1Sam 10:27 - Hdi

²⁷ Ama ka falayha mantsa: « Waká tsaya dzaʼa mbamafta na? » ka həŋ. Ka hərtətatá həŋ, ka kwalaghutá həŋ ta klədanaghatá skwa mbəhuha. Ama ndanaŋ a Sawulu wa.

1Sam 10:27 ပူးပေါင်းရင်းမြစ်များ

2Sam 20:1

Mamu sana falaya mndu hada ma Gilgal ta hgə lu ka Seva, zwaŋa Bikri, mnda la Biŋyamiŋ ya. Ka vyatá tsi ta duli, kaʼa mantsa: « Haɗ skwi ta nghaŋnaghatá aŋni nda Dawuda wa. Haɗ aŋni ta zuvustá həga nda tsa zwaŋa Yisay ya wa. Ariwa la Israʼila, ka vra dər wa dzagha ni! » kaʼa.

2Sam 8:2

Ka zatá tsi guli ta ghwa ta ghəŋa la Muwav. Ka hananatá həŋ ta haɗik, ka garaftá tsi ta dzatá vgha taŋ nda tɓaŋ. Tɓaŋ his ya, ŋa pslatá həŋ, tɓaŋ turtuk ya ŋa zlanatá həŋ nda hafu. Ka nzakw la Muwav ka vuʼa mista Dawuda ka pla dzumna ŋa ni.

1Mgh 10:25

Inda tsa mnduha ya ta lagha da nghanaghata ka kladanaghatá mbəhuha taŋ: Ka skwiha ka kfura tsedi, nda dasu, nda lgutha, nda huzla vulu, nda urdiha ŋa dray nda dra, nda plisha, nda plisha ghwandala. Mantsa ya kəʼa ta magaku inda vaku.

1Mgh 5:1

Ka gə Salumuŋ ta mgham ta ghəŋa inda zwana vla ga mghamha ta sliʼafta ta wa zala Yufratis, ha ta kwakwara la Filisti dikw ta mukuma nda Masar. Ta hlədanagha hla həŋ ta skwi ta Salumuŋ, ka maganatá slna ma nzakwa ni nda hafu.

2Rus 13:7

Lagha falaya mnduha, nda gwal kul zɗaku hafa taŋ, ka gwaftá vgha nda tsi ta ghəŋa Rəhavgham, zwaŋa Salumuŋ. Ta ka zwaŋ Rəhavgham, tska a hiɗakwa ni wu, kwal tsi ŋaŋta da həŋ.

2Rus 17:5

Mantsa tama, ka dihanatá Yawe ta gá mgham ma dzva ni. Ka plə inda la Yuda ta dzumna ŋa Yəhusafat. Ka mutsaftá tsi ta gadghəl nda glaku ta fərtuta.

Mata 2:11

Ka lam həŋ da həga. Ka slanaghatá həŋ ta tsa zwaŋ ya nda Mari ta nzakway ka ma ni. Ka tsəlɓatá həŋ ta kəma tsa zwaŋ ya, ka vlaŋtá həŋ ta glaku. Ka palanaptá həŋ ta zlibiha taŋ, ka mbəhatá həŋ nda dasu, nda urdi ŋa dray nda dra, nda mandaɓaya urdi.

Slna gwal ghunay 7:35

« Va tsa Musa si vziŋ la Israʼila kazlay, wa ta famtá kagha ka mgham, ŋa tsa guma ta ghəŋa aŋni na? kəʼa ya kay, va tsa tsatsi ya ghunaf Lazglafta ŋa nzakay ka mgham, ŋa mbanaftá mnduha ni. Nda ma wa duhwala Lazglafta nghaŋ Musa ma vu ta mubuk ya, mnanata Lazglafta ta tsa gwaɗa ya ta Musa.

Vrafta ta zlahu 13:13

Ka lagha ghuni ka snaŋta ma ya turtuk ma luwaha ya vlaghuna Yawe, Lazglafta ghuni ŋa nzakwa ghuni mida ta mnay kazlay

1Sam 11:12

Ka mnduha nda Samuyel mantsa: « Ga tsa mnduha si ta kwalaghuta nghaŋtá Sawulu ta ga mgham ta ghəŋa taŋ ya kay na? Hləgaŋnaghawa həŋ ka pslata ŋni ta həŋ, » ka həŋ.

1Sam 11:13

Ama ka Sawulu mantsa: « Haɗ mndu dzaʼa lu da dzata ma mndərga na fitik na wu, kabga gita zanata Yawe ta ghwa ta la Israʼila, » kaʼa.

1Sam 16:20

Ka klaftá Yisay ta kəɗih, ka hbanaftá buradi, nda zliba huta ima inabi, nda slaɓalakwa gu, ka ghunaftá tsi ta zwaŋa ni Dawuda ŋa klaŋtá Sawulu.

1Sam 2:12

Zwana Iliya ná, la falay həŋ, sna a həŋ ta Yawe wa.

1Sam 25:17

Ndanana, ɗina ka nghadapta gha, ka snaŋta ka ta skwi ŋa magay, kabga dzaʼa klanak kla tsa magakwa ni ya ta ɓadzaku kahwathwata ta daŋahəga mu, nda inda gwal ga taŋ tani. Tsatsi tani, sidi ŋa ni ta ŋanata, haɗ mndu ta laviŋtá gwaɗa nda tsi wu, » kaʼa.