1Sam 16:14 - Hdi

¹⁴ Ka saghu Sulkuma Yawe ma Sawulu, ka saha ghwaɗaka sulkum ghunaf Yawe da ghuya ghəŋa ni.

1Sam 16:14 ပူးပေါင်းရင်းမြစ်များ

2Sam 7:15

Ama haɗ yu dzaʼa klaghutá zɗakwa ɗa da tsi, manda ya klaghu yu da Sawulu kliŋ yu ka tsaghaŋtá vli ya wa.

1Mgh 22:19

Ka Mihayhu mantsa: « Katək ra! Sna tama ta gwaɗa Yawe: Nda ngha yu ta Yawe ta nzaku ta dughurukwa gá mghama ni, nda inda gwal vulu ta luwa ta sladu ta vata ni, nda ga zeghwa ni, nda ya nda ga zlaɓa ni.

1Mgh 22:22

Kaʼa zlghanaftá wi mantsa: “Ta dzaʼa yu, dzaʼa nzakway yu ka sulkuma tsakalawi ma wa inda anabiha ni,” kaʼa. Ka Yawe nda tsi mantsa: “Kahwathwata ná, dzaʼa gataf gata ka, dzaʼa katsay ka. La ka magata ka manda tsaya!” » kaʼa.

Gwal tsa guma 16:20

Ka Dəlila mantsa: « Wya la Filisti ta ghəŋa kagha Simsuŋ! » kaʼa. Ka sliʼavatá tsi ta hana ni, kaʼa ma ghəŋa ni mantsa: « Dzaʼa sab sa yu manda ya ghalya, ka pliŋtá vgha, » kaʼa. Ama sna a kazlay na diʼiŋaghu diʼiŋa Yawe nda tsi kəʼa wa.

Gwal tsa guma 16:29

Ka ŋaftá Simsuŋ ta vgha ta tsa guguɗiha his ma takataka ta ŋanatá tsa həga ya, ka kasavata ta həŋ. Dzva zeghwa ni ta sani, dzva zlaɓa ni ta sani.

Gwal tsa guma 9:23

Ka ghunagatá Lazglafta ta ghwaɗaka sulkum da taba i Avimelek nda maliha la Səkem. Ka ganavatá maliha la Səkem ta sidi ta Avimelek.

1Sam 11:6

Na gi snaŋta Sawulu ta tsa gwaɗaha ya, ka saha Sulkuma Lazglafta suw ta ghəŋa ni, ka gufaftá ŋuɗufa ni katakata.

1Sam 16:15

Ka kwalvaha Sawulu nda tsi mantsa: « Wana ghwaɗaka sulkum ghunaga Lazglafta na skwi ta ghuya ghəŋa gha na.

1Sam 16:16

Rvera ɗa, ta mblam ka hafa gha! Ka ta kumay ka, ta dzaʼa kwalvaha gha da zbaghaktá mndu ya nda sna ta dza kəzliŋkəzliŋ. Ma saha tsa ghwaɗaka sulkum ta ghunagata Lazglafta ya, ŋa dzay ni ta kəzliŋkəzliŋ ŋa lɓaghatá ghəŋ, » ka həŋ.

1Sam 16:23

Na saha tsa ghwaɗaka sulkum ghunaga Lazglafta ya ta ghəŋa Sawulu ya ná, klafta Dawuda ta kəzliŋkəzliŋ ka dzanata. Mantsa tama, ŋa lɓata ghəŋa Sawulu, ŋa lavaghwa ni, ŋa laghwa tsa ghwaɗaka sulkum ya ta ghəŋa ni.

1Sam 18:10

Ga mahtsima ni, ka saha ghwaɗaka sulkum suw ghunaga Lazglafta ta ghəŋa Sawulu, ka gi lam tsi da mna wayəm ma həga ga taŋ. Ta dzay dzay Dawuda ta kəzliŋkəzliŋa ni manda ya ma tsa sana fitikha ya kay. Nda ŋatá gupa ni Sawulu ma dzvu.

1Sam 18:12

Ka zləŋatá Sawulu ta Dawuda, kabga kawadaga Yawe nda Dawuda, zlanava zla ta Sawulu.

1Sam 28:15

Ka Samuyel nda Sawulu mantsa: « Kabgawu kəl ka ka gərzliɗifta ta mbiʼa vgha ɗa, ka hgagaɗifta na? » kaʼa. Ka Sawulu mantsa: « Mamu sana skwi ta kəɓa iʼi katakata. Ta vulu la Filisti nda iʼi, ka mbəɗihatá Lazglafta ta hul. Zlghəgla a ta wa ɗa, dər nda təv la anabi, dər nda ma suniha wa. Tsaya tama kəl yu ka hgaŋtá kagha ŋa sniɗimta ta skwi ŋa magay ɗa, » kaʼa.