1Rus 28:9 - Hdi

⁹ Kagha zwaŋa ɗa Salumuŋ, snaŋ sna ta Lazglafta da gha, ka maganata ka ta slna nda hya hya ŋuɗufa gha, ka ɗvuta ka nda hafa gha, kabga da hya ŋuɗuf ta nghadamta Yawe, ka gala inda ndanu. Ka ta zbay ka, dzaʼa fagha fa ta vgha, ama ka zlanava zla ka, dzaʼa wuɗighis wuɗa ŋa ɗekɗek.

1Rus 28:9 ပူးပေါင်းရင်းမြစ်များ

Zlrafta 28:13

Ka sladanavatá Yawe ta vata ni, kaʼa nda tsi mantsa: « Iʼi Yawe, Lazglafta Abraham ta nzakway ka da gha, Lazglafta Izak. Nana haɗik hana ka tida na ná, dzaʼa vlagha vla yu ta kagha nda zivira gha tani.

Zlrafta 6:5

Ka nghə Yawe ná, dagala ghwaɗaka skwi ta mag mnduha ta haɗik. Ma inda ndana taŋ ná, ta ghəŋa ndana maga ghwaɗaka skwi inda fitik yeya ma ŋuɗufa taŋ.

Zlrafta 8:21

Həlhəla nzakwa ni ta wa htsiŋa Yawe, ka zɗəganatá tsi. Ka Yawe ma ŋuɗufa ni mantsa: « Haɗ yu dzaʼa ksiʼiglaftá haɗik dabga mndu wa. Aŋ mndani, nda ɓadza ndana mndu daga ma ga zwaŋa ni, ama zaɗglanata a yu ta inda skwi nda hafu mida manda na maga yu na wa.

1Mgh 3:6

Ka Salumuŋ mantsa: « Maranaŋ mara ka ta zɗaku dagala ta kwalva gha da ɗa Dawuda, kabga mbaɗa ni ta kəma gha ka mndu tɗukwa ŋa faftá ghəŋ tida, ka ŋərma mndu. Ka kɗaŋta ka ta maranaŋtá ta zɗaku dagala nda ma vlaŋtá gha ta zwaŋa zgun ta nzaku ta dughurukwa ga mghama ni gita.

1Mgh 8:39

snaga sna daga ta luwa nda gaftək, daga ma vla nzakwa gha, ka planata ka ta dmakuha taŋ. Maga, ka vlaŋta ka ta dər wati ma mndu taɓta mbaɗa ni, ya nda sna kagha ta ŋuɗufa inda mndu ya. Mantsa nzakwa ni, kagha turtukwa gha nda sna ta ŋuɗufa mnda səla demdem,

1Mgh 8:43

Snaga sna daga ta luwa, ma vla nzakwa gha, ka tsuʼanafta ka ta inda skwi ya dzaʼa ɗawaghata tsi! Mantsa ya, dzaʼa snaŋta inda mndəra mnduha ta ghəŋa haɗik ta hga gha, ŋa zləŋay taŋ ta kagha manda ya ta mag mnduha gha, la Israʼila, dzaʼa snaŋ sna həŋ kazlay na ŋa vlaŋtá glaku ta hga gha bafta yu ta na həga na kəʼa.

1Mgh 8:61

Ka nza ŋuɗufa ghuni nda ndiʼa kahwathwata ta Yawe, Lazglafta mu, ŋa ksa tva skwi ya ŋa magay nda ya ŋa snatá zlahuha ni, manda na nzakwa ni gita na, » kaʼa.

2Mgh 20:3

« Ar Yawe, havap hava ka mbaɗa ya mbaɗ yu kahwathwata ta kəma gha ma hya hya ŋuɗufa ɗa, ka magatá yu ta skwi ɗina ta wa ira gha, » kaʼa. Ka hərɓ Hizkiya ta taw katakata.

2Mgh 21:22

Ka zlanavatá tsi ta Yawe, Lazglafta dzidzíha ni, ka kwalaghutá ksa tva Yawe.

