1Rus 27:25 - Hdi

²⁵ Ghazmavet zwaŋa Ghadiʼel ta nghapta ka dzuguviha ɗifa skwa gadghəla mgham. Yunataŋ zwaŋa Ghuziyahu ta nghapta ka dzuguviha tska huzla mgham ya ta hula luwa, nda ya ma luwaha, nda ya ma zwana luwaha, nda ya ma həga nda slra.

1Rus 27:25 ပူးပေါင်းရင်းမြစ်များ

Zlrafta 41:48

Ka tsakaktá Yusufu ta inda skwa zay ma tsa vaku ndəfáŋ ya ma haɗika Masar, ka paghamta ma guvurha ma inda luwa ta nimaya tsakak lu ma vwahha ta wanaftá inda luwa.

2Sam 23:31

nda Avighalvuŋ mnda la Betʼaraba, nda Ghazmavet mnda la Bahurim,

2Mgh 18:15

Ka vlaŋtá Hizkiya ta inda tsedi ma həga Yawe nda ya ma dzuguva ɗifa skwa gadghəl ma həga gá mgham.

1Rus 27:24

Ka zlraftá Yuʼav zwaŋa Tseruya ta mbəɗay, ama kɗiŋ a wa. Tsaya ta klaktá gufanavata Yawe ta ŋuɗuf ta la Israʼila. Haɗ tsa mbsak ya ma ɗelewera vinda slna mgham Dawuda wa.

1Rus 27:26

Ghezri zwaŋa Kəluv mali ta ghəŋa gwal ta hva ma tsa haɗik ya.

1Rus 28:1

Ka tskanatá Dawuda ma Ursalima ta inda maliha la Israʼila, gwal ma mndəra mnduha, nda maliha ma dagata bakuha ta maganatá slna ta mgham, maliha ta ghəŋa bakwa gwal vulu dəmbuʼ dəmbuʼ, nda ya ta ghəŋa bakwa gwal vulu dərmək dərmək, nda maliha ta ghəŋa inda skwiha, nda bra rina mgham, nda ŋa zwana ni, nda gwal dagaladagala ta maganatá slna, nda gwal viɗviɗ, nda inda gwal ka bikwira vulu.

1Rus 29:6

Mantsa tama, ka valatá mala ga həgaha, nda maliha ma mndəra la Israʼila, nda maliha ta ghəŋa bakwa gwal vulu dəmbuʼ dəmbuʼ, nda maliha ta ghəŋa bakwa gwal vulu dərmək dərmək, nda maliha ta ghəŋa slnaha mgham ta mbəhuha nda ɗvay taŋ.

2Rus 16:2

Mantsa tama, ka hlagaptá Asa ta kfura tsedi nda dasu ma dzuguviha ɗifa skwa gadghəl ma həga Yawe nda ya ma həga mgham, ka tsəghaftá nda ma dzva gwal ghunay ŋa Benʼhadat, mghama la Aram ta nzakw ma Damas, kaʼa nda tsi mantsa:

2Rus 26:10

Ka babaftá tsi ta həgaha nda slara nda slara guli ma mtak, ka lalaptá tsi ta vavrəm, kabga nda ndəgha bra rina ni ma kuɗuŋurha nda ya ma dandar, mantsa ya gwal hva, nda gwal hva inabi ta kuɗuŋurha, nda ya ma vwahha, kabga zɗəgana zɗa hva.

Sabi 1:11

Mantsa ya, ka paghatá həŋ ta maliha ta ghəŋa slna ŋa huʼanaptá vgha ta la Israʼila ma fanaghatá slna ka mbraku ta həŋ, kəl həŋ ka banaftá Firʼawna ta luwaha guvur: Pitum nda Ramses.