1Sam 12:15 - Hdi

¹⁵ Ama ka fana a kuni ta sləməŋ ta gwaɗa Yawe wu, ka ta ga sidi kuni nda zlahuha Yawe, dzaʼa ksaghunaŋ ksa Yawe ta mbrakwa ni, manda ya magana tsi ta dzidzíha ghuni.

1Sam 12:15 ပူးပေါင်းရင်းမြစ်များ

2Rus 15:2

Ka sab tsi ta kəma Asa, kaʼa nda tsi mantsa: « Fihawa fa ta sləməŋ, i Asa nda inda la Yuda nda la Biŋyamiŋ! Kawadaga Yawe nda kaghuni, ka kawadaga kaghuni nda tsi. Ka ta zbay kuni, dzaʼa slay kuni, ama ka zlanava zla kuni, dzaʼa zlavaghuna zla.

Vrafta ta zlahu 31:27

Iʼi ná, nda sna yu ta gatá sida ghuni nda təŋatá ghəŋa ghuni. Ka si ma na nzakwa ɗa ta nda hafu kawadaga nda kaghuni na, ta ga sidi kuni nda Yawe ya ní, kighkigh dzaʼa maga kuni tahula mtatá iʼi na!

Yəhusuwa 24:20

Ka zlanava zla kuni ta Yawe ŋa laghu da tsəlɓu ŋa sanlaha ma lazglaftaha katsi, mantsa tama ná, dzaʼa gəma gəma nda kaghuni ŋa balaghunata ni, ŋa zaɗaghunata ni dər má ta magaghunatá skwi ɗina tsi ha gita, » kaʼa.

Gwal tsa guma 2:15

Inda laba la Israʼila da vulu ya ná, hlaghuta Yawe ta səla taŋ manda ya mnana tsi ta həŋ, manda ya waɗana tsi ta həŋ. Mantsa tama, ka dɗam dɗa həŋ da ghuya ɗaŋwa katakata.

1Sam 12:9

Ama ka zanaptá dzidzíha ghuni ta Yawe, Lazglafta taŋ. Tsaya kəl tsi ka skwanaptá Sisəra, mala gwal vula Hatsur, nda la Filisti, nda mghama Muwav, ka zatá həŋ ta həŋ nda vulu.

1Sam 5:9

Ama na tsa klaghata ya, ka ksanaŋtá Yawe ta mbrakwa ni ta mnduha ma tsa luwa ya, ka hlutá zləŋ ta tsaha ya katakata. Ka dzuŋtá tsi ta gwal ma tsa luwa ya, zlrafta ni ta zwani ha ta galata mnduha, ka hlutá basər ta həŋ.