1Rus 11:10 - Hdi

¹⁰ Wya maliha ka bikwira vulu, gwal ta hinistá dzvu kahwathwata ta Dawuda ma gá mghama ni, nda inda la Israʼila ŋa fata ka mgham, taɓta gwaɗa Yawe ta mnata ta ghəŋa la Israʼila.

1Rus 11:10 ပူးပေါင်းရင်းမြစ်များ

2Sam 3:21

Ka Avner nda Dawuda mantsa: « Ta mblam ka hafa gha rvera ɗa! Ka la yu da tskagaghatá inda la Israʼila da rveri, mghama ɗa, ŋa dzrafta taŋ ta wi nda kagha, ŋa gay gha ta mgham ta ghəŋa taŋ ma inda vli ya ndanaŋ ka, » kaʼa. Ka zlanaŋtá Dawuda ta tvi ta Avner, ka laghu tsi ma zɗaku.

1Rus 11:3

Mantsa tama, ka sliʼadaghatá inda galata mnduha la Israʼila slanaghatá mgham Dawuda ma Hevruŋ. Hada, ka dzraftá Dawuda ta wi nda həŋ ta kəma Yawe ma Hevruŋ. Ka fatá həŋ nda ma pghanaghatá rɗi ta Dawuda ŋa nzakwa ni ka mgham ta ghəŋa la Israʼila taɓta gwaɗa Yawe ta mnata nda ma wa Samuyel.

1Rus 12:21

Manda vraghata Dawuda da Tsiklag, wya la Mənase ta gwaftá vgha nda tsi: I Ghadnah, nda Yuzavat, nda Yədighaʼel, nda Mikaʼel, nda Yuzavat, nda Ilihuʼ, nda Tsiltay, maliha ta ghəŋa sludziha dəmbuʼ dəmbuʼ ma Mənase.

1Rus 12:23

Inda fitik mnduha ta va lagha da Dawuda ŋa kataŋta, ha ka tskutá bakwa sludziha katakata, manda bakwa sludziha Lazglafta.

1Rus 12:24

Wya mbsaka gwal vulu nda hbatá vgha nda huzla vulu ta sliʼafta ma bakuha ka sliʼadaghata da Dawuda ma Hevruŋ, ŋa vlaŋtá gá mghama Sawulu, taɓta ya mnaf Yawe:

1Rus 12:38

Ma mndəra la Rubeŋ, nda ŋa la Gat, nda ŋa rita mndəra la Mənase nda ta ɓla Yardeŋ ná, mnduha dəmbuʼ dərmək nda hisambsak (120.000) həŋ, nda habatá vgha nda inda huzla vulu kavghakavgha.

1Rus 12:39

Inda tsa gwal vulu ya demdem ná, nda payatá vgha həŋ ŋa dzaftá vgha ŋa vulu. Ka lagha həŋ nda ŋuɗuf turtuk da Hevruŋ ŋa famtá Dawuda da mgham ta ghəŋa inda la Israʼila. Ka lagha inda pɗakwa la Israʼila guli nda ŋuɗuf turtuk, ŋa famtá Dawuda da mgham.

1Rus 27:1

Wya mbsaka la Israʼila ta maganatá slna ta mgham: Mala ga həgaha, maliha ta ghəŋa dəmbuʼ dəmbuʼ, nda maliha ta ghəŋa dərmək dərmək, nda maliha ma slna mgham. Slna taŋ ná, tsaya nghapta ka bakuha sludzi ta zatá tili turtuk ta maga slna ma vaku, ta mbaɗa vgha. Dər wati ma bakwa sludziha ná, sludziha dəmbuʼ hisambsak fwaɗ mida (24.000) həŋ.

1Rus 28:1

Ka tskanatá Dawuda ma Ursalima ta inda maliha la Israʼila, gwal ma mndəra mnduha, nda maliha ma dagata bakuha ta maganatá slna ta mgham, maliha ta ghəŋa bakwa gwal vulu dəmbuʼ dəmbuʼ, nda ya ta ghəŋa bakwa gwal vulu dərmək dərmək, nda maliha ta ghəŋa inda skwiha, nda bra rina mgham, nda ŋa zwana ni, nda gwal dagaladagala ta maganatá slna, nda gwal viɗviɗ, nda inda gwal ka bikwira vulu.

1Sam 16:1

Ka Yawe nda Samuyel mantsa: « Dzaʼa gɗata ta tawa Sawulu ka ra? Wuɗiŋ wuɗa vərɗa iʼi, nzəgla a ka mghama la Israʼila wa. Ndəgham ndəgha ta rɗi ma dula gha, ka dzaʼa ka. Ta ghuna kagha yu da Yisay, mnda la Betʼlehem, kabga nda ngha yu mataba zwana ni ta mgham ta kum yu, » kaʼa.