1Rus 12:18 - Hdi

¹⁸ Ka sab Dawuda da guya həŋ, kaʼa nda həŋ mantsa: « Ka ŋa zɗaku sagha kuni da iʼi ŋa katihata katsi, dzaʼa guyaku ndana mu, ama ka ŋa nanaftá iʼi ŋa ghumaha ɗa tsi, ya wya haɗ ghwaɗaka skwi maga yu wu, dzaʼa nghay Lazglafta dzidzíha mu, dzaʼa tsaghunagha tsa ta guma! » kaʼa.

1Rus 12:18 ပူးပေါင်းရင်းမြစ်များ

2Sam 15:21

Ka Itay nda mgham mantsa: « Ta waɗa waɗa yu nda hga Yawe nda hafu mida, nda ya nda hafa rveri, mghama ɗa, ma vli hada mgham, rvera ɗa, dər ŋa mtutá tsi, dər ŋa nzata nda hafu a tsi ya, hada guli dzaʼa nzata kwalva gha! » kaʼa.

2Sam 17:25

Ka faftá Avsalum ta Ghamasa ka ghəŋ ta ghəŋa gwal vulu ma vla Yuʼav. Ghamasa ná, zwaŋa sana mndu ta hgə lu ka Yitra ya, mnda la Israʼila si ta klaftá Abigayel, makwa Nahas, makuma ni ma Tseruya, ma ni ma Yuʼav ya.

2Sam 19:13

Zwana ma ɗa kaghuni, sluʼuvgha ɗa kuni usa ɗa kuni. Kabgawu dzaʼa kəl kaghuni ka nzakway ka kɗavakta ni ŋa vradanamta mgham na?” ka kuni dzaʼazlay nda həŋ.

2Sam 5:2

Ghalya, ma fitika nzakwa Sawulu ka mghama ŋni ná, kagha si ta kla kəma ŋa la Israʼila ma vulu, kagha ta vranaktá həŋ. Ka Yawe mnaghata na: “Kagha dzaʼa nghapta ka mnduha ɗa la Israʼila, kagha dzaʼa nzakway ka mala taŋ,” kaʼa » ka həŋ.

1Mgh 9:22

Ama hlaf a Salumuŋ ta dər wati ma la Israʼila ka vuʼa wa. Ka pghatá tsi ta həŋ ka gwal vulu, nda kwalvaha ni, nda maliha, nda maliha ta ghəŋa mwata plisha, nda gwal ŋla plis tani.

2Mgh 10:15

Ka sliʼaftá tsi hada, ka guyatá tsi nda Yunadav, zwaŋa Rehav ta sagha da guyay. Ka ganaghatá tsi ta zgu, kaʼa ɗawaŋta da tsi mantsa: « Ta rfu ŋuɗufa gha nda iʼi manda ɗaslakwa na ŋa ɗa nda kagha na ra? » kaʼa. Ka Yunadav zlghaftá wi mantsa: « Aŋi, » kaʼa. « Ka si mantsa tsi, yaha ta dzva gha, » kaʼa. Ka vlaŋtá Yunadav ta dzvu, ka tɗadaftá Yehu ta vata ni da mwata plis ni,

2Mgh 10:5

Ka ghunaftá mali ta ghəŋa həga ga mgham, nda mali ta ghəŋa luwa, nda la galata mndu, nda gwal ta nghapta ka zivira Ahav ta mndu ŋa mnanatá Yehu kazlay: « Kwalvaha gha ŋni, dzaʼa magay ŋni ta inda skwi dzaʼa ka mnaŋnata. Haɗ sana mndu dzaʼa ŋni fafta ka mgham ta dughurukwa gá mgham wu, maga manda ya ta zɗəgaghata, » ka həŋ.

2Mgh 9:32

Ka klaŋtá Yehu ta ghəŋ təv finitir, kaʼa mantsa: « Wa ya kawadaga nda iʼi na? Wa ya? » kaʼa. Ka didiɗadaghatá mapslaha his ka hkən a tsi ta vgha nda ta finitir, ka hihɗiŋagapta.

1Rus 11:11

Wya hga mnduha Dawuda ka bikwira vulu: Yasuvgham, zwaŋa Hahmuni, mali ta ghəŋa ghuɓu ta hgə lu ka hkən ya. Ka rwanatá tsi nda gwadama ni ta mnduha hkən dərmək (300) baɗ turtuk.

1Rus 12:17

Mamu sanlaha ma la Biŋyamiŋ nda la Yuda ta lagha da Dawuda ma dzaŋ ta pyam ma vla ɗifa ni.

1Rus 2:17

Abigayel ta yatá Ghamasa, Yeter mnda la Yismaghel da ni ma Ghamasa.

