18 Zwaŋa Yitshar na: Tsaya Səlumit, zumali ya.
Zwaŋa Ilighezer na: Tsaya Rəhavya. Mutsaf a Ilighezer ta sana zwaŋ wu, ama nda ndəgha zwana Rəhavya.
Zwana Hevruŋ na: Yəriya taŋtaŋ, Amarya mahis, Yahaziʼel mahkən, Yəkamgham mafwaɗ.
Ma la Yitshar, Səlumut. Ma la Səlumut, Yahat.
Tsa Səlumit ya nda zwana ma ni ta ngha inda dzuguviha ɗifa skwa gadghəl pghaghu i mgham Dawuda, nda mala ga həgaha, nda maliha ta ghəŋa dəmbuʼ dəmbuʼ, nda maliha ta ghəŋa dərmək dərmək, nda maliha gwal vulu, ŋa Lazglafta.
Zwana Kehat na: I Ghamram, nda Yitshar, nda Hevruŋ, nda Ghuziʼel. Gwagwata ima Kehat nda hafu ná, dərmək nda hkən mbsak hkən mida həŋ.
