1Sam 17:26 - Hdi

²⁶ Ka Dawuda nda tsa mnduha ta sladu ndusa nda tsi ya mantsa: « Nu dzaʼa lu maganatá tsa mndu dzaʼa dzatá na la Filisti na, ŋa klaghutá hula ta ghəŋa la Israʼila ka kuni? Wa va na la Filisti, na mndu kul tsaku fafaɗa ni na, ŋa razay ni ta gwal vula Lazglafta nda hafu mida na? » kaʼa.

1Sam 17:26 ပူးပေါင်းရင်းမြစ်များ

2Mgh 19:4

Kawayaka skwi, nda sna Lazglafta gha ta inda tsa gwaɗaha slufa ghunak daŋahəga ni, mghama la Asur ŋa raza Lazglafta nda hafu mida ya. Kawayaka skwi, dzaʼa tsanagha tsa Yawe, Lazglafta gha ta guma ta tsa gwaɗaha snaŋ tsi ya. Maga ta duʼa ta ghəŋa gwal ta pɗata,” kaʼa, » ka həŋ.

2Rus 32:17

Ka vindaftá Saŋheriv ta ɗelewera razu ŋa Yawe, Lazglafta la Israʼila, nda mnay manda ya ŋa ni: « Manda va tsa lazglaftaha mndəra mnduha sana haɗikha ta traptá zluʼagaptá mnduha taŋ ma dzva ɗa ya, manda va tsaya Lazglafta Hizkiya, zluʼagapta a ta mnduha ni ma dzva ɗa wu, » kaʼa.

Nəhemiya 5:9

Ka kɗaŋtá yu ta gwaɗa: « Ɗina a tsa skwi maga kuni ya wa. Nzawa nza ta nzaku ma zləŋa Lazglafta mu, ŋa wara razuha da sanlaha ma mndəra mnduha, ta nzakway ka ghumaha mu.

Danyel 5:23

Mbaɗa ka ka pgha ghəŋ nda Mgham ta luwa. “Hlagiɗighawa hla ta leghwaha ni si ma həga ni ya,” ka ka nda kwalvaha. Ka sə kuni ta ghuzu tida, nda kagha tani, nda mnduha gha dagala dagala tani, nda miʼa gha tani, nda miʼa sanaghaha gha tani. Ta ghəŋa tsa guli ná, ka fə kuni ta laha ka zləzləva lazglaftaha ya tsaf lu nda kfura tseda, nda ya nda dasu, nda ya nda ghuva tili, nda ya nda kfur, nda ya nda udzu, nda ya nda pala tani. Tsa lazglaftaha ya ná, ngha a həŋ ta vli wu, sna a həŋ ta sləməŋ wu, sna a həŋ ta skwi ɗekɗek guli wa. Lazglafta ta ŋanatá hafa gha ma dzva ni, nda inda tva nzakwa gha tani ya ná, vlaŋ a ka ta glaku wa.

Danyel 6:27

Wya zlahu ta mnata yu: Ma inda vli ta gə yu ta mgham ta ghəŋa ni, inda mndu, ka zləŋa tsi ta Lazglafta Danyel, ka vla tsi guli ta glaku ŋa ni. Tsatsi Lazglafta nda hafu mida, ŋa kɗekedzeŋ nzatá nzakwa tsatsi. Haɗ ga mghama ni ta ɓadzaku wu, haɗ kɗavakta mbrakwa ni wa.

Danyel 9:16

Mghama ɗa, daga manda ghalya ka ta gɗata ta maraŋnatá nzakwa gha ka tɗukwa. Mantsa ya tama, kdəkkdək zlana zla ta tsa gufatá ŋuɗufa gha katakata ta ghəŋa Ursalima luwa gha, ghwá gha nda ghuɓa ya. Mantsa nzakwa ni, ta ghəŋa dmaku ga ŋni, nda krughuva dzidzíha ŋni, ta ghuɓasay inda gwal ta waŋnafta ta Ursalima nda mnduha gha.

