kɗiŋta Dawuda ta mna tsa gwaɗaha ya ŋa Sawulu, ka Sawulu mantsa: « Lwa vərɗa kagha tsaya rí, a zwaŋa ɗa Dawuda? » kaʼa. Ka wahu Sawulu ta wahu nda lwi dagala dagala.

1Sam 24:9

Ɓats nzəɗa, ka sab Dawuda ma tsa galigha ya, ka wahatá nda hula Sawulu, « Ari rveri, mghama ɗa! » kaʼa. Ka nghaptá Sawulu nda hul. Ka dzatá Dawuda ta ghəŋ nda ta haɗik, ka tsəlɓata.

1Sam 26:18

Kaʼa guli mantsa: « Kabgawu ta kəl mghama ɗa ka ŋawa kwalva ni na? Nahgani ya maga yu na? Nahgani dmaku ga yu na?