1Sam 14:18 - Hdi

¹⁸ Ka Sawulu nda Ahiya, mnda dra skwi ŋa Lazglafta mantsa: « Gavaganagha gava ta akwata Lazglafta, » kaʼa. Tsaw ma tsa fitik ya ná, mataba la Israʼila akwata Lazglafta.

1Sam 14:18 ပူးပေါင်းရင်းမြစ်များ

2Sam 11:11

Ka Uriya nda Dawuda mantsa: « Nda akwata dzratá wi tani, nda la Israʼila tani, nda la Yuda tani, ma dumbi nzanzata həŋ. I mala ɗa Yuʼav nda sludziha mghama ɗa ná, waʼa həŋ ma ghuɓu ma mtak ta wa vulu. Waká iʼi dzaʼa laghwi dzagha da zazaku, da sasaku, da han nda markwa ini! Ta waɗa waɗa yu nda hafa mgham, haɗ yu dzaʼa maga tsaya wu, » kaʼa.

Mbsak 27:21

Ka sladata tsi ta kəma Ilghazar mnda dra skwi ŋa Lazglafta, ya dzaʼa ɗawafta ŋa ni ta tsata guma Urim ta kəma Yawe. Dzaʼa sna sna i Yəhusuwa nda inda guyatá ghəŋa la Israʼila ta skwiha dzaʼa mnafta tsi dər yawu tsi, » kaʼa.

Gwal tsa guma 20:18

Ka sliʼaftá la Israʼila ka laghwi da Betel da ɗawaŋta da Lazglafta, ka həŋ mantsa: « Tiŋəl wa mataba ŋni dzaʼa lafi da vulu nda la Biŋyamiŋ na? » ka həŋ. Ka Yawe mantsa: « Tiŋəl mndəra la Yuda dzaʼa lafi, » kaʼa.

Gwal tsa guma 20:23

Ka laf la Israʼila da taw ta kəma Yawe ha ga hawu, ka ɗawglaŋtá həŋ ta Yawe, ka həŋ mantsa: « Ka vulugəlta ŋni ta na vulu na nda mndəra la Biŋyamiŋ, zwaŋama ŋni ra? » ka həŋ. Ka Yawe mantsa: « Lafwa la da vulay! » kaʼa.

1Sam 14:17

Ka Sawulu nda tsa mnduha ta vata ni ya mantsa: « Hagaŋwa haga ta vgha, ka mbəɗafta kuni ta vgha ŋa snaŋta ka i wa ta labi mataba mu, » kaʼa. Ka hagaŋtá lu, ba i Yunataŋ nda duhwal ta hlanatá huzla vulu yeya kul nghavata.

1Sam 14:36

Ka Sawulu mantsa: « Lama la nda na rviɗik na lanistá la Filisti! Ka pəslata mu ta həŋ, ka zləɗata mu ta həŋ ha tsaɗatá vli. Haɗ lu dzaʼa zlanatá mndu dər turtuk nda hafu wu, » kaʼa. Ka həŋ mantsa: « Maga ta skwi ya ta zɗəgaghata, » ka həŋ. Ama ka mnda dra skwi ŋa Lazglafta mantsa: « Ɗawaŋma ɗawa karaku da Lazglafta, » kaʼa.

1Sam 23:9

Snaŋta Dawuda kazlay ta dzərka maga ghwaɗaka skwi Sawulu ta ghəŋa ni kəʼa, kaʼa nda Aviyatar, mnda dra skwi ŋa Lazglafta mantsa: « Klak kla ta ifut! » kaʼa.

1Sam 5:2

Tahula zluʼaghata taŋ ta tsa akwata Lazglafta ya, ka laghu həŋ fata ma həga Daguŋ ta vata fwata Daguŋ skwa wuyay taŋ.

1Sam 7:1

Ka laha la Kiriyatʼyegharim ka kladaftá tsa akwata Yawe ya da həŋ. Ka klaghatá həŋ da həga Avinadav ta kuɗuŋur. Ka fatá həŋ ka ŋa Yawe ta zwaŋa ni Ilghazar ŋa nghapta ka tsa akwata Yawe ya.