1Rus 13:3 - Hdi

³ Tahula tsa, ŋa vraganaghata mu da amu ta akwata Lazglafta mu, kabga kulaf a mu ta fitika gá mghama Sawulu wu, » kaʼa.

1Rus 13:3 ပူးပေါင်းရင်းမြစ်များ

1Rus 13:2

Tahula tsa, ka Dawuda nda inda guyatá ghəŋa la Israʼila mantsa: « Ka zɗəgaghuna zɗa tsi, ka sagha da Yawe, Lazglafta mu tsi katsi, tsaghanaf ma tsagha ta lwi ta inda zwanama mu ta nzakw ma inda haɗika la Israʼila, nda gwal dra skwi ŋa Lazglafta, nda la Levi ma luwaha ta nzakw həŋ, ŋa sagha gwaftá vgha nda amu.

1Rus 13:4

Ka tsuʼaftá inda guyatá ghəŋ ta magata mantsa ya, kabga zɗəgana zɗa tsa gwaɗa ya ta inda mndu.

1Rus 15:13

Nziya nza tsi, gufaf gufa ŋuɗufa Yawe, Lazglafta mu ta ghəŋa aŋni ma taŋtaŋa səla, kabga kwala ghuni kul haɗ hada, zbaŋ a ŋni nda tva ni wu, » kaʼa.

1Sam 14:18

Ka Sawulu nda Ahiya, mnda dra skwi ŋa Lazglafta mantsa: « Gavaganagha gava ta akwata Lazglafta, » kaʼa. Tsaw ma tsa fitik ya ná, mataba la Israʼila akwata Lazglafta.

1Sam 14:36

Ka Sawulu mantsa: « Lama la nda na rviɗik na lanistá la Filisti! Ka pəslata mu ta həŋ, ka zləɗata mu ta həŋ ha tsaɗatá vli. Haɗ lu dzaʼa zlanatá mndu dər turtuk nda hafu wu, » kaʼa. Ka həŋ mantsa: « Maga ta skwi ya ta zɗəgaghata, » ka həŋ. Ama ka mnda dra skwi ŋa Lazglafta mantsa: « Ɗawaŋma ɗawa karaku da Lazglafta, » kaʼa.

1Sam 22:10

Ka ndəɓu Ahimelek ta dzvu da Yawe ta ghəŋa Dawuda, vlaŋha guli ta skwa zay, nda kafaya Guliyat mnda la Filisti, » kaʼa.

1Sam 22:15

Baɗ tsaya zlrafta yu ta ɗawa Lazglafta ta ghəŋa ni ra? Diʼiŋ tsaya nda iʼi, ma uwalaŋ mgham ta aŋni, dər iʼi, dər mndu ma həga ga ini. Va ni ná, sna a kwalva gha ɗekɗek ta inda na skwiha na wu, » kaʼa.

1Sam 23:2

Ka ɗawaŋtá Dawuda da Yawe, kaʼa mantsa: « Ka laba yu da guyata nda tsa la Filisti ya ra? » kaʼa. Ka Yawe nda Dawuda mantsa: « La, dzaʼa zak za ka ta tsa la Filisti ya, dzaʼa kataf kata ka ta la Kəghila, » kaʼa.