1Rus 26:26 - Hdi

²⁶ Tsa Səlumit ya nda zwana ma ni ta ngha inda dzuguviha ɗifa skwa gadghəl pghaghu i mgham Dawuda, nda mala ga həgaha, nda maliha ta ghəŋa dəmbuʼ dəmbuʼ, nda maliha ta ghəŋa dərmək dərmək, nda maliha gwal vulu, ŋa Lazglafta.

1Rus 26:26 ပူးပေါင်းရင်းမြစ်များ

2Sam 8:11

Ka pghanatá mgham Dawuda ta tsaha ya guli ta Yawe, manda ya pghana tsi ta kfura tsedi, nda dasu ya hlagaghutá tsi da inda mndəra mnduha ya za tsi ta ghwa ta ghəŋa taŋ,

1Rus 18:11

Ka pghanatá mgham Dawuda ta tsaha ya guli ta Yawe, manda ya pghana tsi ta kfura tsedi, nda ya nda dasu ya hlagaghu tsi da inda sanlaha ma mndəra mnduha: La Idum, nda la Muwav, nda la Ghamuŋ, nda la Filisti nda la Ghamalek ya.

1Rus 22:14

Wya dzadza yu ta vgha, ka payaftá yu ŋa həga Yawe, ta dasu ka kiluʼ dəmbuʼ hkən nda fwaɗ dərmək (3.400), nda kfura tsedi ka kiluʼ dəmbuʼ hkən mbsak fwaɗ mida (34.000), nda ghuva tili, nda kfur, kul laviŋtá lu ta grafta, dagala katakata. Payaf paya yu guli ta udzuha, nda palaha, ka sganaghata ka guli.

1Rus 26:25

Zwana ma ni ta sabi nda ma zivira la Ilighezer na: Tsaya i zwaŋa ni Rəhavya, nda zwaŋa ni Yəsaghyahu, nda zwaŋa ni Yuram, nda zwaŋa ni Zihri, nda zwaŋa ni Səlumit.

1Rus 26:27

Mataba skwiha zləɗagagha həŋ ma vuluha, pghaghuta mnduha ta pama skwi ŋa paya həga Yawe.

1Rus 28:21

Ngha, wya bakuha gwal dra skwi ŋa Lazglafta, nda ŋa la Levi guli, ŋa maga inda slna həga Lazglafta. Ta vata kagha, mamu gwal ta fatá ghəŋa taŋ nda ɗifil ma ghəŋa taŋ ŋa maga inda slna, maliha nda inda mnduha, nda fa ghəŋa taŋ ŋa snatá inda zlahuha gha, » kaʼa.

1Rus 9:14

Mataba la Levi na: Mamu Səmaghya zwaŋa Hasuv, zwaŋa Ghazrikam, zwaŋa Hasavya, ta nzakway ka zivira Mərari,

2Rus 23:8

Ka magatá la Levi nda inda la Yuda manda ya mnanaf Yəhuyada, mnda dra skwi ŋa Lazglafta ta həŋ. Dər wati ma həŋ ta lagha nda mnduha taŋ, gwal dzaʼa sliʼafta ma slna baɗ fitika Sabat, nda gwal dzaʼa zlraftá slna baɗ tsa fitik ya, kabga zlana a Yəhuyada ta dər wati baku ŋa vraghuta dzagha ni wa.

2Rus 31:2

Ka vrəglanaftá mgham Hizkiya ta bakuha gwal dra skwi ŋa Lazglafta nda la Levi, taɓta bakwa taŋ ta bakwa taŋ, dər wa ma gwal dra skwi ŋa Lazglafta nda la Levi ma slna ni: Pla ghəŋ ŋa dray tsuh tsuh, nda pla ghəŋa zɗaku, slna pgha mndu, nda fa laha, nda zləzləvu ta wa tghaha daɓiha həga Yawe.

Izra 2:42

Gwal ta ngha wa tgha na: Mataba la Salum, nda la Ater, nda la Talmuŋ, nda la Ghakuv, nda la Hatita, nda la Subay ná, dərmək nda hkən mbsak təmbay mida zgwana.

Nəhemiya 12:45

kabga maga maga həŋ ta slna Lazglafta taŋ, nda slna ghuɓiŋtá nzaku, manda ya mnaf zlaha Dawuda, nda zwaŋa ni Salumuŋ. Gwal fa laha, nda gwal ta ngha wa tghaha guli ná, maga maga hahəŋ manda va tsaya ta ŋa taŋ slna guli.