1Rus 22:19 - Hdi

¹⁹ Pghawa pgha ndanana tama ta ŋuɗufa ghuni, nda hafa ghuni ka zba Yawe, Lazglafta ghuni. Sliʼafwa sliʼa ka ba kuni ta vli ta ghuɓuta ŋa Yawe, Lazglafta, kada hlagaghata kuni ta akwata dzratá wa Yawe, nda huzlaha nda fa ka ŋa Lazglafta da tsa həga dzaʼa bafta lu ŋa vlaŋtá sgit ta hga Yawe ya, » kaʼa.

1Rus 22:19 ပူးပေါင်းရင်းမြစ်များ

1Mgh 5:3

nda slaha ghwaŋ nda nuʼa nda nuʼa, nda slata ghwa hisambsak, nda rina fisik dərmək (100), sganaghaha ta ghadigirha, nda madvaha, nda gidzalaha, nda skwiha nda zlghəŋ nda uwasla nda uwasla.

1Mgh 8:21

Ka payanatá yu ta vli mida ŋa akwata dzratá wa Yawe, tsa dzratá wi ya dzraf tsi nda dzidzíha mu manda hlagap ni ta həŋ ma haɗika Masar ya, » kaʼa.

1Mgh 8:6

Ka kladaghatá gwal dra skwi ŋa Lazglafta ta akwata dzratá wa Yawe da vla ni, da tsa huɗi nda ma huɗa həga Lazglafta ya, da vli ta ghuɓuta, dista zlambakha kerubaha.

1Rus 16:10

Ghərɓawa ta ghərɓaku ma hga ni nda ghuɓa, rfu da kaghuni, kaghuni gwal ta zba Yawe.

1Rus 16:11

Zbawa zba ta Yawe, nda mbrakwa ni tani, gɗawa gɗa ta zba həga kuma inda fitik!

1Rus 22:16

Mamu ka nda dasu, nda tsedi, nda ghuva tili nda ya nda kfur ya, kul laviŋtá lu ta mbəɗafta. Sliʼaf sliʼa, ka maga ka ta slna, ka nza Yawe kawadaga nda kagha! » kaʼa.

1Rus 22:7

kaʼa nda tsi mantsa: « Zwaŋa ɗa, si ɗvu ɗva yu ma ŋuɗufa ɗa ta baftá həga ŋa vlaŋtá sgit ta hga Yawe, Lazglafta ɗa,

1Rus 28:9

Kagha zwaŋa ɗa Salumuŋ, snaŋ sna ta Lazglafta da gha, ka maganata ka ta slna nda hya hya ŋuɗufa gha, ka ɗvuta ka nda hafa gha, kabga da hya ŋuɗuf ta nghadamta Yawe, ka gala inda ndanu. Ka ta zbay ka, dzaʼa fagha fa ta vgha, ama ka zlanava zla ka, dzaʼa wuɗighis wuɗa ŋa ɗekɗek.

2Rus 20:3

Ka ksutá zləŋ ta Yəhusafat, ka zbə tsi ta ɗawaŋtá ndana Yawe. « Sumawa suma ta suma, » kaʼa nda inda kwakwara la Yuda.

2Rus 5:7

Ka kladaghatá gwal dra skwi ŋa Lazglafta ta akwata dzratá wa Yawe da vla ni, da tsa huɗi nda ma huɗa həga Lazglafta ya, da vli ta ghuɓuta, dista zlambakha kerubaha.

2Rus 6:11

Ka famtá yu ta akwata dzratá wa Yawe ma tsa həga ya, mida vindatá gwaɗa dzratá wi ya dzraf Yawe nda la Israʼila, » kaʼa.

Sabi 25:8

Ka magaɗifta la Israʼila ta vli nda ghuɓa ŋa nzata ɗa mataba taŋ.

Danyel 9:3

Ka zlraftá yu ta suma, ka favatá buhu ka buhwavatá hutiɗif, ka mbəɗavatá yu təv Mgham Lazglafta ka maga duʼa da tsi nda taw nda taw.

Slna gwal ghunay 11:23

Manda ɓhadaghata ni, ka nghaŋtá tsi ta zɗakatahuɗa Lazglafta, ka rfu tsi ta rfu. Ka vlaŋtá tsi ta mbraku ta həŋ ŋa gɗavata taŋ nda fatá ŋuɗufa taŋ ta Mgham Yesu.

Slna gwal ghunay 22:16

Ndanana, haɗ sana skwi ŋa kzləgəlta gha wa. Sliʼaf sliʼa, sawi ka magaghafta lu ta batem, ka ghuɓata dmakwa gha nda ma hgaŋta gha ta Mgham Yesu,” » kaʼa.

Vrafta ta zlahu 4:29

Ama daga hada, dzaʼa psay kuni ta Yawe, Lazglafta ghuni, dzaʼa slaf sla kuni tida ka psaŋ psa kuni nda ma hya hya ŋuɗufa ghuni, nda ya nda inda nzakwa ghuni.