2Mgh 22:2

Ka mag tsi ta skwi tɗukwa ta wa ira Yawe. Ka ksaftá tsi ta tvi manda va ŋa dzidza ni Dawuda, dzəmbiɗana a dər nda ga zeghwi, dər nda ga zlaɓa wa.

1Rus 22:19

Pghawa pgha ndanana tama ta ŋuɗufa ghuni, nda hafa ghuni ka zba Yawe, Lazglafta ghuni. Sliʼafwa sliʼa ka ba kuni ta vli ta ghuɓuta ŋa Yawe, Lazglafta, kada hlagaghata kuni ta akwata dzratá wa Yawe, nda huzlaha nda fa ka ŋa Lazglafta da tsa həga dzaʼa bafta lu ŋa vlaŋtá sgit ta hga Yawe ya, » kaʼa.

1Rus 28:8

Ndanana, ta wa ira inda la Israʼila, guyatá ghəŋa mnduha Yawe, nda ya ta kəma Lazglafta mu, ŋanawa ŋa ɓurkuts ta inda zlahuha Yawe, Lazglafta ghuni, kada nzakwa na haɗik ɗina na ka ŋa ghuni, ŋa zlanaŋta ghuni ka haɗika za həga ŋa ɗekɗek ta zwana ghuni tahula kaghuni.

1Rus 29:9

Ka rfu inda mnduha ta rfu nghanar həŋ ta skwiha vla lu nda ŋuɗuf turtuk ŋa Yawe, ka rfu mgham Dawuda guli ta rfu katakata.

2Rus 12:5

Ma tsa fitik ya, ka sliʼaftá anabi Səmaghya ka lagha slanaghatá Rəhavgham nda maliha la Yuda, si ta tsukavata ma Ursalima gavadaghar Sisak, kaʼa nda həŋ mantsa: « Wya gwaɗa ta mnə Yawe: “Zlaɗiva zla kuni. Iʼi guli ta zlavaghuna zla yu ma dzva Sisak kaʼa,” » kaʼa.

2Rus 15:2

Ka sab tsi ta kəma Asa, kaʼa nda tsi mantsa: « Fihawa fa ta sləməŋ, i Asa nda inda la Yuda nda la Biŋyamiŋ! Kawadaga Yawe nda kaghuni, ka kawadaga kaghuni nda tsi. Ka ta zbay kuni, dzaʼa slay kuni, ama ka zlanava zla kuni, dzaʼa zlavaghuna zla.

2Rus 6:30

snaga sna daga ta luwa nda gaftək, daga ma vla nzakwa gha, ka planata ka ta dmakuha taŋ. Maga, ka vlaŋta ka ta dər wati ma mndu taɓta mbaɗa ni, ya nda sna kagha ta ŋuɗufa inda mndu ya. Mantsa nzakwa ni, kagha turtukwa gha nda sna ta ŋuɗufa mnda səla,

Izra 8:22

Má dzaʼa ksay hula ta iʼi da mgham, ka má ta ɗawaŋtá yu ta sludziha nda gwal ta plis ta plis, má ŋa katá amu da ghuma ma mbaɗa mu ta tvi. Tsaw wya ka mu mnanatá mgham: « Ta katay Lazglafta mu ta inda mndu ya ta zbaŋta, ama dagala gatá sida ni nda gwal ta kwalaghuta. »

Sabi 15:2

Yawe mbrakwa ɗa, zalama ɗa ya. Tsatsi ta mbiɗifta, Lazglafta ɗa ya. Dzaʼa zləzləvay yu, Lazglafta da ɗa ya, dzaʼa ghubay yu.

Sabi 3:16

La! ka tskanata ka ta la galata mndu mataba la Israʼila, ka mnanata ka ta həŋ: “Yawe, Lazglafta dzidzíha ghuni, Lazglafta Abraham, Lazglafta Izak, Lazglafta Yakubu, ta zlagagapta da iʼi. Kaʼa nda iʼi mantsa: Nghaghunagha ngha yu kahwathwata, nda ngha yu ta skwi ta mag lu ŋa ghuni ma Masar.

