1Rus 17:21 - Hdi

²¹ Mamu sana mndəra mndu dər turtuk ta ghəŋa haɗik manda mnduha gha la Israʼila ra? Ar Lazglafta, sasa ka da varatá həŋ ŋa nzakwa taŋ ka mnduha gha, ŋa tsaftá hga gha, nda ma magata gha ta skwiha ka makwitkwit nda mandərmimiha. Ka ghazliŋtá ka ta kəma mnduha gha varagap ka ma haɗika Masar ta mndəra sanlaha ma mnduha.

1Rus 17:21 ပူးပေါင်းရင်းမြစ်များ

1Rus 17:20

Yawe, haɗ mndu taɓta kagha wa! Kahwathwata haɗ sana Lazglafta ta ghəŋa kagha, manda ya ta gɗata ŋni ta snaŋta wa!

1Rus 17:22

Fa fa ka ta mnduha gha la Israʼila ŋa nzakwa taŋ ka mnduha gha ŋa ɗekɗek, ta nzatá kagha Yawe guli ka Lazglafta taŋ.

Nəhemiya 9:10

Ka maganatá ka ta mandərmimiha nda mazəmzəmha ta Firʼawna nda inda kwalvaha ni, nda inda mndu ta haɗika ni, kabga nda sna kagha ta mndərga gla ghəŋ glə həŋ ta dzidzíha ŋni. Ndaɗaʼa tutá hga gha manda va ya ta nzakway gitana wu.

Sabi 6:6

Tsaya tama ná, kla ta lwa ɗa ŋa la Israʼila kazlay na, “Iʼi ná, Yawe yu. Dzaʼa hlagaghunap hla yu ma slna mbraku ma Masar. Dzaʼa zluʼagaghunap zluʼa yu ma ga vuʼa ta gə həŋ ŋa ghuni. Nda tɗatá dzva ɗa ta mbruta, nda ya nda glakwa slna guma ɗa dzaʼa varagaghunapta yu.

Vrafta ta zlahu 15:15

Havakwa hava ta si nzakwa ghuni ka vuʼa ta haɗika Masar, ka varagaptá Yawe, Lazglafta ghuni ya. Tsaya ta kəl yu ka vlaghunata na gwaɗaha mnaghunaf yu gita na.

Vrafta ta zlahu 4:7

Wati ma mndəra mndu dagala ya ta ndusanavata lazglafta taŋ ta həŋ manda ŋa Yawe, Lazglafta mu inda fitika hgaŋta mu na?

Titus 2:14

ta vlatá ghəŋa ni ka mtuta ma vla mu ŋa varagamapta ma dmakwa mu, ŋa nzakwa mu ka gwal nda ghuɓa ta kəma ni, kada nuta mu ka mnduha ni ta mama maga ŋərma slnaha inda fitik.

Yəhusuwa 10:42

Turtuktuk guyata Yəhusuwa nda vulu nda tsa mghamha ya, nda haɗikha taŋ tani. Ka zaktá tsi ta həŋ, kabga Yawe, Lazglafta la Israʼila ta vulanatá vulu ta mnduha ni.