1Sam 11:11 - Hdi

¹¹ Ga mahtsima ni, ka dagaptá Sawulu ta mnduha ka zlərma hkən. Ka sliʼamtá həŋ da ghuɓa ghumaha taŋ ma kɗaku vli tsaɗaku. Ka pslə həŋ ta la Ghamuŋ ha ka lafa fitik da ghəŋ. Ka siskata gwal ta ndiri ta vgha, haɗ mndu ta nzata ka guyavata his wa.

1Sam 11:11 ပူးပေါင်းရင်းမြစ်များ

Zlrafta 22:14

Ka hgə Abraham ta tsa vli ya ka: « Dzaʼa payaf paya Yawe, » manda ya ta mnə lu gitana « Ta ghwá Yawe dzaʼa payafta lu, » kaʼa.

2Sam 18:2

Ka daganaptá Dawuda ta gwal vulu ka bakuha hkən, ka fatá tsi ta Yuʼav zwaŋa Tseruya ka mali ta ghəŋa baku turtuk. Faha ta Avisay zwaŋama ni ma Yuʼav ka mali ta ghəŋa mahisa baku. Faha ta Itay mnda la Gat ka mali ta ghəŋa mahkəna baku. Ka mgham nda gwal vulu tama mantsa: « Ta dzaʼa yu kawadaga nda kaghuni, » kaʼa.

Sabi 14:24

Watata vli, ka nghagatá Yawe ma kusay sundul ka vu ya, ka la Masar, ka zlaɓanaftá tsi ta ghuɓa taŋ.

Mata 7:2

Dzaʼa tsaghunagha tsa Lazglafta ta guma, manda va tsa ta tsə kaghuni ta ghəŋa sanlaha ya. Nda tsa daram ta kəl kaghuni ka gray ŋa sanlaha ya, nda va tsaya dzaʼa gra lu ŋa kaghuni guli.

Yakubu 2:13

Baɗu fitika tsa guma ná, haɗ Lazglafta dzaʼa tawa hiɗahiɗa ta mndu ya kul haɗ ta tawa hiɗahiɗa ta sanlaha wa. Ama tawa hiɗahiɗa ta ga mgham ta ghəŋa guma.

Gwal tsa guma 1:7

Ka Adunibezek mantsa: « Mamu si mghamha ndəfáŋ mbsak ɗatsaghu lu ta dadana dzvuha taŋ, nda səlaha taŋ, si ta tska wiwsa skwi mista tabəla ɗa. Skwi maga yu plaɗim Lazglafta, » kaʼa. Ka klaghatá lu da Ursalima, hada, ka mtuta tsi.

Gwal tsa guma 4:16

Ka hwayiŋtá Barak ta mwata plisha, nda gwal vulu ha da Harusetʼguyim. Ka rwanatá lu ta inda gwal vula Sisəra nda kafay, haɗ mndu ta pɗata dər turtuk wa.

Gwal tsa guma 7:16

Ka daganaptá Gidghuŋ ta tsa mnduha hkən dərmək (300) ya ka baku hkən. Ka valaŋtá tsi ta inda taŋ ta duli nda hulamha kul haɗ skwi mida, nda pinata vu ma tsa hulamha ya.

Gwal tsa guma 7:20

Ka vyi tsa bakuha hkən ya guli ta duliha, ka paslanaptá hulamha. Ka ŋaŋanatá həŋ nda dzva zlaɓa ta pinatá vu, ma dzva zeghwi na duliha ŋa vyay, ka hlə həŋ ta wi, ka həŋ mantsa: « Kafay ŋa Yawe nda ya ŋa Gidghuŋ! » ka həŋ.

Gwal tsa guma 9:43

Ka hlaftá tsaya ta bakwa mnduha ni, ka dganapta ka zlərma hkən, ka laghu həŋ da paghatá buɗukwa ma vwah. Nghay ni ta mnduha la Səkem ta sliʼagapta ma luwa, ka valaftá Avimelek ta həŋ ka pslatá həŋ.

1Sam 11:2

Ka tsa Nahas ya nda həŋ mantsa: « Ta tsuʼay yu ta dzraftá wi nda kaghuni ta ghəŋa skwi turtuk: Nda ma paslanapta ɗa ta ira zeghwa inda kaghuni. Mantsa ya dzaʼa pghanaghata yu ta hula ta inda la Israʼila, » kaʼa.

1Sam 14:47

Manda lama Sawulu da ga mgham ta ghəŋa la Israʼila ka dihavatá tsi, ka vulu tsi ta vulu nda inda ghumaha ni ta wanafta, i la Muwav, nda la Ghamuŋ, nda la Idum, nda mghamha la Tsuva, nda ya nda la Filisti. Inda təv ya ta mbəɗavata tsi ná, ta za za ta ghwa!