1Sam 14:40 - Hdi

⁴⁰ Ka Sawulu nda la Israʼila tama mantsa: « Kaghuni demdem la Israʼila, nzaghuwa nza ta slərpu, ta nzaghutá iʼi nda zwaŋa ɗa Yunataŋ ta sana slərpu, » kaʼa. Ka mnduha nda Sawulu mantsa: « Maga ta skwi ta zɗəgaghata, » ka həŋ.

1Sam 14:40 ပူးပေါင်းရင်းမြစ်များ

2Sam 15:15

Ka kwalvaha mgham nda tsi mantsa: « Dər ŋa magay kawu kawu tsi, nda fa vgha kwalvaha gha, dzaʼa magay aŋni ta inda skwi dzaʼa kurata rveri, mghama ŋni, » ka həŋ.

1Sam 1:23

Ka zəʼala taŋ Ilkana nda tsi mantsa: « Maga ta skwi ya nghadap ka ɗina. Kəzlaf kəzla ta tsiŋta gha ta zwaŋ ta uʼa. Má hɗamta Yawe yeya katsi ta gwaɗa ni! » kaʼa. Ka nzatá tsa marakw ya tama hada, ka sa uʼa ŋa zwaŋa ni ha ka sagha fitika tsiŋta ni ta zwaŋ ta uʼa.

1Sam 14:36

Ka Sawulu mantsa: « Lama la nda na rviɗik na lanistá la Filisti! Ka pəslata mu ta həŋ, ka zləɗata mu ta həŋ ha tsaɗatá vli. Haɗ lu dzaʼa zlanatá mndu dər turtuk nda hafu wu, » kaʼa. Ka həŋ mantsa: « Maga ta skwi ya ta zɗəgaghata, » ka həŋ. Ama ka mnda dra skwi ŋa Lazglafta mantsa: « Ɗawaŋma ɗawa karaku da Lazglafta, » kaʼa.

1Sam 14:39

Ta waɗa waɗa yu nda hga Yawe nda hafu mida ya ta mbanaftá la Israʼila, dər má ta ghəŋa dmaku turtuk ga zwaŋa ɗa Yunataŋ tsi, dzaʼa dza dza lu, » kaʼa. Mataba inda mnduha, haɗ mndu ta zlghanaftá wi wa.

1Sam 14:41

Ka Sawulu nda Yawe mantsa: « Lazglafta la Israʼila, maraŋ mara ta kahwathwata! » kaʼa. Ka ɗikwaftá lu nda ma vzaftá Urim nda Tumim ta i Yunataŋ nda Sawulu, slanagha a lu ta dmaku da sanlaha ma mnduha wa.

1Sam 14:7

Ka tsa duhwal ta klanatá huzla vula ni ya nda tsi mantsa: « Maga manda ya kura ŋuɗufa gha, ksa ta ndana gha. Wana yu kawadaga nda kagha, nda fa vgha ɗa ŋa dzaʼa mista gha, » kaʼa.