Yuhwana 1:47

Nghay Yesu ta lagha ni, « wana vərɗa mnda la Israʼila kul haɗ sana skwi ŋa tsanavata, » ka Yesu nda Natanayel.

Yuhwana 17:3

Hafu ŋa kɗekedzeŋ ná, tsaya snaŋta taŋ ta kagha. Kagha vərɗa Lazglafta turtuktuk, nda snaŋta taŋ ta mndu ya ghunaga ka ta nzakway ka Yesu *Kristi.

Yuhwana 2:25

Psa a ta mnanata mndu ta gwaɗa ta ghəŋa nzakwa sana mndu wu, kabga nda sna tsatsi ta skwi ma ŋuɗufa mndu.

Yuhwana 21:17

« Simuŋ zwaŋa Yuhwana! Ta ɗvay ka ta iʼi? » kaʼa nda tsi ka mahkən. Ka kuzlanaftá tsi ta Piyer ta ŋuɗuf na tsa ɗaway Yesu ka mahkən kazlay: Ta ɗvay ka ta iʼi ra kəʼa ya. « Mghama ɗa, nda sna kagha ta inda skwi, nda sna kagha guli kazlay: Ta ɗvay yu ta kagha kəʼa, » kaʼa nda tsi. « Ka ngha ka ta tuwakha ɗa, » ka Yesu nda tsi.

Yuhwana 4:24

Lazglafta ná, Sulkum ya. Tsa mnduha ta maga duʼa ŋa ni ya, ma Sulkum nda ya ma kahwathwata ta maga həŋ, » ka Yesu nda tsi.

Yuhwana 8:55

kul snaŋta kuni ya. Iʼi nda sna yu ta tsatsi. Ka má sna a yu wu ka yu mazlay katsi ná, má dzaʼa nzakway yu ka guram nda kaghuni ta tsakalawi ya. Tsaw nda sna iʼi ta tsatsi, ta snay yu ta gwaɗa ni guli.

Slna gwal ghunay 1:24

Ka ndəɓ həŋ ta dzvu, ka həŋ mantsa: « Mghama ɗa, nda sna kagha ta ŋuɗufa inda mnduha. Maraŋna mara ta ya zbap kagha mataba na mnduha his na,

Slna gwal ghunay 17:23

Ma fitika ranafta ɗa ta vliha ma na luwa ghuni na ná, ka slaslanaghatá yu ta skwiha ta ndəɓu kuni ta dzvu ŋa taŋ. Ka slaftá yu ta gwir vindaf lu ta skwi tida kazlay: Ŋa Lazglafta kul snaŋta lu kəʼa. Mantsa nzakwa ni, tsa skwi ta ndəɓu kuni ta dzvu ŋa ni kul snaŋta kuni ya ná, tsaya sagha yu da mnaghunata.

Slna gwal ghunay 17:30

Ŋaw lu ɓa, ka Lazglafta nda mnduha daga manda ghalya, kabga kwala taŋ kul snaŋta. Ndanana tama, ta hga mnduha Lazglafta ma inda vli ka mbəɗanafta həŋ ta nzakwa taŋ,

1Kwa 15:34

Vraganaghawa vra ta ghəŋa ghuni manda ya ta raku. Ma walaŋ kuni ta maga dmaku, ya sna a sanlaha mataba ghuni ta Lazglafta wa. Aya hula ka iʼi taɗa!

2Kwa 4:6

Ka Lazglafta mnata ma fitika zlaganapta ni ta ghəŋa haɗik na: « Ka tsuwaɗaka tsuwaɗak ta vli ma grusl, » kaʼa. Va tsa Lazglafta ya ta tsuwaɗakanaftá vli ma ŋuɗufa ŋni ŋa tsuwaɗaka mnduha, ŋa snaŋta taŋ ta glakwa Lazglafta nda ma kuma Yesu Kristi.

