1Sam 12:20 - Hdi

²⁰ Ka Samuyel nda mnduha mantsa: « Ma zləŋ kuni ta zləŋ! Manda va tsaya nzakwa ni, gaga kuni ta inda tsa dmaku ya. Ama ma mbəɗana kuni ta hul ta Yawe. Maganawa maga ta slna ma hya hya ŋuɗufa ghuni.

1Sam 12:20 ပူးပေါင်းရင်းမြစ်များ

1Rus 28:9

Kagha zwaŋa ɗa Salumuŋ, snaŋ sna ta Lazglafta da gha, ka maganata ka ta slna nda hya hya ŋuɗufa gha, ka ɗvuta ka nda hafa gha, kabga da hya ŋuɗuf ta nghadamta Yawe, ka gala inda ndanu. Ka ta zbay ka, dzaʼa fagha fa ta vgha, ama ka zlanava zla ka, dzaʼa wuɗighis wuɗa ŋa ɗekɗek.

Sabi 23:25

Dzaʼa magihatá iʼi Yawe, Lazglafta ghuni kuni ta slna. Tsaya tama, dzaʼa tfanagha tfa yu ta wi ta skwa zay ghuni, nda ima say ghuni. Dzaʼa huzliŋ huzla yu ta ɗaŋwaha ta ghəŋa ghuni.

Sabi 32:30

Ga mahtsima ni, ka Musa nda mnduha mantsa: « Gaga kuni ta mghama dmaku. Ndanana, ka ŋla yu da Yawe, dzaʼa mutsay yu kasiʼi ta plighunista ni ta dmakwa ghuni, » kaʼa.

Vrafta ta zlahu 10:12

« Ndanana tama la Israʼila, nahgani ta kum Yawe, Lazglafta ghuni da kaghuni na? Ta ghəŋa zləŋay ghuni ta Yawe, Lazglafta ghuni, nda ma ksay ghuni ta inda tviha ni, ka ɗvuta ghuni, ka tsəlɓay ghuni ta tsəlɓu ŋa Yawe Lazglafta ghuni ma hya hya ŋuɗufa ghuni, nda inda nzakwa ghuni,

Vrafta ta zlahu 11:16

Ama ɗaswa ka kuni, da barahaftá skwi ta kaghuni, dá mbəɗavatá kuni maganata slna ta sanlaha ma lazglaftaha ka tsəlɓu ta kəma taŋ.

Vrafta ta zlahu 31:29

kabga nda sna yu, tahula mtatá iʼi, dzaʼa ɓadziŋ ɓadza kuni ta ghəŋa ghuni, ka zluŋtá tvi ya mnaghunaf yu. Dazlay, dzaʼa sagha sa ɓadzaku ta ghəŋa kaghuni, magər kuni ta ghwaɗaka skwi ta kəma Yawe, ka ganaftá ɓasa ŋuɗuf nda ma slna ghuni, » kaʼa.

Yəhusuwa 23:6

Ka mbra kuni ta vgha kahwathwata ŋa ŋanata, nda ya ŋa magay manda ya nda vinda ma deftera zlaha Musa kada kwala kuni mbəɗaghutá vgha dər nda ga zeghwi, dər nda ga zlaɓa.

1 Piyer 3:16

Ta zlghə kuni ta tsa wi ya, zlghawazlgha nda hanatá ghəŋ, nda ya nda vla glaku ŋa taŋ guli. Gɗata kaghuni ta maga tsa skwi ɗina ya ŋa ghuni, kada ksuta tsi ka hula ta həŋ, dər klaf kla həŋ ta kaghuni ka ghwaɗaka mnduha, ka raraza ŋərmata nzakwa ghuni ta tva Kristi.

1Sam 12:19

Ka inda mnduha nda Samuyel mantsa: « Ndəɓana ndəɓa ta dzvu ta Yawe, Lazglafta gha ta ghəŋa aŋni kwalvaha gha, kada kwala ŋni ta rwuta, kabga aŋni ta sganaghatá dmakwa ŋni, dmakwa ɗawaŋta ŋni ta mgham, » ka həŋ.