1Sam 15:23 - Hdi

²³ Mantsa nzakwa ni, ka gragra kwal kul sna gwaɗa nda dmakwa gwal vza mandaŋ. Ga sidi guli ná, ka gragra nda dmakwa gwal wuya skwi. Manda vziŋta kagha ta snatá gwaɗa Yawe ya, vziŋ vza tsatsi guli ta nzakwa gha ka mgham, » kaʼa.

1Sam 15:23 ပူးပေါင်းရင်းမြစ်များ

Zlrafta 31:19

Laghu la Lavaŋ da gatsiŋtá swidi ta tuwakha ni, ka lagha Rasel da ghalaghatá skwa wuyayha da ni.

Zlrafta 31:34

Tsaw klaf kla Rasel ta tsa skwa wuyayha ya ka pghiŋta mista skwa nzaku ta ŋalibwa, ka nzafta tida. Ka psaptá Lavaŋ ta inda vli ma tumpul, slanagha a wa.

2Sam 12:9

Kabgawu kəl ka ka hərtətatá gwaɗa Yawe, nda ma magatá ghwaɗaka skwi ta wa ira ni na? Dza dza ka nda kafay ta Uriya, mnda la Het, dza dza ka nda kafaya la Ghamuŋ, ka klutá ka ta markwa taŋ ka markwa ghuni.

2Sam 7:15

Ama haɗ yu dzaʼa klaghutá zɗakwa ɗa da tsi, manda ya klaghu yu da Sawulu kliŋ yu ka tsaghaŋtá vli ya wa.

1Rus 10:13

Mtu mta Sawulu dabga vəl ganata ni ta dmaku ta Yawe, ka kwalaghuta snatá gwaɗa Yawe. Ka laghu tsi nduk da gwal ta gwaɗa nda sulkuma gwal nda rwa,

1Rus 28:9

Kagha zwaŋa ɗa Salumuŋ, snaŋ sna ta Lazglafta da gha, ka maganata ka ta slna nda hya hya ŋuɗufa gha, ka ɗvuta ka nda hafa gha, kabga da hya ŋuɗuf ta nghadamta Yawe, ka gala inda ndanu. Ka ta zbay ka, dzaʼa fagha fa ta vgha, ama ka zlanava zla ka, dzaʼa wuɗighis wuɗa ŋa ɗekɗek.

Sabi 22:18

Mndu ya ta hanata nda rini, dzaʼa dza dza lu.

La Levi 20:27

Mndu ta gwaɗa nda gwal ma haɗik, ka ta ga ɗəgha a tsi, dər zgun ka dər marakw a tsi, zlambata ghuni ta həŋ, ka pslatá həŋ. Dguv ta ghəŋa taŋ usa taŋ, » kaʼa.

La Levi 20:6

Ka mbəɗaghu mbəɗa mndu ta vgha təv gwal ta gwaɗa nda gwal ma haɗik, ka təv ɗəghaha a tsi, ka laghu da maga sliʼiŋsliʼiŋ nda həŋ, dzaʼa dzaŋ dza yu ta kuma nda tsi. Dzaʼa kliŋ kla yu guli mataba mnduha ni.

Mbsak 14:9

Nziya nza tsi ná, ma ganava kuni ta sidi ta Yawe. Ma zləŋ kuni ta mnduha ma tsa haɗik ya, ya manda nina dzaʼa zata mu ta həŋ! Diʼiŋaghu diʼiŋa sulkuma lazglaftaha taŋ nda həŋ, ama ta nzaku Yawe ta vata amu. Ma zləŋ kuni tama ta həŋ! » ka həŋ.

Slna gwal ghunay 13:22

« Ka mbəɗanatá Lazglafta ta hul ta Sawul, ka mbəɗanamtá ga mgham ta Dawuda ta ghəŋa taŋ. “Slaf sla yu ta Dawuda, zwaŋa Yesay. Zɗəgiha zɗa, dzaʼa magay ta inda skwi ya ta kum ŋuɗufa ɗa,” kaʼa.

