1Sam 2:9 - Hdi

⁹ Ta nghuŋ ngha ta wa səla ŋərma mndu, ama dzaʼa hanaf ha lu ta wi ta gwal dmaku ma grum, kabga haɗ mndu dzaʼa zata ghwa nda ŋa ni ma mbraku wa.

1Sam 2:9 ပူးပေါင်းရင်းမြစ်များ

Mbsak 6:24

“Ka tfaghagha tfa Yawe ta wi, ka ngha tsi ta kagha!

Mata 8:12

Ama gwal má dzaʼa nzakway ka zwana za həga ga mghama Lazglafta ya, dzaʼa hlaf hla lu ta həŋ ka pghidiŋta da grum mabli, ma vli ŋa taw nda hpaɗa sliʼiŋ, » kaʼa.

La Ruma 3:19

Aŋ mndani, nda sna amu ka kazlay: Inda skwi ta gwaɗ zlahu ná, ŋa gwal vla Lazglafta ta tsa zlahu ya ŋa taŋ ta gwaɗa tsi kəʼa. Tsaya tama ná, haɗ mndu nda pslaftawi ta kəma Lazglafta wu, kada snaŋta inda mndu kazlay: Gaga həŋ ta dmaku ta kəma ni kəʼa.

Vrafta ta zlahu 33:3

Kahwathwata, ɗvu ɗva ta mnduha. Inda mnduha ni nda ghuɓa ná, ma dzva gha həŋ, ta vata səla gha tskavata hahəŋ. Ka tsuʼa gwaɗa ta sagha da kagha.

1 Piyer 1:5

Kaghuni, ka zlghaf zlgha kuni katsi, ta ngha kaghuni Lazglafta nda mbrakwa ni ŋa mbaghunafta. Tsa mbaku ya ná, ma kɗavakta fitik dzaʼa snaŋta kuni.

2 Piyer 2:17

Ka guram nda ghwa swiʼap imi mida tsa mnduha ta tagha ghwaɗaka skwi ya, ka guram nda ghwayak ta turiŋta falak ya həŋ guli. Payana paya Lazglafta ta vli ta həŋ ma grusl tɗik katakata.

Yuda 1:1

Iʼi Yuda ta nzakway ka kwalva *Yesu *Kristi, zwaŋama ni ma Yakubu, ta vindaghunaftá na ɗelewer na. Ta ga zgu yu ŋa ghuni gwal hagaf Lazglafta Da, gwal ɗvu tsi ka pghata ŋa Yesu Kristi.

Yuda 1:13

Manda tska ta ŋəɗak ta wa sgam, tskana vəl va gamtsaʼuwakwa drəf ya na dmakuha taŋ. Manda tekwatsa ta sliʼafta ta vla taŋ ka ndandaraku ta luwa ya həŋ. Ma vəl ka ŋəra tɗik fanata Lazglafta ta vli ŋa nzakwa taŋ ŋa kɗekedzeŋ.

Yuda 1:3

Graha ɗa ya ta ɗvu yu ma ŋuɗufa ɗa, gitagita a ta ɗvuta yu ta vindaghunaftá skwi ta ghəŋa gwaɗa ta mbaku ya ka skwa turtuk mu mida wu, kabga tsa, nda nza tkweʼ ka vindaghunafta ɗa, ŋa vlaghunatá mbraku, ŋa ŋavata ghuni ma zlghay nda ŋuɗuf ya zlghaf kuni, ya vlaŋ Lazglafta ta mnduha ni. Tsa gwaɗa ta mbaku ya ná, haɗ dzaʼa walaŋta mbəɗavafta wa.

1Sam 25:26

Ndanana, rvera ɗa ta waɗa waɗa yu nda hga Yawe nda hafu mida, nda ya nda ŋa gha hafu. Yawe ta pyaftá kagha ka pghiŋtá us ka ŋaghutá dzva gha. Má ka nza kɗavakta ghumaha gha, tsa gwal ta zba maganatá ghwaɗaka skwi ta rvera ɗa ya, manda ŋa Naval ya!