1Rus 15:3 - Hdi

³ Ka tskanatá Dawuda ta la Israʼila demdem ma Ursalima ŋa kladaftá akwata Yawe da tsa vli payanaf tsi ya.

1Rus 15:3 ပူးပေါင်းရင်းမြစ်များ

2Sam 6:12

Ka lagha lu mnanatá mgham Dawuda kazlay: « Waʼa tfanagha tfa Yawe ta wi ta Ghuvetʼidum nda inda skwa ni tani, dabga akwata Lazglafta kəʼa, » ka lu. Ka sliʼaftá Dawuda ka laha klagafta ma rfu da luwa Dawuda ta akwata Lazglafta ga Ghuvetʼidum.

2Sam 6:17

Ka ɓhadanaghatá lu ta akwata Yawe, ka fatá lu ma vla ni ma huɗa tumpul ya si dzugwa Dawuda ŋa tsa akwati ya. Ka vlatá Dawuda ta skwa pla ghəŋha ŋa dray tsuh tsuh, nda skwa pla ghəŋha zɗaku ta kəma Yawe.

1Mgh 8:1

Tahula tsa, ka tskanatá mgham Salumuŋ ma Ursalima, ta galata mnduha la Israʼila, nda inda maliha ma mndəra mnduha, nda la zəʼala həgaha ma Israʼila ta vata ni, ŋa klaftá akwata dzratá wa Yawe daga ma luwa Dawuda, ta nzakway ka Tsiyuŋ.

1Rus 13:2

Tahula tsa, ka Dawuda nda inda guyatá ghəŋa la Israʼila mantsa: « Ka zɗəgaghuna zɗa tsi, ka sagha da Yawe, Lazglafta mu tsi katsi, tsaghanaf ma tsagha ta lwi ta inda zwanama mu ta nzakw ma inda haɗika la Israʼila, nda gwal dra skwi ŋa Lazglafta, nda la Levi ma luwaha ta nzakw həŋ, ŋa sagha gwaftá vgha nda amu.

1Rus 13:5

Ka tskanatá Dawuda ta la Israʼila demdem, daga ta wa Sihur ma Masar nda ga maghura ha da Levuʼhamat nda ga mazlay, ŋa vraganaghatá akwata Lazglafta ma Kiriyatʼyegharim.

1Rus 15:1

Ka babaftá Dawuda ta həgaha ni ma luwa Dawuda, ka payaftá tsi ta vli ŋa akwata Lazglafta, ka dzugwanatá tsi ta tumpul.

1Rus 15:12

Kaʼa nda həŋ mantsa: « Kaghuni mala ga həgaha mataba la Levi. Tsaɗiŋwa tsaɗa ta nzakwa ghuni, kaghuni nda zwana ma ghuni, ka kladafta kuni ta akwata Yawe, Lazglafta la Israʼila, da vli payaf yu.

1Rus 16:1

Tahula ɓhadanaghatá tsa akwata Lazglafta ya, ka kladamtá lu fata ma huɗa tsa tumpul dzugwa Dawuda ya, ka valatá lu ta kəma Lazglafta ta skwiha pla ghəŋ ŋa dray tsuh tsuh, nda skwiha pla ghəŋa zɗaku.

2Rus 1:2

Ka gwaɗganatá Salumuŋ ta inda la Israʼila, katkata ni, maliha ta ghəŋa bakwa gwal vulu dəmbuʼ dəmbuʼ (1.000), nda maliha ta ghəŋa bakwa gwal vulu dərmək dərmək (100), nda gwal tsa guma, nda gwal dagaladagala ma inda la Israʼila ta nzakway ka la zəʼala həgaha.

2Rus 1:4

Ama ghada ghada Dawuda ta klaftá akwata Lazglafta ma Kiriyatʼyegharim, ka kladafta da Ursalima da tsa vli payanaf tsi ya, kabga dzugwana dzugwa ta tumpul hada.

2Rus 5:2

Ka tskanatá Salumuŋ ma Ursalima ta galata mnduha la Israʼila, nda inda maliha ma mndəra mnduha, nda la zəʼala həgaha ma Israʼila, ŋa klaftá akwata dzratá wa Yawe daga ma luwa Dawuda, ta nzakway ka Tsiyuŋ.

Sabi 40:20

Ka hlaftá tsi ta klamha dzratá wi ya ka pghamta ma tsa akwati ya. Ka zlaŋamtá tsi ta sandlaŋha tsa akwata ya, ka fuŋtá tsi ta paɗuwa vla pla dmaku ta wa tsa akwati ya.

La Levi 9:5

Ka hladaghatá həŋ ta tsa skwiha mnaf Musa ya ta wa tumpula guyaku, ka sliʼadaghata guyatá ghəŋa la Israʼila demdem, ka sladata ta kəma Yawe.