1Rus 4:10 - Hdi

¹⁰ Ka taw Yaghbets ta taw da Lazglafta la Israʼila, kaʼa mantsa: « Ka tfiɗaghata ka ta wi kahwathwata nda ma sgiɗaghatá kwakwara ɗa! Ka ha ka ta dzvu mista ɗa! Ka ngha ka ta iʼi da zləmnda nda inda ghuya ɗaŋwa, » kaʼa. Ka tsuʼanaftá Lazglafta ta skwi ɗawaŋ tsi.

1Rus 4:10 ပူးပေါင်းရင်းမြစ်များ

Zlrafta 12:2

Dzaʼa yagap ya yu ta ndəghata mndəra mndu ma kagha, dzaʼa tfaghagha tfa yu ta wi, dzaʼa ŋlanaf ŋla yu ta hga gha. Nda ma kagha dzaʼa mutsa sanlaha ta tfa wi.

Zlrafta 12:8

Daga hada, ka sliʼaftá tsi ka laghu nda ta ghwá nda ga silwa ma luwa Betel. Ka dzagwatá tsi ta tumpulha ni ma takataka nzakwa i Betel nda ga mazu, nda Ghay nda ga silwa. Ka dzihuglaftá tsi hada ta gwir ŋa Yawe, ka hgə tsi ta hga Yawe nda ma duʼa.

Zlrafta 28:20

Ka waɗatá Yakubu, kaʼa mantsa: « Ka kawadaga Lazglafta nda iʼi, ka pghaf pgha tsi ta iʼi ɗughwana ma mbaɗa ɗa ta tvi, ka vliha vla tsi ta skwi ŋa zay, nda lgut ŋa suɗavata ɗa ta vgha,

Zlrafta 28:21

ka vradaghata yu ɗughwana da da ɗa katsi, mantsa tama, dzaʼa nzakway Yawe ka Lazglafta ɗa.

Zlrafta 32:26

Kəʼa ka tsa mndu ta wuda nda tsi ya ná, zatá a ta ghwa ta Yakubu ma tsa wuda ta wud həŋ ya wu, ka dzuŋtá tsi ta kwatafiɗakw, ka kwiɗtá tsi.

Zlrafta 32:27

Ka tsa mndu ya nda Yabubu mantsa: « Zliha zla nda sliʼa yu, nda tsaɗa vli, » kaʼa. Ka Yakubu mantsa: « Haɗ yu ta slighista ŋa laghwa gha wu, tfaɗighata gha ta wi karaku, » kaʼa.

Zlrafta 32:28

« Wa hga gha na? » ka tsa mndu ya ɗawaŋta. « Yakubu, » kaʼa.

Zlrafta 33:20

Ka dzihwaftá tsi ta gwir guli hada, ka hgə tsi ka Il, Lazglafta la Israʼila.

Zlrafta 48:16

Tsatsi ta klaptá iʼi ma ghwaɗaka skwi, ka tfanagha tfa tsi ta wi ta na zwani na, əŋkaʼa ka hahəŋ dzaʼa kəl mnduha ka gɗata ta hga hga ɗa, nda ya, nda hga dzidzíha ɗa, i Abraham nda Izak, ka yafta həŋ ŋa nzakwa taŋ tusak ta ghəŋa haɗik, » kaʼa.

1Rus 16:8

Zləzləvawa Yawe, hgawa hga ta hga ni, mnaŋwa mna mataba sanlaha ma mndəra mnduha ta slnaha ni!

1Rus 4:11

Ka yatá Kəluv zwaŋama ni ma Suha ta Məhir, Məhir da ni ma Istuŋ.

1Rus 4:9

Ka malaghutá lu ta vlaŋtá sgit ta Yaghbets ka zwana ma ni. Ka tsanaftá ma ni ta hgu ka Yaghbets, kabga nda ɗaŋwa yata tsi.

Mata 26:75

Ka gi havaktá Piyer ka gwaɗa ya si mnana Yesu kazlay: Ma kɗaku vazak wahata ná, dzaʼa mnay ka hkən səla kazlay: Sna a yu ta tsa mndu ya wu kəʼa ya. Ka gi sliʼafta tsi ka laghu dzibil ka hərɓa taw.

Mata 6:13

Ma zlaŋna ka tawa skwi dzaʼa dzəghaŋnata. Klap kla ta aŋni ma dzva halaway, [kabga ŋa gha ga mgham, nda mbraku, nda glaku, ŋa kɗekedzeŋ. Amin!]

Lukwa 19:42

Kaʼa mantsa: « Ka má nda sna kagha Ursalima ká ka má da zba zɗakwa gha gita! Ndana tama, zaɗaghaghazaɗa nghəglaŋta a ka wa.

Yuhwana 10:28

Ta vlaŋ vla yu ta hafu ŋa kɗekedzeŋ ta həŋ. Haɗ həŋ dzaʼa walaŋta zwaɗuta wu, haɗ mndu dzaʼa hlaptá həŋ ma dzva ɗa guli wa.

