1Sam 15:3 - Hdi

³ Ndanana tama, la pslatá la Ghamalek tuzluzl. Ka níŋta kuni ka skwa dzahay ta inda skwa taŋ. Yaha ka da zlanatá həŋ. Ka rwanata ka ta inda taŋ demdem, nda zgwana tani, nda miʼaha tani, nda zwani tani, nda vziʼuwa tani, nda slaha tani, nda rina fisik tani, nda ŋalibwaha tani, nda kəɗihha tani,” kaʼa, » kaʼa.

1Sam 15:3 ပူးပေါင်းရင်းမြစ်များ

Zlrafta 36:12

Ka nzatá Timna ka markwa sanagha ga Ilifaz, zwaŋa Ghesav, ka yanatá tsi ta Ghamalek ta Ilifaz. Tsaha ya zighiha Ghada, markwa Ghesav.

2Sam 1:8

Kaʼa nda iʼi mantsa: “Wa kagha na?” kaʼa. “Iʼi mnda la Ghamalek ya,” ka yu.

Sabi 17:14

Ka Yawe nda Musa mantsa: « Vindam vinda nda vinda ta tsa skwiha ya ma ɗelewer, ŋa nzakwa ni ka skwa havu. Mnana mna ta Yəhusuwa kazlay na dzaʼa kɗana kɗa yu ta la Ghamalek demdem, haɗ mndu dzaʼa havglapta ka həŋ ɗekɗek ta ghəŋa haɗik wu kəʼa, » kaʼa.

Sabi 20:5

Ma tsəlɓu ka ta tsəlɓu ŋa tsa skwiha ya, ma vlə ka ta glaku ŋa taŋ, kabga iʼi Yawe, Lazglafta gha ná, Lazglafta ta draku yu. Ta ghuzlanaptá iri ta zwani dabga dmakwa dadaha taŋ, ha ka lab ta zigha ndindliŋ, ka zigha papah a tsi, ŋa gwal husaŋ yu ta həŋ.

Mbsak 24:20

Ka nghaŋtá Bilgham ta la Ghamalek ka tsaftá tsi ta laha ni, kaʼa mantsa: « Ghamalek ná, si naha mndəra mnduha ya, ama kɗavakta ni, ka kufik dzaʼa nzakwa tsi, » kaʼa.

Mbsak 31:17

Mantsa, ndanana, pslawa psla ta inda zwana zgwana! Pslawa psla ta inda miʼaha ta snaŋtá zgun.

Yəhusuwa 10:39

Ka zatá həŋ. Ka klaghutá həŋ ta tsa luwa ya nda mghama ni nda inda luwaha ta wafta tani, ka zaɗanatá həŋ nda kafay ta inda mnduha mida. Haɗ mndu ya zlana Yəhusuwa ŋa ndapta nda hafu dər turtuk wa. Manda va ya magana Yəhusuwa ta Hevruŋ, nda ya nda Livna nda mghama ni ya, mantsa kəʼa maganatá luwa Dəvir nda mghama ni tani.

1Sam 14:48

Ka maraŋtá tsi ta mbrakwa ni, ka zatá tsi ta ghwa ta ghəŋa la Ghamalek, ka zluʼaptá tsi ta la Israʼila ma dzva gwal ta zləɗatá həŋ.

1Sam 15:18

Ka ghunaftá Yawe ta kagha. Kaʼa mantsa: “La da rwanatá tsa la Ghamalek gwal ta ga dmaku ya, nda vulu ha ka zaɗanata gha ta həŋ tuzluzl,” kaʼa.

1Sam 15:9

Ama ka zlanatá i Sawulu nda sludziha ni ta Agag, nda ya ɗina ɗina ma rina fisik, nda slaha, nda mahisa yakwa rini, nda slaɓalakwha maŋazakha, nda inda skwiha ya ɗina ɗina. Kumaŋ a həŋ ta pslatá həŋ wu, ama inda huzlaha ya kul haɗ sgita ni, nda ya kul ɗinaku, ka zaɗanatá həŋ nekwnekw ta həŋ.

1Sam 22:19

Ka rdzakanatá tsi nda kafay, ma Nuv, luwa mnda dra skwi ŋa Lazglafta, ta zgwana nda miʼaha, nda zwani nda vziʼuwaha, nda slaha, nda kəɗihha, nda rina fisik.

1Sam 27:9

Ma inda tsa sab ta sab həŋ ya ná, ta zaɗana zaɗa Dawuda ta tsa kwakwar ya, pɗana a nda hafu ta dər zgun dər marakw wu, ama ta hlagha hla ta rina fisik, nda slaha, nda kəɗihha, nda ŋalibwaha, nda lgutha, ŋa vraghata ni da Ahis.

1Sam 30:17

Ka rdzak Dawuda ta həŋ daga ta tsughbura sərɗək baɗ va tsaya, ha ga hawu ga mahtsima ni. Haɗ mndu ma həŋ ta ndapta wu, ba duhwalha fwaɗ dərmək (400) ta ŋlaftá ŋalibwaha ka hwayaghuta yeya.