1Rus 22:16 - Hdi

¹⁶ Mamu ka nda dasu, nda tsedi, nda ghuva tili nda ya nda kfur ya, kul laviŋtá lu ta mbəɗafta. Sliʼaf sliʼa, ka maga ka ta slna, ka nza Yawe kawadaga nda kagha! » kaʼa.

1Rus 22:16 ပူးပေါင်းရင်းမြစ်များ

1Mgh 2:2

« Nda sliʼa yu manda ya ta sliʼi dər wa ta ghəŋa haɗik, ka ŋavata ka, ka nzata ka ka zgun zgun!

1Mgh 7:47

Ka pghatá Salumuŋ ta inda tsa huzlaha ya ma vla taŋ, fərtu fərta, laviŋ a lu ta graftá ndəgakwa tsa ghuva tili kəl lu ka magaftá həŋ ya wa.

1Rus 22:11

Ndana tama, ka nza Yawe kawadaga nda kagha zwaŋa ɗa, kada katsafta ka ta baftá həga Yawe, Lazglafta gha, manda ya mnaŋ tsi ta ghəŋa kagha!

1Rus 22:14

Wya dzadza yu ta vgha, ka payaftá yu ŋa həga Yawe, ta dasu ka kiluʼ dəmbuʼ hkən nda fwaɗ dərmək (3.400), nda kfura tsedi ka kiluʼ dəmbuʼ hkən mbsak fwaɗ mida (34.000), nda ghuva tili, nda kfur, kul laviŋtá lu ta grafta, dagala katakata. Payaf paya yu guli ta udzuha, nda palaha, ka sganaghata ka guli.

1Rus 22:15

Nda ndəgha gwal ta magaghatá slna, nda gwal pasla pala, nda gwal fifiɗa pala nda udzuha, inda masəmha ma inda slnaha.

1Rus 22:3

Ka papayaftá Dawuda ta kfurha nda ndəgha ŋa kusaha ŋa baŋbaŋa tgha, nda htsiŋha ni ŋa habay, nda ghuva tili kul laviŋtá lu ta mbəɗafta,

1Rus 28:10

Ngha ndanana ɓa, zbap zba Yawe ta kagha ŋa banaftá həga ka vla ni nda ghuɓa. Ŋava ŋa, ka maga ka ta slna! » kaʼa.

1Rus 29:2

Nda inda mbrakwa ɗa, papayaf papaya yu ta skwiha ŋa həga Lazglafta ɗa: Dasu, ŋa maga ya ka dasu, kfura tsedi, ŋa ya ka kfura tsedi, ghuva tili, ŋa ya ka ghuva tili, kfur, ŋa ya ka kfur, udzu, ŋa ya ka udzu, palaha uniks, nda palaha ŋa wirtsapta, nda palaha ta wuɗaku, nda ya kavghakavgha usa ni, nda inda palaha ɗina ɗina, nda kɗiŋizliŋha nda ndəgha.

2Rus 1:1

Ka dihanatá Salumuŋ zwaŋa Dawuda kahwathwata ta gá mghama ni. Ka nzatá Yawe, Lazglafta ni kawadaga nda tsi, ka kapanafta katakata.

2Rus 20:17

Kaghuni a dzaʼa vula tsa vulu ya wa. Payavata kaghuni ŋa ghuni, sladawa slada hada, dzaʼa nghay kuni ká Yawe dzaʼa katatá kaghuni. La Yuda nda la Ursalima, ma zləŋ kuni ta zləŋ, yaha kuni da ghudzafta. Mahtsim, ka sliʼagapta kuni da guyata nda həŋ, kawadaga Yawe nda kaghuni,” kaʼa, » kaʼa.

1Kwa 15:58

Mantsa tama zwana ma ɗa gwal ta ɗvu yu, dihavawa diha, ma gigɗava kuni, lawa la ta kəma ta kəma nda slna Mgham Lazglafta, ya haɗ visa ghuni dzaʼa nzata ka mbalay da Mgham Lazglafta wa.

Afisus 5:14

Ka nda ghada saba skwi ta daɓi katsi ná, gi tsuwaɗak nzakwa ni. Tsaya ta kəl lu ka mnay kazlay: « Kagha mndu ta hani, sliʼaf sliʼa ta hani. Sliʼaf sliʼa mataba gwal nda rwa, ka tsuwaɗakaghafta Kristi » kəʼa ya.

Filip 4:13

Laviŋ lava yu ta ŋaftá tsa skwiha ya nda mbrakwa Yesu *Kristi ta vlihata.

Yəhusuwa 1:2

« Mtu mta kwalva ɗa Musa. Ndana tama, sliʼaf sliʼa gha, kagha dzaʼa tsughwaɗa zala Yardeŋ kawadaga nda inda na mnduha na, ŋa lami da haɗik ya dzaʼa vlaŋta yu ta la Israʼila.

Yəhusuwa 1:5

Ma inda nzakwa gha ná, haɗ mndu dzaʼa ŋaŋta da kagha wa. Manda ya nza yu nda Musa ya, manda va tsaya dzaʼa nzata yu nda kagha guli. Haɗ yu dzaʼa walaŋta zlaghata wu, haɗ yu dzaʼa walaŋtá vzighista guli wa.

Yəhusuwa 1:9

Mnaghaf a yu kazlay na ka ŋavata ka, ka mbra ka ta vgha kəʼa kay ra? Yaha ka da ghudzaku, yaha ka da zləŋ, kabga kawadaga Yawe, Lazglafta gha nda kagha, ma inda vli ta dzaʼa ka, » kaʼa.

Yəhusuwa 7:10

Ka Yawe nda Yəhusuwa mantsa: « Sliʼaf sliʼa, kabgawu kəl ka ka nzata zlumbruha ta haɗik na?

Gwal tsa guma 4:14

Ka Debura nda Barak mantsa: « Sliʼaf sliʼa gha, kabga wana fitik kəl Yawe ka vlatá Sisəra ma dzva gha. Mantsa nzakwa ni, Yawe ta klaghatá kəma, » kaʼa. Ka saha Barak ta ghwá Tavur nda mnduha dəmbuʼ ghwaŋ (10.000) mista ni.

1Sam 17:37

Ka Dawuda sganaghata mantsa: « Yawe ta zluʼagaptá iʼi ma ɗahəŋa rveri, nda ŋa ziŋa. Tsatsi dzaʼa zluʼagaptá iʼi ma dzva na mnda la Filisti na, » kaʼa. Ka Sawulu nda Dawuda mantsa: « La! Ka nza Yawe kawadaga nda kagha, » kaʼa.

1Sam 20:13

Ala ka mamu ghwaɗaka skwi ta pay tsi ta ghəŋa kagha ya, dzaʼa tsəghaghaf tsəgha yu ta lwi ŋa hwayaghuta gha nda zɗakwa vgha gha. Ka tsaɗigha tsa Yawe ta guma katakata ka maga a yu mantsa. Ka nza nza Yawe kawadaga nda kagha, manda ya nza tsi nda da ɗa ya.