1Sam 2:28 - Hdi

²⁸ Iʼi ta zbaptá həŋ mataba inda mndəra la Israʼila, ŋa magihatá slna ɗa, ka gwal dra skwi ŋa Lazglafta, ŋa lafi ta gwira ɗa, ŋa dra urdi, ŋa kla ifut ta kəma ɗa. Vlaŋ vla yu ta dzidzíha gha ta inda skwa pla ghəŋ ŋa dray ta vu ta vlata la Israʼila.

1Sam 2:28 ပူးပေါင်းရင်းမြစ်များ

2Sam 12:7

Ka mnanaŋtá Nataŋ ta Dawuda, kaʼa mantsa: « Kagha tsa mndu ya! Wya ka Yawe, Lazglafta la Israʼila: “Iʼi ta zbaptá kagha nda ma pghaghaghatá rɗi ŋa nzakwa gha ka mghama la Israʼila, ka kataptá yu ta kagha ma dzva Sawulu.

2Sam 6:14

Ka skal Dawuda ta skalu nda kɗavakta mbrakwa ni ta kəma Yawe nda suɗatá ifut ka liŋ.

Sabi 28:1

« Musa, gavaganagha gava ta vata kagha ta Haruna zwaŋama gha, nda zwana ni i Nadav, nda Avihuʼ, nda Ilghazar, nda Itamar. Ka dganata ka ta həŋ nda pɗakwa la Israʼila, ŋa magay taŋ ta slna dra skwi ŋa ɗa.

Sabi 28:4

Wya tsa lgutha dzaʼa həŋ da gagafta ya: Zliba ghuva, nda ifut, nda guduŋgaba, nda gatá sɗakw, nda gwambar, nda biwir. Ka magafta həŋ ta tsa lgutha nda ghuɓa ya ŋa i Haruna zwaŋama gha nda ya ŋa zwana ni ŋa klay taŋ ta mag həŋ ta slna dra skwi ŋa ɗa.

Sabi 30:7

Inda sərɗək, ŋa dray Haruna ta urdi ŋa dray nda dra ta tsa gwir ya, ma fitika dzaʼa ni da payanatá vla tsatsaftá vu ta pitirla.

Sabi 30:8

Inda hawu ta lagha tsi da tsatsaftá vu ta pitirla ya ná, ŋa dray ni ta tsa urdi ya. Ka gɗata kuni ta dra urdi ta kəma Yawe ha zivirha ghuni wa.

La Levi 2:10

Pɗakwa tsa mbəha nimaya ya guli ná, dzaʼa nzakway ka ŋa i Haruna nda zwana ni. Nda nza tsaya ka skwi ta ghuɓuta katakata, kabga pɗakwa skwa pla ghəŋ draf lu ta vu ta kəma Yawe ya.

La Levi 2:3

Pɗakwa tsa mbəha nimaya ya guli ná, dzaʼa nzakway ka ŋa i Haruna nda zwana ni. Nda nza tsaya ka skwi ta ghuɓuta katakata, kabga pɗakwa skwa pla ghəŋ ŋa dray ta vu ta kəma Yawe ya.

La Levi 6:16

Inda mbəha nimaya ya dzaʼa vlata mnda dra skwi ŋa Lazglafta ná, dzaʼa drafta nda dra lu nekwnekw, zəta a lu wu, » kaʼa.

La Levi 7:32

Ma tsa pla ghəŋa zɗaku ya, ka klapta kuni guli ta rkufa zeghwi ka mbəhatá mnda dra skwi ŋa Lazglafta.

La Levi 7:36

Tsaya skwi mnanaf Yawe ta la Israʼila ŋa vlaŋtá gwal dra skwi ŋa Lazglafta, zlrafta daga baɗ tsa fitika pghamtá həŋ ya. Tsaya tva skwi ŋa magay ŋa ɗekɗek ha zivir zivira taŋ.

Mbsak 16:5

Kaʼa nda Kurah nda ya nda bakwa ni mantsa: « Ga sərɗək mahtsim, dzaʼa snamam sna Yawe ta ya ka ŋa ni, ta ya nda ghuɓa ta laviŋtá ɓhadaghata da tsi. Tsa mndu dzaʼa zbapta tsi ya, dzaʼa zlanaŋ zla ta tvi ŋa gavadaghata da tsi.

Mbsak 18:19

Inda mbəhuha nda ghuɓa ta faghuta la Israʼila ŋa Yawe ná, ta vlaghuna vla yu ŋa ghuni, nda zwana zgwana gha nda kwagha gha, ka zlahu ŋa ɗekɗek. Tsaya dzratá wi nda slughul ŋa ɗekɗek ta kəma Yawe, ŋa gha, nda zivira gha, » kaʼa.

1Sam 14:3

Hada Ahiya zwaŋa Ahituv zwaŋama ni ma Ikavut zwaŋa Pinhas, zigha Iliya mnda dra skwi ŋa Yawe ma Silu. Tsatsi ta kla ifut ma tsa fitik ya. Sna a mnduha kazlay na laghu la Yunataŋ kəʼa wa.

1Sam 2:18

Ta magay Samuyel ta slna ta kəma Yawe, zwaŋ nda suɗatá ifut ka liŋ ta vgha manda ŋa mnda dra skwi ŋa Lazglafta ya.