2Kwa 8:12

Ka nda ŋuɗuf turtuk klafta ka ta skwi klaf mbrakwa gha ka vlata katsi ná, zɗəgana zɗa ta Lazglafta. Ɗawa a ta skwi kul haɗ da kagha wa.

2Kwa 9:7

Tsa katu ya ná, ka vla mndu manda ya ndanap tsi ma ŋuɗufa ni. Nda mtsiriuʼ a wu, tkweʼ a guli wa. Lazglafta ná, ta ɗvay ta mndu ta vlay nda rfu.

Vrafta ta zlahu 10:12

« Ndanana tama la Israʼila, nahgani ta kum Yawe, Lazglafta ghuni da kaghuni na? Ta ghəŋa zləŋay ghuni ta Yawe, Lazglafta ghuni, nda ma ksay ghuni ta inda tviha ni, ka ɗvuta ghuni, ka tsəlɓay ghuni ta tsəlɓu ŋa Yawe Lazglafta ghuni ma hya hya ŋuɗufa ghuni, nda inda nzakwa ghuni,

Vrafta ta zlahu 31:21

Ka dɗanagha dɗa ɓadzaku nda ghuya ɗaŋwaha kavghakavgha ta həŋ, dzaʼa nzakway na laha na ka masləmtsək ta ghəŋa taŋ, kabga haɗ zivirha taŋ dzaʼa zanapta ka zlaŋtá fay wa. Daga ndanana, nda sna yu ta tsatá ŋuɗufa taŋ, ma kɗaku yu hladamtá həŋ da haɗik waɗa yu ta vlaŋtá həŋ, » kaʼa.

Vrafta ta zlahu 4:35

Maraghunaŋ mara ta tsa skwiha ya ŋa snaŋta ghuni ta Yawe kazlay tsatsi Lazglafta, haɗ sani ta ghəŋa tsatsi wu kəʼa.

Hebru 12:28

Ya mantsa tsi ya, rfamarfa ta Lazglafta ta vlamatá ga mgham ya kul haɗ ta ghudzavata. Maraŋma mara ta tsa rfay mu ya nda ma maganatá slna ya ta zɗəganata nda haniŋtá ghəŋ, nda ya nda zləŋay.

Hebru 4:13

Haɗ sana skwi ta ɗifaghuta ta wa ira Lazglafta wa. Nziɗiɗ həŋ demdem ta wa ira ni. Nda ngha ira ni ta inda skwi demdem. Dzaʼa mnay mu ta inda skwi ta kəma ni.

1 Piyer 5:2

Wyawa dzvu, ka ngha kuni ta bra ya faghunam Lazglafta ma dzvu. Nghawa ngha nda ŋuɗuf turtuk manda ya ta kum Lazglafta. Ma nza tsi ka mbla kaghuni nda mbla. Ma mag kuni kabga ŋa mutsa tsedi, ama magawa maga kabga ɗvu.

Suna Yuhwana 2:23

Ta ghəŋa tsaya guli, dzaʼa rwana rwa yu ta zwana ni. Tsaya dzaʼa kəl Igliz ka snaŋta kazlay: Iʼi mnda tsatsafta skwi ma ndana mndu, nda skwi ma ŋuɗufa mndu tani kəʼa. Taɓ ta slna ya maga mndu dzaʼa planamta yu ta mndu guli.

1Sam 12:20

Ka Samuyel nda mnduha mantsa: « Ma zləŋ kuni ta zləŋ! Manda va tsaya nzakwa ni, gaga kuni ta inda tsa dmaku ya. Ama ma mbəɗana kuni ta hul ta Yawe. Maganawa maga ta slna ma hya hya ŋuɗufa ghuni.

1Sam 16:7

Ama ka Yawe nda Samuyel mantsa: « Ma nghə ka ta tsata ni, dər slrakwa ni, kabga wuɗiŋ wuɗa yu. Manda ŋa mndu a ta ngha Yawe ta vli wa. Skwi ya ta wa iri ŋa mnduha ta nghay, ama Yawe ná, ŋuɗuf ŋa ni ta nghay, » kaʼa.