1Sam 19:23 - Hdi

²³ Ka lab tsi da Nayut ma Rama. Ka saha Sulkuma Lazglafta suw ta ghəŋa tsatsi guli, ka kɗə tsi ta mbaɗa ni, nda kla lwa Lazglafta ha ka ɓhadaghata ni da Nayut, ma Rama.

1Sam 19:23 ပူးပေါင်းရင်းမြစ်များ

Mbsak 23:5

Mantsa tama, ka fanamtá Yawe ta gwaɗa ma wi ta Bilgham. Kaʼa nda tsi mantsa: « Vra da Balak, ka mnanata ka ta gwaɗa mna gha yu, » kaʼa.

Mbsak 24:2

Kəʼa ká Bilgham klaŋtá ghəŋ ná, ka nghaŋtá tsi ta la Israʼila ta tsakavata ka mndəra mndu ka mndəra mndu. Ka saha Sulkuma Lazglafta ta ghəŋa ni.

Mata 7:22

Nda ndgha gwal dzaʼa mnay ŋa ɗa baɗu tsa kazlay: Mghama ɗa, Mghama ɗa! Aŋni a si ta kla lwa Lazglafta nda hga gha kay ra? Aŋni a si ta ghazla ghwaɗaka sulkum nda hga gha kay ra? Aŋni a si ta maga ndəghata mazəmzəmha nda hga gha kay guli ra kəʼa.

Yuhwana 11:51

Tsaw tsa gwaɗa mnə tsi ya ná, nda ɗvay ni a wa. Ma vəl tsa nzakwa ni ka mali ta ghəŋa gwal dra skwi ŋa Lazglafta ya ná, ka mnutá tsi kazlay: Dzaʼa mtu mta Yesu da mnaka la Yahuda kəʼa.

1Kwa 13:2

Dər má mutsaf mutsa yu ta mbrakwa kla lwa Lazglafta, dər má nda sna yu ta inda skwi nda ɗifatá skwa Lazglafta tani, dər má mamu zlghay nda ŋuɗuf da iʼi ŋa sliʼanaftá ghwáha, ka haɗ yu ta ɗvutá mndu wu katsi, skwi bətbət yu.

1Sam 10:10

Ɓhadaghata i Sawulu nda kwalva ni da Givgha, ka lagha tskatá anabiha da guyay. Gi ka saha Sulkuma Lazglafta suw ta ghəŋa ni, mbaɗa ka kla lwa Lazglafta mataba taŋ.

1Sam 10:12

Ka sana la Givgha mantsa: « Wa da taŋ na? » kaʼa. Tsaya kəl lu ka mna mahdihdi ta mnay kazlay na: « Nda nza Sawulu guli mataba anabiha ra? kəʼa ya, » kaʼa.

1Sam 10:6

Gi suw dzaʼa saha Sulkuma Yawe ta ghəŋa gha, ŋa lama kagha guli da kla lwa Lazglafta, ŋa mbəɗuta gha ka sana mndu.

1Sam 18:10

Ga mahtsima ni, ka saha ghwaɗaka sulkum suw ghunaga Lazglafta ta ghəŋa Sawulu, ka gi lam tsi da mna wayəm ma həga ga taŋ. Ta dzay dzay Dawuda ta kəzliŋkəzliŋa ni manda ya ma tsa sana fitikha ya kay. Nda ŋatá gupa ni Sawulu ma dzvu.

1Sam 19:18

Mantsa ya hwayaghuta Dawuda ka ndaghuta, ka ɓhadaghatá tsi da Samuyel ma Rama, ka snanamtá tsi ta inda skwi maga Sawulu. Ka laghu tsi kawadaga nda Samuyel da nzata ma Nayut.

1Sam 19:20

Ka ghunaftá Sawulu ta gwal ghunay ŋa ksaftá Dawuda. Ka nghaŋta həŋ ta tskatá la anabi ta kla lwa Lazglafta, Samuyel ta klanatá kəma ta həŋ. Ka saha Sulkuma Lazglafta suw ta tsa gwal ghunaf Sawulu ya, ka lam hahəŋ da kla lwa Lazglafta guli.

1Sam 19:22

Ka sliʼaftá vərɗa Sawulu, ka labi da Rama, ka lagha tsi ta wa sana mghama vavrəm ma Sehu. Ka ɗawaŋtá tsi: « Ga i Samuyel nda Dawuda ya na? » kaʼa. Ka lu nda tsi mantsa: « Wa a həŋ ma Nayut, ma Rama! » ka lu nda tsi.