2Kwa 6:16

Nu ta guyanaftá həga Lazglafta nda həga skwa wuyay na? Amu ná, həga Lazglafta nda hafu amu, manda ya mna tsi kazlay: Mataba taŋ dzaʼa nzamta yu ka wawaku kawadaga nda həŋ. Ka Lazglafta taŋ ta dzaʼa nzata yu, ka mnduha ɗa hahəŋ guli kəʼa.

Galat 5:20

wya skwi, maga mndu nda ghwani, nzaku ka ghuma, zlərɗa wi, draku, ɓasa ŋuɗuf, ɗva ghəŋ, daga vgha, kwal kul guya ghəŋ,

Vrafta ta zlahu 9:24

Ta ga sidi kuni nda Yawe daga ka yawu snaŋta ɗa ta kaghuni.

Vrafta ta zlahu 9:7

« Havakwa hava, ma zanap kuni ya ká kuni gufanaftá ŋuɗuf ta Yawe, Lazglafta ghuni ma mtak. Daga baɗ saba ghuni ma haɗika Masar ha ka ɓhagaghatá ghuni da hadna, ta ga sidi kuni nda Yawe.

Yəhusuwa 22:15

Ka lagha həŋ slanaghatá mndəra la Rubeŋ, nda mndəra la Gat, nda rita mndəra la Mənase ta haɗika Gilghat. Ka həŋ nda həŋ mantsa:

Suna Yuhwana 21:8

Ama gwal ta yaɗi, nda gwal ta mbrəs, nda gwal ta maga manzakɗaway skwiha, nda gwal ta pslatá mndu, nda gwal ta maga sliʼiŋsliʼiŋ, nda gwal ta mbaɗaku, nda gwal ta wuya skwi, nda inda gwal ta tsakalawi ya, da duda vu ghandand dzaʼa pghaghata lu ta həŋ. Tsaya ta nzakway ka mahisa mtaku, » kaʼa.

Suna Yuhwana 22:15

Ama gwal ta nzakway ta magaku manda kriha, nda gwal ta mbəɗaku, nda gwal ta maga sliʼiŋsliʼiŋ, nda gwal ta pslatá mndu, nda gwal wya skwi, nda inda gwal zɗəgana tsakalawi, ta tsakalay həŋ guli ya, mabli dzaʼa zlanata lu ta tsaha ya.

1Sam 13:14

Ama ndanana, haɗ ga mghama gha dzaʼa gɗavata wu. Zbaf zba Yawe ta mndu taɓta ya ta kum ŋuɗufa ni, ka fatá tsi ŋa nzakway ka mali ta ghəŋa mnduha ni. Dzaʼa magaku mantsa, kabga maga a ka ta skwi mnaghaf Yawe wu, » kaʼa.

1Sam 16:1

Ka Yawe nda Samuyel mantsa: « Dzaʼa gɗata ta tawa Sawulu ka ra? Wuɗiŋ wuɗa vərɗa iʼi, nzəgla a ka mghama la Israʼila wa. Ndəgham ndəgha ta rɗi ma dula gha, ka dzaʼa ka. Ta ghuna kagha yu da Yisay, mnda la Betʼlehem, kabga nda ngha yu mataba zwana ni ta mgham ta kum yu, » kaʼa.

1Sam 2:30

Tsaya tama, ka Yawe, Lazglafta la Israʼila na: “Si mna mna yu kahwathwata kazlay na dzaʼa nzay gwal ga ghuni, nda zivira dzidzíha gha ŋa magihatá slna ŋa ɗekɗek kəʼa, ama ndanana, nzəglata a mantsa ya wu!” ka Yawe mnata. “Ta vlay yu ta sgit ŋa gwal ta vla sgit ŋa ɗa, ama gwal ta kfara iʼi ya, dzaʼa kfaraku hahəŋ guli.

1Sam 28:3

Mtuta Samuyel, ka tawamtá inda la Israʼila, ka paɗamtá lu ma Rama, ma luwa ni. Tsaw si hliŋ hla Sawulu ma haɗika ni ta ga ɗəgha, nda gwal ta gwaɗa nda gwal ma haɗik.