6 Zivira Biŋyamiŋ hkən na: I Belagh, nda Beher, nda Yədighaʼel həŋ.
Wya zwana Biŋyamiŋ: Belagh, nda Beher, nda Asbel, nda Geraʼ, nda Naghamaŋ, nda Ihi, nda Rus, nda Mupim, nda Hupim, nda Arət.
Gwagwata mbsaka inda zwana ma taŋ la Yisakar ta uʼa taŋ vivindaf lu ná, dəmbuʼ tghas mbsak ndəfáŋ (87.000) mida gwal viɗviɗ prək ka vulu.
Zwana Belagh na: I Itsbuŋ, nda Ghuzi, nda Ghuziʼel, nda Yəremut, nda Ghiri, hutaf həŋ, ka mala ga həgaha ta uʼa taŋ, ka gwal viɗviɗ ma vulu. Mbsaka taŋ vindaf lu mataba la taŋ ná, dəmbuʼ hisambsak his mida nda hkən mbsak fwaɗ (22.034) mida həŋ.
