1Sam 10:11 - Hdi

¹¹ Ka nghə gwal si nda sna ta tsatsi ghalya ná, ta kla lwa Lazglafta Sawulu kawadaga nda anabiha! Ka mnduha mataba taŋ mantsa: « Nya ta slanaghatá zwaŋa Kis na? Mataba anabiha na Sawulu guli ra? » ka həŋ.

1Sam 10:11 ပူးပေါင်းရင်းမြစ်များ

Yuhwana 7:15

Ka la Yahuda mantsa: « Taghaf ga na mndu na ta na ŋa ni ma skwi na na? Ya wya ta lagha a da vla taghaftá skwi wu, waká a snaŋtá skwi ma gwaɗa Lazglafta manda na na? » ka həŋ ka ndərmimay.

Slna gwal ghunay 3:10

Tsəmafta taŋ kazlay: Tsa mndu ta gɗata ta nzaku ka gatá skwi tawa tsa wa tgha həga Lazglafta ta nzakway ɗina yeya kəʼa, ka hluta zləŋ ta həŋ, ka ndərmim həŋ nda ndərmima ta skwi ta slata nda tsa mndu ya.

Slna gwal ghunay 4:13

Ka ndərmim tsa gwal dagala dagala ta tskavata ya ta tatá us ta ira i Piyer nda Yuhwana. Ka nghə həŋ guli ná, má si ka gratá mndu həŋ, dzaŋa a dzaŋa taŋ wa. Gwal tani ta dzaʼa mista Yesu ya ka hahəŋ ta gray.

Slna gwal ghunay 9:21

Ka ndərmim inda gwal ta snay nda ndərmima. Ka həŋ mantsa: « Nana mndu na a ta ganaptá iri katakata ta gwal ta hga hga *Yesu ma luwa Ursalima kay ra? Sagha da kasa həŋ ŋa hlaŋtá la mali ta ghəŋa gwal dra skwi ŋa Lazglafta a tsi kay ra? » ka həŋ.

1Sam 19:24

Ka suɗiŋtá tsatsi guli ta lgutha ni, ka klə tsatsi ta lwa Lazglafta guli ta kəma Samuyel. Tahula tsa, ka zləmbatá tsi ka fərdiʼu, ka nzata mantsa ya tekulemes fitik, petsuweɗ vli. Tsaya kəl lu ka mnay kazlay na: « Tekw Sawulu guli mataba la anabi ra? » kəʼa ya.