1Rus 21:12 - Hdi

¹² Vaku hkən nda maya re, ari tili hkən ta hwaya da ghuma mista gha nda kafay re, ari fitik hkən nda kafaya Yawe, nda zləmnda ta haɗik, nda duhwala Yawe ŋa zaɗa vli ma inda kwakwara la Israʼila a na?” Ndanap ndana ka nghadapta ka ta skwi dzaʼa yu zləghanaftá wi ta mndu ya ta ghuniɗikta, » kaʼa.

1Rus 21:12 ပူးပေါင်းရင်းမြစ်များ

2Sam 21:1

Ta fitika gay Dawuda ta mgham, ka slatá maya ka vaku hkən ta ghəŋ ta ghəŋ. Ka ɗawu Dawuda da Yawe. Ka Yawe nda tsi mantsa: « Nda nza dabga Sawulu, nda la ga taŋ gwal pghiŋtá us, kabga vəl pslata taŋ ta la Givghuŋ, » kaʼa.

1Mgh 17:1

Ka sana anabi ta hgə lu ka Iliya, sana mndu mataba la Tisbe ma kwakwara Gilghat nda Ahav mantsa: « Ta waɗa waɗa yu nda hga Yawe, Lazglafta la Israʼila nda hafu mida, ta maganata yu ta slna: Ma na vakuha ta kəma na ná, haɗta a wuninik wu, haɗta a imi wu, ba ta ɗawaŋta ɗa kasiʼi, » kaʼa.

2Mgh 19:35

Ta tsa rviɗik ya, ka sab duhwala Yawe pslatá la Asur dəmbuʼ dərmək nda tghas mbsak hutaf mida (185.000) ma ghuɓa taŋ. Ta sliʼavatá lu wrək sərɗək ná, mbliha yeya sinaka.

2Mgh 8:1

Ka Ilisa nda tsa marakw vranam tsi ta hafu da zwaŋa ni ya mantsa: « Sliʼaf sliʼa nda la ga ghuni ka dzaʼa ka da sana vli ya laviŋ ka ta dzaʼa. Dzaʼa klak kla Yawe ta maya, dzaʼa sla sla maya ta haɗika Israʼila ka vaku ndəfáŋ, » kaʼa.

1Rus 21:11

Ka lagha Gat da slanaghatá Dawuda, kaʼa nda tsi mantsa: « Ka Yawe na: “Wya skwiha ŋa zbaʼata gha ta ya turtuk mataba taŋ:

Sabi 12:23

Ma ranafta dzaʼa ranafta Yawe ta Masar ŋa dzuŋtá həŋ, ka nda ngha tsi ta us ta zləŋatá wa tgha, nda ya ta slərpuha ni his his katsi, dzaʼa tsughwaɗaghu tsughwaɗa Yawe, haɗ dzaʼa zlanatá tsa mnda zaɗanatá mndu ya ŋa lama ni da həga ghuni ŋa dzughunusta wa.

La Levi 26:10

Dzaʼa zay kuni ta vava zimi, ha ŋa tigiŋta ghuni ka pgha lfiɗa ni.

La Levi 26:17

Dzaʼa lighunis la yu, ŋa zata ghumaha ghuni ta kaghuni. Dzaʼa nzaghunagha nza gwal ta husaŋta kuni ta həŋ. Dzaʼa kakafaku kuni ka hwaya dər haɗ mndu ta ghəzla kaghuni.

Lukwa 4:25

Kahwathwata ka yu ta mnaghunata, ma fitika nzakwa anabi Iliya, si nda ndəgha wadguha ma Israʼila, ka ghwalutá luwa ka vaku hkən nda tili mkuʼ, ka slatá maya dagala ta haɗika Yahuda,

Slna gwal ghunay 12:23

Gi hada hada, ka dzuŋtá duhwala Lazglafta ta Hiridus, kabga kwala ni kul vlaŋtá glaku ta Lazglafta. Ka dəghaɗutá mtarak, ka mtutá tsi.

Vrafta ta zlahu 28:15

Ama ka kwalaghu kwala kuni ta snatá gwaɗa Yawe, Lazglafta ghuni, ŋanata a kuni ka maga slna nda inda tsa gwaɗaha ni nda zlahuha ta vlaghunata yu gita na wu katsi, wya inda ksiʼiha dzaʼa slaghunaghata:

Vrafta ta zlahu 28:22

Dzaʼa ghunadagha ghuna Yawe ta ɗaŋwa shaku, nda ŋuɗidar, nda həslaku, nda kuliŋ, nda ghwalaku, nda madzaɓdzaɓ, nda maghweftegeɗ. Inda tsa skwiha ya dzaʼa zbighunista ha ka zaɗatá kaghuni.

Vrafta ta zlahu 28:25

Dzaʼa vlaŋ vla Yawe ta tvi ta ghumaha ghuni ŋa zata ghwa ta ghəŋa kaghuni. Nda ta təv turtuk dzaʼa lagha kuni gəmata nda həŋ, ama nda ta təvha ndəfáŋ dzaʼa hwayafta kuni ta kəma taŋ. Dzaʼa mbiɗ nda mbiɗa inda ga mghamha nghaŋər həŋ ta skwi ta slaghunaghata.

Vrafta ta zlahu 28:27

Dzaʼa ghunadagha ghuna Yawe ta mbuʼa mndərga ŋa la Masar, nda basər, nda hwasigwa, nda mahdzehdza dzaʼa kwal kul mbavata.

Vrafta ta zlahu 28:35

Dzaʼa dzughunus dza Yawe ta karam nda ya ta rkuf nda ghwaɗaka mbuʼa, daga ma huɗa səla ha da bɗəm, ŋa kwala ghuni mbafta.