Vrafta ta zlahu 5:26

Tsaya ná, wati ma mndu ya, tahula snaŋta ni manda aŋni ta lwa Lazglafta nda hafu mida ta gwaɗagapta ma vu, ŋa nzata ni nda hafu na?

1Tes 1:9

Nda wa taŋ ta rusa mnduha ŋa ŋni, ká kuni tsuʼaftá aŋni ma lagha ŋni da kaghuni, nda ya ká kuni zlaŋtá skwa wuyay ka mbəɗavata tsəlɓu ta kəma vərɗa Lazglafta ya ta vla hafu,

Yəhusuwa 3:10

Ka Yəhusuwa guli mantsa: « Dzaʼa graf gra kuni kazlay na mataba ghuni Lazglafta nda hafu mida kəʼa. Nda ya kazlay dzaʼa ghəzliŋ ghəzla ta kəma ghuni ta la Kanʼana, nda la Het, nda la Hiv, nda la Periz, nda la Girgas, nda la Amuru, nda ya nda la Yəbus kəʼa.

1 Yuhwana 5:20

Nda sna amu guli kazlay: Sasa Zwaŋa Lazglafta ta ghəŋa haɗik ka vlamatá tsi ta ɗifil ŋa snaŋtá vərɗa Lazglafta kəʼa. Ka ndiʼaftá mu ta vgha nda vərɗa Lazglafta nda ya nda zwaŋa ni *Yesu *Kristi. Tsatsi ná, vərɗa Lazglafta ta vlamatá hafu ŋa kɗekedzeŋ ya.

1Sam 11:2

Ka tsa Nahas ya nda həŋ mantsa: « Ta tsuʼay yu ta dzraftá wi nda kaghuni ta ghəŋa skwi turtuk: Nda ma paslanapta ɗa ta ira zeghwa inda kaghuni. Mantsa ya dzaʼa pghanaghata yu ta hula ta inda la Israʼila, » kaʼa.

1Sam 14:6

Ka Yunataŋ nda tsa duhwala ni ta klanatá huzla vula ni ya mantsa: « Sawi, lab u la dikw da vla bakwa na gwal kul tsaku fafaɗa taŋ na. Ka waya ká skwi dzaʼa laʼuf la Yawe ta hul, kabga haɗ skwi dzaʼa pyaftá Yawe ka mbanaftá mndu wu, dər má kiʼa mbsak, dər má dagala tsi, » kaʼa.

1Sam 17:10

Ka tsa mnda la Filisti ya kay guli mantsa: « Iʼi, gita, hərtəta hərtəta yu ta la Israʼila! Vlihawa vla ta mndu turtuk, ka guyata ŋni nda tsi! » kaʼa.

1Sam 17:30

Ka zlanatá tsi ta həŋ, ka laghwi da ɗaway da sana mndu, ka vranaftá tsi ta va tsa ɗaway ni ya, ka zlghanaftá mnduha ta wi manda va tsa taŋtaŋ ya.

1Sam 17:36

Mantsa ya dzata kwalva gha ta rveri, nda ziŋa. Manda tsaya dzaʼa nzakwa tsi nda na mnda la Filisti, na mndu kul tsaku fafaɗa ni na, kabga razanaf raza ta gwal vula Lazglafta nda hafu mida! » kaʼa.

1Sam 31:4

Ka Sawulu nda tsa mndu ta klanatá huzla vula ni ya mantsa: « Tsəhagap tsəha ta kafaya gha, ka sliglata ka ta iʼi. Ka mantsa a tsi wu ná, gwal kul tsaku fafaɗa taŋ dzaʼa sagha da magay, ŋa gay taŋ ta ghəliz ŋa ɗa, » kaʼa. Ama va a tsa mndu ta klanatá huzla vula ni ya ta dzata wu, kabga nda ksa da zləŋ katakata. Mantsa tama, ka klaftá Sawulu ta kafay ni ka vzuŋtá vgha ta wa ni.