1Sam 12:3 - Hdi

³ Wana yu ta kəma ghuni! Ka mamu skwi magaghuna yu kul raku, mnihawa mna ta kəma Yawe, nda ya ta kəma na mgham fam tsi nda ma pghanaghatá rɗi na. Mamu mndu klaghu yu ta sla ni, ka kəɗiha ni a tsi ra? Wa ya tsaghu yu? Wa ya ganap yu tiri? Wa mndu ya zlghaf yu ta sməɗ da tsi ŋa haftá iri ta ghəŋa ghwaɗaka slna ni na? Ta vravaghuna vra yu, » kaʼa.

1Sam 12:3 ပူးပေါင်းရင်းမြစ်များ

2Sam 22:22

kabga ŋana ŋa yu ta tviha Yawe, magana a yu ta ghwaɗaka skwi ta Lazglafta ɗa wa.

Nəhemiya 5:11

Varanavawavara ta həŋ gita gita ta vwaha taŋ, ta inabiha taŋ, ta zaytuŋha taŋ, nda həgaha taŋ, nda imi ta ghəŋa tsedi, nda ya ta ghəŋa alkama, nda ya ta ghəŋa ima inabi ka nunu, nda ya ta ghəŋa rɗi, ya si zlaghaghu kuni da həŋ ya, » ka yu.

Sabi 20:17

Ma harauʼa ka ta həga ga sləvda gha, ma haraʼu ka ta markwa sləvda gha, dər kwalva ni, dər kurɗa ni, dər sla ni, dər kəɗiha ni, dər inda skwa ni, » kaʼa.

Sabi 22:4

Ka lagha mndu ka zlanaghatá rina ni ta ghəŋa vwaha nimaya, ka vwaha inaba sana mndu a tsi ka zuta katsi, dzaʼa plana pla tsa mndu ya nda nimaya, ka inabi a tsi ya ɗina ta vwaha ni.

Sabi 23:8

Yaha kuni da tsuʼa sməɗ ŋa ha iri, kabga ta ghulpay sməɗ ta gwal nda guna ira taŋ, ta tərɗiŋ tərɗa ta gwaɗaha ma wa tɗukwa mnduha.

La Levi 6:4

Tahula tsa, ŋa suɗiŋta ni ta lgutha ni, ka suɗavatá sanlaha ma lgutha, ŋa klaghata ni ta tsa hutiɗif ya ta hula ghuɓu ma vli kul tsaɗ lu.

La Levi 6:5

Dzaʼa gɗa gɗa vu ta zlghaku ta gwir, yaha da mtata ɗekɗek. Inda sərɗək, sərɓafta mnda dra skwi ŋa Lazglafta ta hasuʼu, ka sərɓafta ni ta skwa pla ghəŋ ŋa dray tsuh tsuh, drafha ta ghwaviɗa skwiha pla ghəŋa zɗaku tida guli.

Mbsak 16:15

Ka gufaftá ŋuɗufa Musa katakata, kaʼa nda Yawe mantsa: « Ma tsuʼaf ka ta mbəhuha taŋ. Klaghu a yu ta kəɗih dər turtuk da həŋ wu, haɗ dmaku gana yu ta mndu dər turtuk mataba taŋ wu, » kaʼa.

Mata 22:21

« Ŋa mgham Sezar ya, » ka həŋ. « Ka mantsa tsi ya ní, vlaŋwa vla ta mgham Sezar ta ya ta nzakway ka ŋa mgham Sezar. Vlaŋwa vla guli ta Lazglafta ta ya nzakway ka ŋa Lazglafta, » kaʼa.

Lukwa 19:8

Ka sladata Zakayus, kaʼa nda Mgham Yesu mantsa: « Sna ɓa Mghama ɗa! Dzaʼa daganaftá slɓahwa gadghəla ɗa yu ta la ka pɗu. Ka mamu mndu si hulgudunus yu ta skwa ni, fwaɗ səla dzaʼa planamta yu ta va tsa skwa ni ya guli, » kaʼa.

Slna gwal ghunay 20:33

Ma nzakwa ɗa ná, gvalaŋ a yu ta dər tseda mndu, dər dzindara mndu, dər lguta mndu wa.

2Kwa 12:14

Nda fa vgha ɗa ŋa lab da kaghuni ŋa mahkəna səla. Ka lab la yu, skwa ghuni a ta psə yu wa, vərɗa kaghuni ta psə yu. Tazlay ná, zwani a ta tskanatá skwi ta dadaha wu, dadaha ta tskanatá zwani.

