1Sam 1:11 - Hdi

¹¹ Ka fatá tsi ta waɗu. Kaʼa mantsa: « Ari Yawe mghama gwal vulu, ka nghaga ngha ka ka ghuya ɗaŋwa kurɗa gha, ka havap hava ka ka iʼi, ka zanap a ka ta kurɗa gha wu, ka vlaŋtá ka ta kurɗa gha ta zwaŋa zgun katsi ná, dzaʼa vlaŋ vla yu ta Yawe ha kɗavakta hafa ni. Haɗ paka dzaʼa lafi ta ghəŋa ni wu, » kaʼa.

1Sam 1:11 ပူးပေါင်းရင်းမြစ်များ

Zlrafta 28:20

Ka waɗatá Yakubu, kaʼa mantsa: « Ka kawadaga Lazglafta nda iʼi, ka pghaf pgha tsi ta iʼi ɗughwana ma mbaɗa ɗa ta tvi, ka vliha vla tsi ta skwi ŋa zay, nda lgut ŋa suɗavata ɗa ta vgha,

Zlrafta 29:32

Ka zlghaftá Leʼa ta huɗi, ka yatá tsi ta zwaŋa zgun, ka tsanaftá tsi ta hga ni ka Rubeŋ, kaʼa mantsa: « Nghadap ngha Yawe ta htanata lu ta iʼi, dzaʼa ɗvu ɗva zəʼala ini ta iʼi ndana tama, » kaʼa.

Zlrafta 30:22

Ka havaptá Lazglafta ka Rasel, ka snanatá Lazglafta ta tawa ni, ka gunanatá tsi ta marɓa ni.

Zlrafta 8:1

Ka havaptá Lazglafta ka Nuhu, nda inda nimtak, nda inda rini kawadaga nda tsi ma tsa mghama kwambalu ya. Ka viygiŋtá tsi ta falak ta haɗik, ka swiʼaku tsa imi ya.

2Sam 16:12

Kawayaka skwi dzaʼa nghaŋ ngha Yawe ta tulekata iʼi, ŋa plaɗimta ni nda zɗaku ta na ksiʼay ta ksiʼi Simghi ta iʼi gita na, » kaʼa.

Sabi 4:31

Ka zlghaftá la Israʼila ta tsa gwaɗaha ya. Ka snaŋtá həŋ kazlay nghanagha ngha Yawe ta la Israʼila kəʼa, nda ngha ta satá duna taŋ. Mantsa tama, ka tsəlɓatá həŋ ta haɗik, ka vlaŋtá glaku.

La Levi 27:2

« Ka ka nda la Israʼila na: Ka waɗana waɗa mndu ta vlaŋta ni ŋa Yawe ta mnda səla katsi, laviŋ lava ta hɗamta taɓta sgita tsa mnda ni ya.

Mbsak 21:2

Mantsa tama, ká la Israʼila waɗanatá Yawe mantsa: « Ka vlaŋna vla ka ta luwa na mnduha na ma dzva ŋni katsi, dzaʼa zaɗana zaɗa ŋni ta luwa taŋ nekwnekw, » kaʼa.

Mbsak 6:11

Dzaʼa vla vla mnda dra skwi ŋa Lazglafta ta ya turtuk ka skwa pla ghəŋ ŋa ɗawa pla dmaku, sani ya ŋa pla ghəŋ ŋa dray tsuh tsuh. Manda tsaya dzaʼa slərɓanata tsi ta zughu ta tsa nazir ya, dabga dmaku ya maga tsi nda ma ksaŋtá mbli ya. Baɗ tsaya dzaʼa fəglata tsi nda ghuɓa ta ghəŋa ni.

Mbsak 6:5

Ma inda tsa fitik waɗa tsi ta fata ghəŋa ni ka nazir ya, haɗ lu dzaʼa faftá paka ta ghəŋa ni wu, ha ka kɗatá tsa fitik fa tsi ta ghəŋa ni ŋa Yawe ya wa. Dzaʼa nza nza nda ghuɓa, ka zlanata tsi mantsa ta swida ni ka glakwa tsi.

Mbsak 6:8

Ma inda tsa fitika fatá ghəŋa ni ya, dzaʼa nzakway nda ghuɓa ka ŋa Yawe.

Gwal tsa guma 11:30

Ka waɗanatá Yifta ta Yawe, kaʼa mantsa: « Kahwathwata ka vliha vla ka ta la Ghamuŋ ma dzva ɗa katsi,

Gwal tsa guma 13:5

kabga dzaʼa zlghaf zlgha ka ta huɗi, ŋa yata gha ta zwaŋa zgun. Haɗ paka dzaʼa laf ta ghəŋa ni wu, kabga dzaʼa fa fa lu ta tsa zwaŋ ya ka ŋa Lazglafta, ka nazir daga ma huɗa ma ni. Tsatsi dzaʼa zlrafta kataptá la Israʼila ma dzva la Filisti, » kaʼa.

1Sam 1:10

Ɗahuɗaha ŋuɗufa Hana katakata, ka mag tsi ta duʼa da Yawe nda taw nda taw ka ŋəɗa ŋəɗa.

1Sam 1:12

Ma tsa nzəɗavata ni ta maga tsa duʼa ya ta kəma Yawe, ta vitsay vitsay Iliya ta wubisima ni.

1Sam 1:19

Ga mahtsima ni, ka tsavaftá Ilkana nda la ga taŋ wrək sərɗək, ka tsəlɓata ta kəma Yawe. Tahula tsa, ka vraghutá həŋ dzagha taŋ ma Rama. Ka lam Ilkana da markwa taŋ Hana, ka havaptá Yawe ka tsa marakw ya.

1Sam 1:22

Ama laf a Hana wu, kaʼa nda zəʼala taŋ na: « Tsata ɗa ta zwaŋ ta uʼa ya ná, dzaʼa kladaf kla yu maraŋta ta kəma Yawe, ŋa nzata ni hada ŋa ɗekɗek, » kaʼa.

1Sam 1:27

Ŋa mutsa na zwaŋ na maga yu ta tsa duʼa ya, ka tsuʼaɗiftá Yawe ta skwi ɗawaŋ yu da tsi.

1Sam 1:28

Iʼi guli ná, ta vlaŋ vla yu ta Yawe, ŋa nzakwa ni ŋa Yawe ha kɗavakta hafa ni, » kaʼa. Ka tsəlɓatá həŋ hada ta kəma Yawe.

1Sam 2:20

Ka tfə Iliya ta wi ŋa Ilkana nda markwa taŋ, kaʼa mantsa: « Má ka vlagha vla Yawe ta zivir nda ma na marakw na, ŋa da manaka na vla tsi ŋa Yawe na! » kaʼa. Tahula tsa, ŋa vra taŋ dzagha taŋ.