1Sam 18:30 - Hdi

³⁰ Inda gɗata mghamha la Filisti ta dzaʼa da vulu ya, mal Dawuda ta dzaʼa ta kəma ta kəma ka inda maliha ma sludziha Sawulu, ha ka laghu hga ni katakata da zərwa.

1Sam 18:30 ပူးပေါင်းရင်းမြစ်များ

2Sam 11:1

Sagha sana vaku, ta fitika saba mghamha da vulu, ka ghunaftá Dawuda ta Yuʼav, nda kwalvaha ni, nda inda sludziha la Israʼila. Ka zaɗanatá həŋ ta la Ghamuŋ, ka fatá həŋ ta ghuɓa taŋ ta hula luwa Raba ka ŋamta nda vulu. Ama ta nzaghutá Dawuda ma Ursalima.

2Sam 7:9

Nza nza yu kawadaga nda kagha ma inda vli mbaɗ ka ta mbaɗa, ka zaɗanatá yu ta inda ghumaha gha ta kəma gha. Dzaʼa kapanaf kapa yu ta hga gha manda ŋa gwal dagaladagala ta ghəŋa haɗik.

2Mgh 1:13

Ka ghunəglaftá mgham ta mahkəna mala sludziha hutaf mbsak, nda mnduha ni hutaf mbsak kay guli. Ka laf tsa mahkəna mali ya, ka tsəlɓatá tsi ta kəma Iliya, ka ɗawaŋtá zɗakatahuɗi da tsi, kaʼa mantsa: « Mnda Lazglafta, wya dzvu, zɗaŋnaŋ zɗa ta huɗi ka nzata ŋni nda hafu, iʼi nda na mnduha hutaf mbsak, ka kwalvaha gha na!

Danyel 1:20

Ka mamu sana skwi ta ɗawaŋta mgham, tsaw tsa skwi ya, ta zbay ta ɗifil nda mahizl katsi ná, malaghu mala zɗakwa ŋa taŋ zlghatá wi ghwaŋ səla ta ŋa gwal vza mandaŋ, dzugwa zlazləra, ya ta haɗika ga mghama ni.

Lukwa 21:15

Iʼi, dzaʼa ndanaghunaktá tva gwaɗaha nda ɗifil ŋa ŋarapta ghuni ta ghumaha ghuni, ŋa trapta taŋ ta skwi ŋa mbəɗay.

Afisus 5:15

Mantsa tama, ɗasuwa ka kuni nda nzaku ta nzaku kuni. Ma nzaku kuni manda la rgha, nzawa nza manda gwal nda mahizl ma ghəŋa taŋ.

1 Piyer 2:4

Gavanavawagava ta Mgham Yesu Kristi. Tsatsi tsa pala ta vla hafu wuɗidiŋ mnduha ya. Tsatsi zbap Lazglafta ta hemanata inda skwi ta wa ira ni.

1 Piyer 2:7

Ka ŋa kaghuni gwal ta zlghafta ya ná, dagala sgita ni, ama mantsa ya a da gwal kul zlghafta wa. Ka lu vindafta ma deftera Lazglafta na: « Va tsa pala wuɗidiŋ gwal ba həga ya, ta nuta ka vərɗaka pala tughwa həga. »

1Sam 18:29

Ka sgəglavaghatá zləŋay Sawulu ta Dawuda, ka nzatá Sawulu ɗekɗek ka ghuma Dawuda.

1Sam 18:5

Ta za za Dawuda ta ghwa ma inda vli ta ghunafta Sawulu nda gwal vulu. Ka fatá Sawulu ta Dawuda ka ghəŋ ta ghəŋa gwal vulu, ka zɗəganatá tsaya ta mnduha nda kwalvaha Sawulu tani.

1Sam 19:8

Ka sliʼiglaftá vulu, ka laghu Dawuda da vulu nda la Filisti. Ka liŋtá tsi ta həŋ ka ŋəɗaŋəɗa, ka tatá həŋ ta vgha nda hwaya ta kəma Dawuda.

1Sam 2:30

Tsaya tama, ka Yawe, Lazglafta la Israʼila na: “Si mna mna yu kahwathwata kazlay na dzaʼa nzay gwal ga ghuni, nda zivira dzidzíha gha ŋa magihatá slna ŋa ɗekɗek kəʼa, ama ndanana, nzəglata a mantsa ya wu!” ka Yawe mnata. “Ta vlay yu ta sgit ŋa gwal ta vla sgit ŋa ɗa, ama gwal ta kfara iʼi ya, dzaʼa kfaraku hahəŋ guli.

1Sam 26:21

Ka Sawulu mantsa: « Gaga yu ta dmaku. Vragagha vra, zwaŋa ɗa Dawuda! Haɗ yu dzaʼa magəltá ghwaɗaka skwi ŋa gha wu, kabga gita ka ŋərma skwi hafa ɗa ta wa ira gha. Mantsa nzakwa ni, slna təkda maga yu, nanu nana yu ta ghəŋ katakata, » kaʼa.

1Sam 26:24

Manda va na nzakwa ni gita, ka ŋərma skwi na hafa gha da iʼi ná, mantsa ya dzaʼa nzakwa hafa ɗa ta wa ira Yawe. Dzaʼa katap kata ta iʼi ma inda ghuya ɗaŋwa, » kaʼa.