1Sam 17:46 - Hdi

⁴⁶ Gita u na, dzaʼa vla vla Yawe ta kagha ma dzva ɗa. Dzaʼa dza dza yu ta kagha ka tsaghutá ghəŋa gha. Gita u na, dzaʼa vlaŋ vla yu ta sluʼa sludziha la Filisti ta zarakha nda nimtakha. Dzaʼa nda sna inda ghəŋa haɗik kazlay mamu Lazglafta ma Israʼila kəʼa.

1Sam 17:46 ပူးပေါင်းရင်းမြစ်များ

Zlrafta 40:19

Ma tsa fitik hkən ya dzaʼa kapanaf kapa Firʼawna ta ghəŋa gha, ta vgha gha. Dzaʼa hbagagha hba lu ta fu, ŋa sagha zarakha da za sluʼa gha, » kaʼa.

2Sam 18:28

Ka gugɗatá Ahimaghats, kaʼa nda mgham mantsa: « Ɗughwana nzakwa vli! » kaʼa. Ka zləmbatá tsi zlumbruh ta haɗik ta kəma mgham, kaʼa nda tsi mantsa: « Rfu ŋa Yawe, Lazglafta gha! Vla vla ta zata ghwa ta ghəŋa gwal si ta uwalaŋta dza kuma nda mgham, rvera ɗa! » kaʼa.

2Sam 21:10

Ka hlaftá Ritspa, makwa Aya ta gərzaŋha ka zlatafta ŋa nzakwa ni ta kutumba, daga zlraftá tska skwi ta vwah ha ka sagha ima rkwit ta ghəŋa tsa mbliha ya. Ka pyaftá tsi ta zarakha ta lagha tsukwafta ta həŋ gifitik. Girviɗik ya, ghəzlay ni ta tsuɗayha ta lagha ta ghəŋa taŋ.

1Mgh 8:43

Snaga sna daga ta luwa, ma vla nzakwa gha, ka tsuʼanafta ka ta inda skwi ya dzaʼa ɗawaghata tsi! Mantsa ya, dzaʼa snaŋta inda mndəra mnduha ta ghəŋa haɗik ta hga gha, ŋa zləŋay taŋ ta kagha manda ya ta mag mnduha gha, la Israʼila, dzaʼa snaŋ sna həŋ kazlay na ŋa vlaŋtá glaku ta hga gha bafta yu ta na həga na kəʼa.

1Mgh 8:60

Mantsa ya dzaʼa kəl inda mndəra mnduha ta ghəŋa haɗik ka snaŋta kazlay na, Yawe, Lazglafta, haɗ sani wu, kəʼa.

2Mgh 19:19

Ndanana, Yawe, Lazglafta ŋni, katap kata ta aŋni ma dzva Saŋheriv, ŋa snaŋta inda gá mgham ta ghəŋa haɗik kazlay kagha turtuktuk Lazglafta kəʼa, a Yawe! » kaʼa.

2Mgh 5:15

Ka vradaghatá Naghamaŋ da mnda Lazglafta nda inda gwal mista ni tani. Lagha ni, ka maraŋtá tsi ta vgha ni ta kəma ni, kaʼa mantsa: « Ndanana, nda sna yu kazlay haɗ Lazglafta ta inda ghəŋa haɗik wu, ba ma Israʼila kəʼa. Ndanana, kdəkkdək tsuʼaf tsuʼa ta mbəhu si da kwalva gha, » kaʼa.

Sabi 9:16

Ama zlagha zla yu nda hafu, ŋa maraghaŋtá mbrakwa ɗa, ŋa tiŋtá hga ɗa ta ghəŋa haɗik demdem.

Danyel 2:47

Ka mgham nda Danyel guli mantsa: « Mantsa nzakwa ni, malaghu mala Lazglafta ghuni ta inda lazglaftaha. Tsatsi mgham Lazglafta ta ghəŋa mghamha. Ta marigiŋ mara ta skwiha nda ɗifa, kabga kligiŋtá kagha ta tsa suna ɗa nda ɗifa ya, » kaʼa.

Danyel 3:29

Ndana tama, wya ka iʼi ta mnata skwi ŋa magay, ŋa inda mndəra mnduha ta inda haɗikha ta gwaɗa kavghakavgha. “Dər wati ma mndu tsi dzaʼa vzaftá rutsak ta Lazglafta i Sadrak, nda Mesak, nda Ghaveɗnegu ya, dzaʼa ɗatsanap ɗatsa lu ta tsa mndu ya. Dzaʼa nuna həga tsa mndu ya ka maghdzək, kabga haɗ sana lazglafta dzaʼa laviŋta mbanaftá mndu manda va nana wu,” » kaʼa.

Mata 24:28

Ma vli dər ga mbla skwi ya ná, hada dzaʼa tska gugzlum ta vgha.

Vrafta ta zlahu 28:26

Dzaʼa nzakway mbliha ghuni ka skwa zay inda zarakha ta luwa nda tsuɗayha ta haɗik. Haɗ mndu dzaʼa ghəzlaftá həŋ wa.

Vrafta ta zlahu 7:2

Dzaʼa vlaghuna vla Yawe, Lazglafta ghuni ta həŋ ma dzva ghuni, ŋa kwarafta ghuni ta həŋ, ka zaɗanata kuni ta həŋ tuzluzl. Ma dzrə kuni ta wi nda həŋ, ma zɗanaŋ kuni ta huɗi ta həŋ.

Vrafta ta zlahu 7:23

Ama dzaʼa vlaghuna vla Yawe, Lazglafta ghuni ta tsa mnduha ya ma dzva ghuni. Dzaʼa hwazlaɓanaf hwazlaɓa ta həŋ katakata ha ka zaɗanatá həŋ.

Yəhusuwa 10:8

Ka Yawe nda Yəhusuwa mantsa: « Yaha ka da zləŋaŋtá həŋ, kabga zlaghaŋ zla yu ta həŋ ma dzva gha. Haɗ ya dər turtuk dzaʼa ŋaŋta da kagha wu, » kaʼa.

Yəhusuwa 4:24

Maga maga mantsa ya, kada grafta inda mnduha ta haɗik ta glakwa mbrakwa Yawe. Nda ya kada gɗata kuni ta zləŋa Yawe, Lazglafta ghuni, » kaʼa.

1Sam 14:6

Ka Yunataŋ nda tsa duhwala ni ta klanatá huzla vula ni ya mantsa: « Sawi, lab u la dikw da vla bakwa na gwal kul tsaku fafaɗa taŋ na. Ka waya ká skwi dzaʼa laʼuf la Yawe ta hul, kabga haɗ skwi dzaʼa pyaftá Yawe ka mbanaftá mndu wu, dər má kiʼa mbsak, dər má dagala tsi, » kaʼa.

1Sam 17:44

Ka mnda la Filisti nda Dawuda mantsa: « Sagha sa da hadna, ka vlaŋta yu ta sluʼa gha ta zarakha, nda nimtakha, » kaʼa.