1Rus 27:1 - Hdi

¹ Wya mbsaka la Israʼila ta maganatá slna ta mgham: Mala ga həgaha, maliha ta ghəŋa dəmbuʼ dəmbuʼ, nda maliha ta ghəŋa dərmək dərmək, nda maliha ma slna mgham. Slna taŋ ná, tsaya nghapta ka bakuha sludzi ta zatá tili turtuk ta maga slna ma vaku, ta mbaɗa vgha. Dər wati ma bakwa sludziha ná, sludziha dəmbuʼ hisambsak fwaɗ mida (24.000) həŋ.

1Rus 27:1 ပူးပေါင်းရင်းမြစ်များ

2Sam 23:8

Wya hga mnduha ka bikwira vulu ta maganatá slna ta Dawuda: Taŋtaŋa ni, tsaya Yusev Basevet, mnda la Tahkemuŋ, tsatsi mali ta ghəŋa maliha. Tsatsi ta rwanatá mnduha tghas dərmək (800) baɗ turtuk nda gwadama ni.

1Mgh 4:7

Ghwaŋpəɗ his guvnaha Salumuŋ ta ghəŋa inda la Israʼila. Hahəŋ ta vla skwa zay ŋa mgham nda inda gwal ta maga slna ma həga ga taŋ. Dər wati ma həŋ ta tskaktá skwa zay da mnduha ma kwakwara taŋ ŋa həga ga mgham ŋa tili turtuk ma vaku.

1Mgh 5:14

Snaŋta inda mghamha ma inda mndəra mnduha ta ghəŋa haɗik ta ghuba ɗifila Salumuŋ, ka ghunadaghatá həŋ ta mnduha da snay.

1Rus 11:10

Wya maliha ka bikwira vulu, gwal ta hinistá dzvu kahwathwata ta Dawuda ma gá mghama ni, nda inda la Israʼila ŋa fata ka mgham, taɓta gwaɗa Yawe ta mnata ta ghəŋa la Israʼila.

1Rus 13:1

Ka nzatá Dawuda ka dzərku nda maliha ta ghəŋa bakwa gwal vulu dəmbuʼ dəmbuʼ, nda dərmək dərmək, nda inda gwal dagaladagala.

1Rus 26:32

Mamu zwana ma ni ma Yəriya ta pərɗaftá slna taŋ dəmbuʼ his nda ndəfáŋ dərmək (2.700), mala ga həgaha həŋ. Ka pghatá mgham Dawuda ta həŋ ka ghəŋ ka ghəŋ ta ghəŋa la Rubeŋ, nda la Gat, nda rita mndəra la Mənase, ŋa inda slnaha Lazglafta, nda slna mgham.

1Rus 27:2

Yasuvgham, zwaŋa Zavdiʼel mali ta ghəŋa taŋtaŋa baku ma taŋtaŋa tili. Mnduha dəmbuʼ hisambsak fwaɗ mida (24.000) ma tsa bakwa ni ya.

1Rus 28:1

Ka tskanatá Dawuda ma Ursalima ta inda maliha la Israʼila, gwal ma mndəra mnduha, nda maliha ma dagata bakuha ta maganatá slna ta mgham, maliha ta ghəŋa bakwa gwal vulu dəmbuʼ dəmbuʼ, nda ya ta ghəŋa bakwa gwal vulu dərmək dərmək, nda maliha ta ghəŋa inda skwiha, nda bra rina mgham, nda ŋa zwana ni, nda gwal dagaladagala ta maganatá slna, nda gwal viɗviɗ, nda inda gwal ka bikwira vulu.

1Rus 29:6

Mantsa tama, ka valatá mala ga həgaha, nda maliha ma mndəra la Israʼila, nda maliha ta ghəŋa bakwa gwal vulu dəmbuʼ dəmbuʼ, nda maliha ta ghəŋa bakwa gwal vulu dərmək dərmək, nda maliha ta ghəŋa slnaha mgham ta mbəhuha nda ɗvay taŋ.

2Rus 1:2

Ka gwaɗganatá Salumuŋ ta inda la Israʼila, katkata ni, maliha ta ghəŋa bakwa gwal vulu dəmbuʼ dəmbuʼ (1.000), nda maliha ta ghəŋa bakwa gwal vulu dərmək dərmək (100), nda gwal tsa guma, nda gwal dagaladagala ma inda la Israʼila ta nzakway ka la zəʼala həgaha.

Sabi 18:25

Ka zabaptá tsi ta mnduha nda sgit ta həŋ mataba la Israʼila demdem, ka fafanaghatá tsi ta həŋ ta ghəŋa mnduha: Maliha ta ghəŋa mnduha dəmbuʼ dəmbuʼ sanlaha, nda dərmək dərmək sanlaha, nda hutaf mbsak hutaf mbsak sanlaha, nda ghwaŋ ghwaŋ sanlaha.

Vrafta ta zlahu 1:15

Mantsa tama, ka hlaftá yu ta maliha ma inda mndəra ghuni, gwal nda ɗifil, gwal snaŋ lu ta həŋ, ka pghatá həŋ ka maliha ta ghəŋa mnduha dəmbuʼ dəmbuʼ sanlaha, nda dərmək dərmək sanlaha, nda hutaf mbsak hutaf mbsak sanlaha, nda ghwaŋ ghwaŋ sanlaha, ka gwal ta nghapta ma inda mndəra ghuni a tsi.

Yəhusuwa 23:1

Nda ndəgha vakuha ta luta tahula vlaŋta Yawe ta mbiʼa vgha ta la Israʼila, da inda ghumaha taŋ ta waftá həŋ. Nda hala Yəhusuwa lula ima ni katakata.

1Sam 8:12

Dzaʼa hlay ta həŋ ŋa nzakwa taŋ ka maliha ta ghəŋa sludziha dəmbuʼ, ka maliha ta ghəŋa sludziha hutaf mbsak. Dzaʼa hlay ta həŋ ŋa hva vwahha ni, ŋa tska skwi ta vwahha ni, ka ŋa slara huzla vulu ni, nda huzla mwata plisha ni a tsi.