1Sam 17:12 - Hdi

¹² Dawuda ná, zwaŋa sana mnda la Ifrata ya, ma Betʼlehem ta haɗika la Yahuda, ta hgə lu ka Yisay. Tghas zwana ni ka zgwana ka zgwana. Ta zamana Sawulu ná, nda hala tsa mndu ya huzum, lula ima ni.

1Sam 17:12 ပူးပေါင်းရင်းမြစ်များ

Zlrafta 35:19

Ka mtuta Rasel, ka lamtá lu ta wa tva dzaʼa da Ifrata ta hgə lu ndanana ka Betʼlehem ya.

2Sam 23:1

Wya kɗavakta gwaɗa Dawuda: « Gwaɗa mna Dawuda, zwaŋa Yisay, gwaɗa mna mndu nda kapa dagala, mndu ya zbap Lazglafta Yakubu nda ma pghanaghatá rɗi, mndu ta fa laha zɗa zɗa da la Israʼila.

Mata 1:6

Yesay ta yatá Dawuda. Ka yatá mgham Dawuda ta Salumuŋ (si markwa Uriya na ma ni,)

Mata 2:1

Ma luwa Betʼlehem ta haɗika Zudiya yatá lu ta *Yesu, ma fitika gay Hiridus ta mghama ni hada. Tahula yata, ka sliʼaftá gwal nda sna ta skwi ta ghəŋa tekwatsa daga ma mndəra luwa ka safi da luwa Ursalima.

Mata 2:6

“Kagha luwa Betʼlehem ta haɗika Yahuda. Hta a nzakwa gha mataba luwaha ya ta haɗika Yahuda wu, kabga ga ghuni dzaʼa saba Mgham dzaʼa ngha mnduha ɗa la Israʼila,” » kaʼa.

Rut 1:2

Ilimelek hga tsa mndu ya, Naghumi hga markwa taŋ. Hga tsa zwana ni his ya guli, i Mahluŋ nda Kilyuŋ. Mnda la Ifrata si ma Betʼlehem ta haɗika Yahuda həŋ. Ka ɓhadaghatá həŋ ta haɗika Muwav, ka nzatá hada.

Rut 4:17

Ka mnə miʼa sləvdaha kazlay na: « Yana ya lu ta zwaŋ ta Naghumi! » kəʼa. Ka tsanaftá həŋ ta hga ni ka: « Ghuvet. » Tsatsi da ni ma Yisay, da ni ma Dawuda.

Rut 4:22

Ghuvet ta yatá Yisay, Yisay ta yatá Dawuda.

1Sam 1:1

Mamu sana mnda la Tsuf ma Rama ta ghwá la Ifrayim, Ilkana hga ni, zwaŋa Yəruham, zigha Ilihu, zigha ndindliŋa Tuhu, zigha papaha Tsuf. Mnda la Ifrata ya.

1Sam 16:1

Ka Yawe nda Samuyel mantsa: « Dzaʼa gɗata ta tawa Sawulu ka ra? Wuɗiŋ wuɗa vərɗa iʼi, nzəgla a ka mghama la Israʼila wa. Ndəgham ndəgha ta rɗi ma dula gha, ka dzaʼa ka. Ta ghuna kagha yu da Yisay, mnda la Betʼlehem, kabga nda ngha yu mataba zwana ni ta mgham ta kum yu, » kaʼa.

1Sam 16:18

Ka sani mataba duhwalha ni zlghanafta wi mantsa: « Nda ngha yu ta sana zwaŋa Yisay, mnda la Betʼlehem. Midala ya nda sna ta dza kəzliŋkəzliŋ, warakrak nzakwa ni, mnda vulu ya, nda ɗifil kəʼa ta gwaɗa, nda mbaza ma kuma. Kawadaga Yawe nda tsi, » kaʼa.

1Sam 17:11

Ka snaŋtá i Sawulu nda inda la Israʼila ta tsa gwaɗaha tsa mnda la Filisti ya, ka hlutá zləŋ ta həŋ katakata, ka ŋwaŋuɗataku həŋ.

1Sam 17:58

Ka Sawulu nda tsi mantsa: « Zwaŋa wa ka ní, sagəŋ? » kaʼa. Ka Dawuda zlghanaftá wi mantsa: « Zwaŋa kwalva gha Yisay, mnda la Betʼlehem yu, » kaʼa.