Vrafta ta zlahu 16:19

Yaha kuni tərɗiŋtá guma, yaha kuni gala mndu nda gala. Yaha kuni zlgha sməɗ, kabga ta ghulpay sməɗ ta ira mndu ya nda ɗifil, ka turɓuslatá tɗukwa mnduha.

1Tes 2:10

Nda sna kaghuni kazlay: Nda nza kaghuni ka masləmtsəka ŋni kəʼa. Mantsa ya nzakwa ni da Lazglafta guli. Ka ŋərma mnduha nzata ŋni da kaghuni, ka mnduha Lazglafta, ka gwal tɗukwa nzakwa ŋni, haɗ sana skwi ŋa tsaŋnavata wa.

1Tes 2:5

Nda sna kaghuni kazlay: Ta walaŋ a aŋni ta hihiŋaŋtá hihiŋaku da mndu wu kəʼa. Haɗ gwaɗa ŋa hahatá mndu gwaɗa ŋni wa. Nda sna Lazglafta kazlay: Mantsa ya nzakwa ni kəʼa.

1 Piyer 5:2

Wyawa dzvu, ka ngha kuni ta bra ya faghunam Lazglafta ma dzvu. Nghawa ngha nda ŋuɗuf turtuk manda ya ta kum Lazglafta. Ma nza tsi ka mbla kaghuni nda mbla. Ma mag kuni kabga ŋa mutsa tsedi, ama magawa maga kabga ɗvu.

1Sam 10:1

Ka klaftá Samuyel ta hwaraka rɗi, ka pghəganatá Sawulu ma ghəŋ. Ka brusatá tsi. Kaʼa mantsa: « Yawe ta zbaptá kagha nda ma pghaghaghatá rɗi ŋa nzakwa gha ka mali ta ghəŋa mnduha ni, la Israʼila skwa za həga ni.

1Sam 12:4

Ka həŋ mantsa: « Tsaghu a ka ta aŋni wa. Gaŋnap a ka tiri wa. Haɗ skwa mndu tsuʼaf ka wu, » ka həŋ.

1Sam 12:5

Kaʼa nda həŋ mantsa: « I Yawe nda mgham, mndu ya zbaf tsi nda ma pghanaghatá rɗi masləmtsəka ghuni gita kazlay haɗ skwi ŋa tsiɗivata ghuni wu, » kaʼa. Ka həŋ mantsa: « Mantsa nzakwa ni! » ka həŋ.

1Sam 2:35

Tahula tsa, dzaʼa klagap kla yu ta vərɗa mndu ŋa magihata slna dra skwi. Dzaʼa magay ta slna manda ya ta kum yu nda ya ta ndanu yu. Dzaʼa sladana slada yu ta mndəra taŋ, dzaʼa gəɗata ta maga slna ŋa ɗekɗek ta kəma mndu ya dzaʼa zbapta yu nda ma pghanaghatá rɗi.

1Sam 24:11

Nda ngha kagha nda ira gha gita kazlay si vla vla Yawe ta kagha ma dzva ɗa ma galigha. Ka ghun lu ta iʼi ŋa dzatá kagha, ama ka zlaghatá yu, ka yu mantsa: “Haɗ yu dzaʼa faftá dzvu ta rvera ɗa wu, kabga nda nza ka mndu ya zbaf Yawe nda ma pghanaghatá rɗi,” ka yu.

1Sam 24:6

Ama tahula tsaya, ka snə Dawuda ta babamakwa ŋuɗufa ni, kabga vəl tsaʼata ni ta wa sɗakwa Sawulu.

1Sam 24:7

Kaʼa nda mnduha ni mantsa: « Ka pyaf pya Yawe ta iʼi ka maganatá skwi manda tsaya ta rvera ɗa, mndu ya zbaf Yawe nda ma pghanaghatá rɗi. Ka pyaf pya tsi ta iʼi ka faftá dzvu tida, kabga nda nza ka mndu ya zbaf Yawe nda ma pghanaghatá rɗi, » kaʼa.

1Sam 26:11

Nziya nza tsi, nda hga Yawe, haɗ yu ta walaŋtá faftá dzva ɗa ta mndu ya zbaf Yawe nda ma pghanaghatá rɗi wa! Hlaghu hla ta tsa gupa, nda beŋwbeŋwa imi ndusa nda ghəŋa ni ya, ka laghwa u, » kaʼa.

1Sam 26:9

Ka Dawuda nda Avisay mantsa: « Ma dza ka! Wa dzaʼa faftá dzvu ta mndu ya zbaf Yawe nda ma pghanaghatá rɗi, ŋa kwala dmaku ksafta na? » kaʼa.