1Sam 17:50 - Hdi

⁵⁰ Mantsa ya ká Dawuda ghuɓasaptá tsa mnda la Filisti ya, ka dzata, nda kafay a wu, ama nda tsivuʼa ni, nda pala turtuk.

1Sam 17:50 ပူးပေါင်းရင်းမြစ်များ

Gwal tsa guma 15:15

Ka mutsaftá tsi ta paplama kəɗih ta ka mkwenek, ka klaftá tsi, ka pslatá mnduha dəmbuʼ (1.000) nda tsi.

Gwal tsa guma 3:31

Tahula Ihut guli, ka lam Samgar zwaŋa Ghanat da vla ni. Ka pslatá tsi ta la Filisti mkuʼ dərmək (600) nda dafa ngha sla, ka kataptá tsatsi guli ta la Israʼila.

1Sam 13:22

Mantsa tama, ma sana fitik ta vulu, haɗ kafay nda gupa, da sludziha kawadaga nda i Sawulu nda Yunataŋ wa. Ta ghəŋa i Sawulu nda zwaŋa ni Yunataŋ yeya nda tsi.

1Sam 17:39

Ka hbanaghatá Dawuda ta kafaya Sawulu ta ghəŋa tsa lgutha ya, ka dzəghaŋtá tsi ta mbaɗa, ka traptá tsi, kabga ta snu a wa. Kaʼa nda Sawulu mantsa: « Laviŋ a yu ta mbaɗa nda inda na huzla na wu, ta snu a yu wu, » kaʼa. Ka zlanavatá tsi.

1Sam 17:49

Ka gi tsghadatá Dawuda da zliba bazama ni, ka klagaftá pala, ka wuɗadapta nda tsivuʼa ni. Ka slaftá tsi ma bizlbizla kuma tsa mnda la Filisti ya, ka laghu tsi tes. Ka zləmbatá tsa mnda la Filisti ya duhtsuɗ ta haɗik ka mbumba.

1Sam 17:51

Ka hwayadaghatá Dawuda ka lagha sladanaghata, ka tsəhaftá kafay ma kupak ta vgha Guliyat, ka kɗiŋta, ka tsaghutá ghəŋa ni. Nghay la Filisti ta mtatá bikwir vula taŋ ná, gədizlizl həŋ nda hwaya.

1Sam 19:5

Pərɗa zaɗiŋtá hafa ni, dza dza ta mnda la Filisti, ka hɗamtá Yawe ta mbaku dagala ŋa inda la Israʼila. Nda ngha kagha, ka rfu ka ta rfu. Kabgawu dzaʼa gata ka ta dmaku nda ma pghiŋta gha ta usa mndu kul haɗ dmakwa ni, nda ma dzata gha ta Dawuda kul haɗ sana skwi maga gha tsi na? » kaʼa.

1Sam 21:9

Ka Dawuda nda Ahimelek mantsa: « Mamu gupa ka kafay a tsi da kagha hadna ra? Klaf a yu ta kafaya ɗa, dər huzla vula ɗa wu, kabga ta hwaya ta hwaya tsa skwi mnaɗif mgham ya, » kaʼa.

1Sam 23:21

Ka Sawulu mantsa: « Ka tfaghunagha tfa Yawe ta wi, kaghuni gwal ta tawa hiɗahiɗa ta iʼi ya!