Yuhwana 21:17

« Simuŋ zwaŋa Yuhwana! Ta ɗvay ka ta iʼi? » kaʼa nda tsi ka mahkən. Ka kuzlanaftá tsi ta Piyer ta ŋuɗuf na tsa ɗaway Yesu ka mahkən kazlay: Ta ɗvay ka ta iʼi ra kəʼa ya. « Mghama ɗa, nda sna kagha ta inda skwi, nda sna kagha guli kazlay: Ta ɗvay yu ta kagha kəʼa, » kaʼa nda tsi. « Ka ngha ka ta tuwakha ɗa, » ka Yesu nda tsi.

Slna gwal ghunay 3:26

Tsaya kəl Lazglafta ka maraghunaŋtá kaghuni ta kwalva ni karaku, ma ghunagaghata ni da kaghuni ŋa tfaghunaghata wi, ka mbəɗaghunafta ŋa zlaŋtá ghwaɗaka skwi ta mag kuni, » ka Piyer.

La Ruma 12:9

Hmətət ka kuni ɗvuvustá vgha ghuni, ma mag kuni ta maɗgwirmaɗgwir. Ka husaghuna husa inda ghwaɗaka skwi. Ŋafwa vgha ta skwi ɗina.

La Ruma 16:19

Kaghuni ná, nda sna inda gwal zlghay nda ŋuɗuf ya ka kuni snatá gwaɗa Mghama mu. Ta rfu yu katakata ta ghəŋa kaghuni nda tsaya. Ta kumay yu ta nzakwa ghuni nda ɗifila maga skwi ɗina. Ka nzata kuni suɗek kul maga ghwaɗaka skwi.

1Kwa 1:2

ta vindi yu ta na ɗelewer na ŋa mnduha Lazglafta ma luwa Kwareŋt, kaghuni ta nzakway ka ŋa Lazglafta nda zɗakatahuɗa Yesu Kristi, hagaf haga ta kaghuni ŋa nzakwa ghuni ka ŋa ni. Hagaf haga guli ta inda gwal ta nzakway ma sana vliha kavghakavgha ta maga duʼa da Mghama mu Yesu Kristi. Tsatsi ná, Mghama mu ya demdem.

Afisus 1:3

Zləzlvama Lazglafta ta nzakway ka Da ni mamgham *Yesu *Kristi. Tsatsi ta tfamaghatawi ma vlamata ni ta inda skwi ɗina ɗina daga ta luwa ŋa kataŋtá sulkuma mu. Nda ma ndiʼatá vgha mu nda Yesu Kristi magamata tsi.

Afisus 3:20

Lazglafta ta laviŋtá maga inda skwi demdem. Nda tsa mbrakwa ni ta maga slna ma amu ya, ta laviŋta tsi ta maga inda skwiha ka malaghutá skwiha ya ta ɗawu mu nda skwiha ta ndanu mu tani.

Afisus 4:30

Yaha kuni ŋranaftá ŋuɗuf ta Sulkum nda ghuɓa ya vlaghuna Lazglafta. Tsa Sulkum nda ghuɓa ya ná, ŋizla nzakwa ghuni ka ŋa Lazglafta ya. Ta nzata ta vata kaghuni tsa Sulkum ya ha ka sagha tsa fitik dzaʼa kəl Lazglafta ka varatá kaghuni ɗekɗek ya.

2Tim 4:18

Nda sna yu guli ná, dzaʼa katigipkata Lazglafta ma inda ghwaɗaka skwi. Dzaʼa katay ta iʼi ŋa lafa ɗa ta luwa da vla ga mghama ni. Ŋa ni glaku ŋa kɗekedzeŋ. *Amin!

Suna Yuhwana 3:19

Gwal ta ɗvaf yu ná, ta dvay yu ta həŋ, ta zlahay yu ta həŋ. Mantsa ya, ŋava ŋa ka payanata ka ta tva gha.

1Sam 1:17

Ka Iliya nda tsi mantsa: « La nda vgha ta zɗakwa gha makwa ɗa, má ka tsuʼaghaf tsuʼa Lazglafta la Israʼila ta skwi ɗawaŋ ka da tsi! » kaʼa.

1Sam 1:20

Ma tsa vaku ya, ka zlghaftá Hana ta huɗi, ka yatá tsi ta zwaŋa zgun. Ka tsanaftá tsi ta hgu ka Samuyel, manda mnay kazlay: « Da Yawe ɗawafta yu, » kəʼa.

1Sam 1:26

Ka Hana mantsa: « Rvera ɗa, wya dzvu! Ta waɗa gha waɗa yu, iʼi tsa marakw si ta sladu ta vata kagha hadna, ka maga duʼa da Yawe ya kay ya.

1Sam 1:27

Ŋa mutsa na zwaŋ na maga yu ta tsa duʼa ya, ka tsuʼaɗiftá Yawe ta skwi ɗawaŋ yu da tsi.