1Sam 12:22 - Hdi

²² Zlavaghunata a Yawe wu, dabga hga ni dagala, kabga kura kura Yawe ta naghunafta ka mnduha ni.

1Sam 12:22 ပူးပေါင်းရင်းမြစ်များ

1Mgh 6:13

Dzaʼa nza nza yu mataba la Israʼila, haɗ yu dzaʼa zlanavatá mnduha ɗa la Israʼila wu, » kaʼa.

1Mgh 8:57

Ka nza Yawe, Lazglafta mu kawadaga nda amu, manda ya nza tsi nda dzidzíha mu! Ma vzimis tsi, ma zlama tsi.

2Mgh 14:27

Kura a Yawe ta hərɗiŋtá hga la Israʼila ta ghəŋa haɗik wa. Mantsa tama, ka kataftá tsi ta həŋ nda ma dzva Yaruvgham, zwaŋa Yəhuwas.

2Mgh 21:14

Dzaʼa zlanava zla yu ta pɗakwa mnduha ɗa, dzaʼa vla vla yu ta həŋ ma dzva ghumaha taŋ. Dzaʼa zləɗa zləɗa inda ghumaha taŋ ta həŋ ka zlaʼuwatá həŋ,

1Rus 28:9

Kagha zwaŋa ɗa Salumuŋ, snaŋ sna ta Lazglafta da gha, ka maganata ka ta slna nda hya hya ŋuɗufa gha, ka ɗvuta ka nda hafa gha, kabga da hya ŋuɗuf ta nghadamta Yawe, ka gala inda ndanu. Ka ta zbay ka, dzaʼa fagha fa ta vgha, ama ka zlanava zla ka, dzaʼa wuɗighis wuɗa ŋa ɗekɗek.

2Rus 15:2

Ka sab tsi ta kəma Asa, kaʼa nda tsi mantsa: « Fihawa fa ta sləməŋ, i Asa nda inda la Yuda nda la Biŋyamiŋ! Kawadaga Yawe nda kaghuni, ka kawadaga kaghuni nda tsi. Ka ta zbay kuni, dzaʼa slay kuni, ama ka zlanava zla kuni, dzaʼa zlavaghuna zla.

Nəhemiya 9:17

Ka kwalaghutá həŋ ta snata, havak a həŋ ta mazəmzəmha gha ta maganatá həŋ wa. Ka təŋanaftá həŋ ta ghəŋ, ka fatá mgham ŋa vru da ga vuʼa taŋ ma Masar. Ama kagha, zlanava a ka ta həŋ wu, kabga Lazglafta ta pla dmaku ka, ta magay ka ta zɗakatahuɗi, nda tawa hiɗahiɗa. Zlah ta ɓasa ka ta ŋuɗuf, dagala zɗakwa gha, wuɗiŋ a ka ta həŋ,

Sabi 32:12

Ka mantsa ká ka magata katsi, ka la Masar dzaʼazlay na: “Ta sidi Yawe, tsaya kəl tsi ka hlaptá la Israʼila ma haɗika mu, ŋa rwanatá həŋ ta ghwáha, ka zaɗanatá həŋ ta ghəŋa haɗik,” ka həŋ dzaʼazlay. Vrana vra ta gufatá ŋuɗufa gha, zlana zla ta maga tsa ghwaɗaka skwi ta kum ka ta maganatá mnduha gha ya.

Mata 11:26

Manda va tsa nzakwa ni Da, ta rfay yu ta kagha, ma zɗakwa gha nzakwa tsi mantsa.

Yuhwana 15:16

Kaghuni a ta zbaptá iʼi wu, iʼi ta zabaptá kaghuni, ka faghunaghatá slna ŋa magay, ŋa yafta ghuni, ŋa gɗavata tsa yakwa ghuni ya. Mantsa tama, dzaʼa vlaghuna vla Da ɗa ta inda skwi dzaʼa kuni ɗawaŋta nda hga ɗa.

La Ruma 11:1

Vziŋ vza Lazglafta ta mnduha ni tama rki na? ka yu guli. Mantsa ya a guli wa. Iʼi guli ná, la Israʼila yu, zivira Abraham. Sab nda ma mndəra la Biŋyamiŋ yu guli.

La Ruma 11:29

Skwi ya vla Lazglafta, nda hgu ya hgaf tsi ná, haɗ ta mbəɗglanafta wa.

1Kwa 4:7

Wa ta mnay ŋa gha kazlay: Mal kagha ka sanlaha kəʼa na? Lazglafta a ta vlaghatá inda skwi ra? Ka si Lazglafta ta vlaghata ya ní, kabgawu ta kəl ka ka ghərɓaku manda skwi vlagha nda vla a lu wu ɓa?

