1Sam 16:1 - Hdi

¹ Ka Yawe nda Samuyel mantsa: « Dzaʼa gɗata ta tawa Sawulu ka ra? Wuɗiŋ wuɗa vərɗa iʼi, nzəgla a ka mghama la Israʼila wa. Ndəgham ndəgha ta rɗi ma dula gha, ka dzaʼa ka. Ta ghuna kagha yu da Yisay, mnda la Betʼlehem, kabga nda ngha yu mataba zwana ni ta mgham ta kum yu, » kaʼa.

1Sam 16:1 ပူးပေါင်းရင်းမြစ်များ

1Mgh 8:16

“Daga baɗ hlagapta ɗa ma Masar ta mnduha ɗa la Israʼila, haɗ luwa ya zbap yu mataba inda mndəra la Israʼila ŋa baftá həga ŋa nzakwa hga ɗa wu, ama zbap zba yu ta Dawuda ŋa gay ni ta mgham ta ghəŋa mnduha ɗa, la Israʼila,” kaʼa.

2Mgh 9:1

Ka hgaŋtá anabi Ilisa ta sani mataba guyatá ghəŋa anabiha, kaʼa nda tsi mantsa: « Hba ta vgha, ka klafta ka ta hwaraka rɗi, ka dzaʼa ka da Ramut ma Gilghat.

2Mgh 9:3

Ka klafta ka ta tsa hwaraka rɗi ya, ka pghəganata ka ma ghəŋ, ka ka dazlay: “Wya ka Yawe mnata: Nda ma pghaghaghatá na rɗi na, fa fa yu ta kagha ka mghama la Israʼila,” kaʼa, ka ka dazlay. Ka gi gunata ka ta wa tgha ka hwayaghuta ka yaha ka da sladavata, » kaʼa.

2Mgh 9:6

Ka sliʼaftá Yehu ka lam da həga. Ka pghəganatá tsa duhwal ka anabi ya ta rɗi ma ghəŋ, kaʼa mantsa: « Wya ka Yawe, Lazglafta la Israʼila mnata: “Nda ma pghaghaghatá rɗi, fa fa yu ta kagha ka mghama mnduha ɗa la Israʼila.

1Rus 11:3

Mantsa tama, ka sliʼadaghatá inda galata mnduha la Israʼila slanaghatá mgham Dawuda ma Hevruŋ. Hada, ka dzraftá Dawuda ta wi nda həŋ ta kəma Yawe ma Hevruŋ. Ka fatá həŋ nda ma pghanaghatá rɗi ta Dawuda ŋa nzakwa ni ka mgham ta ghəŋa la Israʼila taɓta gwaɗa Yawe ta mnata nda ma wa Samuyel.

1Rus 28:4

Zbap zba Yawe, Lazglafta la Israʼila ta iʼi mataba inda la ini, ŋa nzakwa ɗa ka mgham ŋa ɗekɗek ta ghəŋa la Israʼila. Zbap zba ta Yuda ka mali, ka zbaptá tsi ta la ga da ɗa ma mndəra la Yuda. Mataba zwani yaya da ɗa, iʼi kumaf tsi ŋa gá mgham ta ghəŋa inda la Israʼila.

La Ruma 15:12

Ka anabi Isaya nda ŋa ni guli na: « Dzaʼa sab sa zivir ma mndəra Yesay, ŋa gay ni ta Mgham ta ghəŋa la Grek, ŋa nzakwa la Grek nda fatá ghəŋ tida, » kaʼa.

Hebru 11:32

Nu dzaʼa mnəgəlta yu ka malaghutá tsa tama? Nda hta fitik ka mnəgəlta ɗa ta gwaɗa ta ghəŋa i: Zideyuŋ, nda Barak, nda Samsuŋ, nda Yafte, nda Dawuda, nda Samuyel, nda la anabiha.