Mata 12:30

« Mndu kul haɗ mista ɗa ná, ghuma ɗa tsa mndu ya. Mndu kul haɗ ta katihata nda tskanata guli ná, kwizidiŋtá ŋa tsa mndu ya ta kwizay.

Galat 6:16

Ka nza zɗakwa Lazglafta nda tawa hiɗahiɗa ni ta ghəŋa inda gwal ta snatá na skwi ta tagh yu na. Mantsa ya guli ta ghəŋa gwal ta nzakway ka vərɗa Israʼila Lazglafta.

Gwal tsa guma 13:25

Ma Mahane Daŋ, ma takataka Tsurgha nda Istaʼul, zlraftá Sulkuma Yawe ta ksa slna nda tsi.

Gwal tsa guma 3:10

Ka lagha Sulkuma Yawe ta ghəŋa ni, ka nzakw tsi ka mnda tsa guma ma Israʼila. Ka laghu tsi da vulu, ka vlatá Yawe ta Kusaŋʼritsghatayim, mghama Mesuputami ma dzva ni, ka kwaraftá tsi.

Gwal tsa guma 6:34

Ka lanaghatá Sulkuma Yawe ta ghəŋa Gidghuŋ. Ka vyatá tsi ta duli, ka hagadaghatá lu ta la Avighezer ta uʼa taŋ ŋa dzaʼa mista ni.

Rut 1:16

Ama ka Rut mantsa: « Ma sliŋwu ka ta iʼi ŋa zlavaghata, ŋa mbəɗaghata ɗa ta hul. Da vli ta dzaʼa ka, ta dzaʼa iʼi, ma vli dzaʼa hanata ka, hada dzaʼa hanata yu, la ghuni dzaʼa nzakway ka la ini, Lazglafta gha, Lazglafta ɗa.

1Sam 16:4

Ka magatá Samuyel ta skwi mnana Yawe, ka ɓhadaghatá tsi da Betʼlehem. Ka sliʼadaghatá la galata mndu ma luwa nda ghudzaku da guyay. Ka həŋ mantsa: « Fitika sagha gha suʼu? » ka həŋ.

1Sam 16:5

Kaʼa mantsa: « Aŋi! Ma zɗaku sagha yu! Sagha da pla ghəŋ yu ŋa Yawe. Ghwaɓiŋwa nzakwa ghuni, ka sagha kuni mista ɗa da vla za skwa zaya pla ghəŋ, » kaʼa. Ka ghwaɓiŋtá Samuyel ta i Yisay nda zwana ni. Ka hagadaghatá tsi guli ta həŋ da vla za skwa zaya tsa pla ghəŋ ya.

1Sam 22:7

Ka Sawulu nda tsa kwalvaha ta sladu ta vata ni ya mantsa: « Fawa fa ta sləməŋ la Biŋyamiŋ! Dzaʼa valaghuna vala Dawuda zwaŋa Yisay ta na kaghuni na demdem ta vwahha, nda inabiha ra? Dzaʼa pgha pgha ta kaghuni demdem ka maliha ta ghəŋa gwal vulu dəmbuʼ dəmbuʼ (1.000), ka nda ya dərmək dərmək (100) a tsi ra?

1Sam 24:12

Ngha ɓa da ɗa, kahwathwata, ngha ta wa sɗakwa gha ma dzva ɗa. Tsanaghu tsa yu ta wa lguta gha, ama dzagha a yu wa. Ɗina ka snaŋta gha, graf ka guli kazlay na haɗ ma ndana ɗa dər gavaghatá sidi, dər zba magaghatá ghwaɗaka skwi wu kəʼa. Haɗ dmaku gagha yu guli wa. Kagha yeya katək ta raya klaptá hafu ma iʼi.

1Sam 24:13

Yawe dzaʼa tsa guma mataba kagha nda iʼi! Tsatsi dzaʼa plaghamtá ghwaɗaka skwi ya ta mag kagha ŋa ɗa, ama iʼi, haɗ yu dzaʼa faftá dzva ɗa ta kagha wa.

1Sam 24:16

Yawe dzaʼa tsa guma ni, tsatsi dzaʼa sladata mataba u. Tsatsi dzaʼa nghadapta ka dabgawu tsi, ka mbəɗatá gwaɗa ta iʼi, ka kataptá iʼi ma dzva gha, » kaʼa.

1Sam 8:12

Dzaʼa hlay ta həŋ ŋa nzakwa taŋ ka maliha ta ghəŋa sludziha dəmbuʼ, ka maliha ta ghəŋa sludziha hutaf mbsak. Dzaʼa hlay ta həŋ ŋa hva vwahha ni, ŋa tska skwi ta vwahha ni, ka ŋa slara huzla vulu ni, nda huzla mwata plisha ni a tsi.