Afisus 1:12

kada zləzlva mnduha ta glakwa ni ma aŋni ta faftá ghəŋa ŋni ta Yesu Kristi daga taŋtaŋ ya.

Afisus 1:6

Manda tsaya magata tsi ŋa zləzlvay mu ta glakwa zɗakatahuɗa ni. Katakata vlamata tsi ta zɗakatahuɗa ni ya nda ma slna Zwaŋa ni ɗvu tsi.

Vrafta ta zlahu 14:2

Kaghuni ná, nda fa kuni ka ŋa Yawe, Lazglafta ghuni. Yawe ta psaptá kaghuni ŋa nzakwa ghuni ka mnduha ni, ŋa nzakwa ghuni nda sgit ta həŋ mataba inda mndəra mnduha ta ghəŋa haɗik. »

Vrafta ta zlahu 31:17

Dzaʼa gufaf gufa ŋuɗufa ɗa ta ghəŋa taŋ baɗ tsa. Dzaʼa zlaŋ zla yu ta həŋ ka mbəɗaghutá kəma ɗa, ŋa zatá həŋ, ŋa slanaghata ɓadzaku nda ghuya ɗaŋwa katakata ta həŋ. Ka həŋ dzaʼazlay baɗ tsa: “Nana ɓadzaku ta slamaghata nana, nza a kabga vəl kwala Lazglafta mu kul haɗ mataba mu wu ra?” ka həŋ dzaʼazlay.

Vrafta ta zlahu 31:6

Mbrawa vgha ka dihavata kuni, ma zləŋ kuni ta zləŋ, ma ghudzaku kuni ta ghudzaku ta kəma taŋ, kabga ta mbaɗa Yawe, Lazglafta ghuni kawadaga nda kaghuni, zlaghunata a wu, vzighunista a guli wu, » kaʼa nda həŋ.

Vrafta ta zlahu 31:8

Yawe dzaʼa mbaɗa ta kəma gha. Tsatsi dzaʼa nzata kawadaga nda kagha. Haɗ dzaʼa zlavaghata wu, vzighista a wa. Ma zləŋ ka ta zləŋ, ma ghudzaku ka ta ghudzaku, » kaʼa.

Vrafta ta zlahu 7:6

kabga nda fa kaghuni ka ŋa Yawe, Lazglafta ghuni. Tsatsi ta zbaptá kaghuni mataba inda mnduha ta ghəŋa haɗik ŋa nzakwa ghuni ka mnduha ni nda sgit ta həŋ.

Vrafta ta zlahu 9:5

Nza a dabga vəl nzakwa ghuni ka tɗukwa mndu nda ŋərma mndu dzaʼa kəl kuni ka lami da klaghuta ŋa ŋa ghuni ta haɗika taŋ wu, ama dabga ghwaɗaka skwi ta mag mndəra na mnduha na dzaʼa kəl Yawe, Lazglafta ghuni ka ghəzlaftá həŋ ta kəma ghuni. Nda nza guli ŋa hɗanamtá gwaɗa ya waɗana tsi ta dzidzíha ghuni i Abraham, nda Izak, nda Yakubu.

Filip 1:6

Graf gra yu kazlay: Zlraf zlra Lazglafta ta maga ŋərma slna ma ŋuɗufa ghuni kəʼa. Dzaʼa kɗaŋ kɗa ta magay ŋa kɗiŋta ni baɗu vragata *Yesu Kristi.

Hebru 13:5

Yaha tsedi da tɗaghatá kaghuni. Rfawa rfa ta rfu ta ghəŋa kuraghuta ya da kaghuni, kabga ka Lazglafta na: « Haɗ yu dzaʼa zlaghata wu, haɗ yu dzaʼa walaŋtá vzighista wu, » kaʼa.

Yəhusuwa 7:9

Dzaʼa snanagha sna na skwi na ta inda la Kanʼana nda inda mndu ta na haɗik na. Dzaʼa guyaŋnagha guya həŋ ta ghəŋ ka zaɗaŋnata. Kinawu ká ka dzaʼa maraŋtá glakwa gha tama? » ka Yəhusuwa.

1 Piyer 2:9

Ama kaghuni ya, nda nza kaghuni ka mndəra mndu zabap Lazglafta, ka guyata ghəŋa gwal ta vla skwi ŋa Lazglafta, ka gwal faghu Lazglafta ka ŋa ni. Tsatsi ta hagaftá kaghuni ka hlagaghunapta ma grusl, ka pghaghunamta ma tsuwaɗak ta ndərmim lu nda ndərmima, ŋa mna skwi maga tsi ta malaghutá mbraku.