1 Yuhwana 5:16

Ka nda ngha mndu ta zwaŋama ni ta ga dmaku, dzaʼa kwal kul klaghata da mtaku ŋa kɗekedzeŋ katsi, ka maga tsi ta duʼa da Lazglafta ta ghəŋa tsa mndu ya ŋa vlaŋta Lazglafta ta hafu. Tsa hafu ya, ŋa gwal ta ga dmaku dzaʼa kwal kul klaghatá həŋ da mtaku ŋa kɗekedzeŋ dzaʼa vla lu. Mamu dmaku ta kla mndu da mtaku ŋa kɗekedzeŋ. Mna a iʼi kazlay: Ka maga kuni ta duʼa da Lazglafta ta ghəŋa mndərga tsaya kəʼa wa.

1Sam 10:1

Ka klaftá Samuyel ta hwaraka rɗi, ka pghəganatá Sawulu ma ghəŋ. Ka brusatá tsi. Kaʼa mantsa: « Yawe ta zbaptá kagha nda ma pghaghaghatá rɗi ŋa nzakwa gha ka mali ta ghəŋa mnduha ni, la Israʼila skwa za həga ni.

1Sam 15:11

« Ta hagay yu ta madər nda fata ɗa ta Sawulu ka mgham, kabga mbəɗaghu mbəɗa ta vgha ta vata iʼi. Haɗ ta maga slna nda gwaɗaha ta mnata yu wu, » kaʼa. Ka kuzlanaftá tsi ta Samuyel ta ŋuɗuf, ka han tsi ta wahu ta kəma Yawe petsuweɗ vli.

1Sam 15:23

Mantsa nzakwa ni, ka gragra kwal kul sna gwaɗa nda dmakwa gwal vza mandaŋ. Ga sidi guli ná, ka gragra nda dmakwa gwal wuya skwi. Manda vziŋta kagha ta snatá gwaɗa Yawe ya, vziŋ vza tsatsi guli ta nzakwa gha ka mgham, » kaʼa.

1Sam 15:26

Ka Samuyel nda Sawulu mantsa: « Haɗ yu ta vru mista gha wu, kabga wuɗiŋ wuɗa ka ta gwaɗa Yawe, ka wuɗighistá Yawe guli. Nzəglata a kagha ka mghama la Israʼila wu, » kaʼa.

1Sam 15:35

Ləglagha a Samuyel da ngha Sawulu ha ka mtata ni wa. Ama ka taw tsi ta taw katakata ta ghəŋa ni, kabga ta haga madər Yawe nda famta ni ta Sawulu ka mgham ta ghəŋa la Israʼila.

1Sam 16:15

Ka kwalvaha Sawulu nda tsi mantsa: « Wana ghwaɗaka sulkum ghunaga Lazglafta na skwi ta ghuya ghəŋa gha na.

1Sam 16:23

Na saha tsa ghwaɗaka sulkum ghunaga Lazglafta ya ta ghəŋa Sawulu ya ná, klafta Dawuda ta kəzliŋkəzliŋ ka dzanata. Mantsa tama, ŋa lɓata ghəŋa Sawulu, ŋa lavaghwa ni, ŋa laghwa tsa ghwaɗaka sulkum ya ta ghəŋa ni.

1Sam 17:12

Dawuda ná, zwaŋa sana mnda la Ifrata ya, ma Betʼlehem ta haɗika la Yahuda, ta hgə lu ka Yisay. Tghas zwana ni ka zgwana ka zgwana. Ta zamana Sawulu ná, nda hala tsa mndu ya huzum, lula ima ni.

1Sam 9:16

« Mahtsim ta na luwa ná, dzaʼa ghundaghagha ghuna yu ta sana mnda la Biŋyamiŋ, ka famta ka nda ma pghanaghatá rɗi ŋa nzakwa ni ka mali ta ghəŋa mnduha ɗa la Israʼila. Dzaʼa mbanaf mba ta mnduha ɗa ma dzva la Filisti, kabga nda ngha yu ta ksakwa taŋ ka hiɗahiɗa, ɓhiɗagha ɓha waha taŋ, » kaʼa.