1Rus 17:16 - Hdi

¹⁶ Ka lagha mgham Dawuda nzata ta kəma Yawe, kaʼa mantsa: « Wa iʼi ni Yawe, Lazglafta ɗa, wa la ga ini ha ŋa ɓhagaɗighata gha da na vli mida yu na na?

1Rus 17:16 ပူးပေါင်းရင်းမြစ်များ

Zlrafta 32:10

Ka mag Yakubu ta duʼa, kaʼa mantsa: « Lazglafta da ɗa Abraham, Lazglafta da ɗa Izak! Kagha Yawe ta mnihata kazlay: “Vra ta haɗika gha, da taba mndəra ghuni, dzaʼa maga gha maga yu ta zɗaku” kəʼa,

2Sam 7:18

Ka lagha mgham Dawuda nzata ta kəma Yawe, kaʼa mantsa: « Wa iʼi ni mghama ɗa Yawe, wa la ga ini ha ŋa ɓhagaɗighata gha da na vli mida yu na na?

2Mgh 19:14

Ka zlghaftá Hizkiya ta ɗelewer da tsa gwal ghunaya mghama la Asur ya, ka dzaŋafta. Ka ŋladaftá tsi da həga Yawe. Ka planaptá Hizkiya ta tsa ɗelewer ya ta kəma Yawe.

1Rus 17:15

Mantsa ya ka Nataŋ mnanatá inda tsa gwaɗaha ya, nda inda tsa skwiha manda skwi ma suni ya ta Dawuda.

1Rus 17:17

Tsaw ta nda hta na maga ka na ta wa ira gha rki ní, Lazglafta ɗa, ta wana ka ta mna gwaɗa ta la ga kwalva gha, ya kəʼa dzaʼa nzakway dazlay. Ta nghə ka mndu dagala ka ta iʼi a Yawe, Lazglafta!

1Rus 29:14

Wa iʼi, wa mnduha ɗa, ŋa mutsafta ŋni ta mbrakwa magatá mbəhu nda ɗvay gərndana na? Da kagha sagha tsi demdem, ma dzva gha guli sagha skwi ta vlata ŋni.

2Rus 1:8

Ka Salumuŋ nda Lazglafta mantsa: « Magana maga ka ta zɗaku dagala ta da ɗa Dawuda, ka famtá ka ta iʼi ka mgham ma vla ni.

Slna gwal ghunay 26:22

Ama ka katagaɗiptá Lazglafta. Ha gita, tata kɗaŋ kɗa yu ta nzaku ka masləmtsəka ni ta kəma inda mnduha, nda zwaŋ tani, nda glata mndu tani. Haɗ skwi dzaʼa mnəglata iʼi ka malaghuta ya mnə la anabi, nda i Musa ta ghəŋa skwi dzaʼa magaku, mna həŋ kazlay:

2Kwa 1:10

Tsatsi ta klaptá aŋni ma mndərga tsa ghwaɗaka mtaku ya. Tsatsi dzaʼa klaŋnapta mida guli. Ta tsatsi fatá ghəŋa ŋni ŋa klaptá aŋni dazlay guli.

Afisus 3:8

Mal iʼi htata ni mataba mnduha Lazglafta mndani, kulam nda va tsa, ka zɗaŋtá tsi ta huɗi ka vlihatá tsa slna mnanaŋtá gwal kul nzakway ka la Yahuda ya, ta tsa zɗaku ta mutsu lu da Kristi ya. Tsa zɗaku ya ná, dagala katakata, laviŋ a mnduha ta kɗanaktá snaŋta wa.

Gwal tsa guma 6:15

Ka Gidghuŋ nda tsi mantsa: « Kdəkkdək, rvera ɗa, kinawu ka yu dzaʼa katagaptá la Israʼila na? Gwal nda hta la ini ta uʼa taŋ mataba mndəra la Mənase, zwaŋ gudzekw iʼi guli, mataba gwal ma həga ga da ɗa! » kaʼa.

1Sam 7:12

Ka klaftá Samuyel ta pala ka dzugwata ma takataka Mitspa nda Seŋ, ka hgə tsi ka Iveŋghazer, kaʼa mantsa: « Ha da hadna katamata Yawe, » kaʼa.

1Sam 9:21

Ka Sawulu mantsa: « Iʼi ná, mnda la Biŋyamiŋ yu, mndəra mndu kwitikw mataba mndəra la Israʼila. Aŋni ta uʼa ŋni a mala htaku mataba gwal ma mndəra la Biŋyamiŋ wu ra? Kabgawu ta kəl ka ka mana na gwaɗaha na ŋa ɗa katək na? » kaʼa.