1Mgh 9:3 - Hdi

³ Ka Yawe nda tsi mantsa: « Tsuʼaf tsuʼa yu ta ndəɓa dzva gha nda tawa gha mnaɗif ka ya. Ta fa fa yu ta na həga baf ka na ŋa nzakwa hga ɗa ŋa ɗekɗek. Dzaʼa faf fa yu ŋa ɗekɗek ta ira ɗa nda ŋuɗufa ɗa tida.

1Mgh 9:3 ပူးပေါင်းရင်းမြစ်များ

1Mgh 8:29

Ka fafta ka ta ira gha nda rviɗik tani, nda fitik tani ta na həga na, ta na vli mnə kagha kazlay na: “Hada, dzaʼa nzata yu!” kəʼa ya. Sna ta duʼa kwalva gha ta magay nda təv na vli na!

2Mgh 20:5

« Vra mnanatá Hizkiya, mala mnduha ɗa kazlay: “Wya ka Yawe, Lazglafta dzidza gha Dawuda mnata: Nda sna yu ta duʼa gha, nda ngha yu ta ima tawa gha. Dzaʼa mbaghaf mba yu. Baɗima ya, ka ŋladafta ka da həga Yawe.

2Mgh 21:7

Tsa skwa wuyay Asera magaf tsi ya ná, ka kladamtá tsi da həga Yawe. Tsaw ka Yawe si mnanatá i Dawuda nda zwaŋa ni Salumuŋ na: « Ma na həga na nda ya ma Ursalima, ya zbap yu mataba inda mndəra la Israʼila, ŋa fata hga ɗa ŋa ɗekɗek kəʼa ya.

2Rus 33:7

Ka famtá tsi ta fwata skwa wuyay ya tsaf tsi ma həga Lazglafta. Tsaw ka Lazglafta si mnanatá Dawuda nda ya nda zwaŋa ni Salumuŋ na: « Ma na həga na nda ya ma Ursalima, ya zbap yu mataba inda mndəra la Israʼila, ŋa fata hga ɗa ŋa ɗekɗek ya.

2Rus 6:40

Ndanana, Lazglafta ɗa, kdəkkdək, guna guna ta iri, ka fata ka ta sləməŋ, ka sna ka ta ndəɓa dzvu ma na vli na!

Izra 6:12

Klah, ká Lazglafta ta maraŋtá ghəŋa ni ma Ursalima zaɗanatá inda mgham nda inda mndu ya dzaʼa walaŋta kwalaghuta snatá na gwaɗa ɗa na, ka zba dzaɓiŋta tsa həga Lazglafta ya. Iʼi Daryaves ta mnatá na gwaɗa na. Ka maga inda mndu manda va ya mna yu, » kaʼa.

Sabi 20:11

Ma fitik mkuʼ magafta Yawe ta luwa, nda haɗik, nda imi, nda inda skwi ma həŋ, ka mbiʼaptá tsi ta vgha ni baɗ mandəfáŋ. Tsaya kəl Yawe ka tfanaghatá wi ta Sabat, ka fatá tsi ka ŋa ni.

Sabi 29:44

Dzaʼa fa fa yu ta tumpula guyaku, nda gwir ŋa ɗa. Dzaʼa fa fa yu ta i Haruna nda zwana ni, ŋa magay taŋ ta slna dra skwi ŋa ɗa.

Danyel 9:23

Na tsa fitika zlrafta gha ta taw da Lazglafta ya ná, ka sab gwaɗa da tsi, tsaya kəl yu ka sagha da snaghamta, kabga mamu sgita gha ta wa ira Lazglafta. Guna guna ta sləməŋ wuzlaŋ, ka sna ka ta tsa gwaɗa ta ghəŋa tsa skwi nghaŋ ka manda skwi ma suni ya.

Mata 6:9

Wya ka kuni da maga duʼa tama: « Da ŋni ta nzakway ta luwa, ka snava sna hga gha nda ghuɓa.

Yuhwana 11:42

Nda sna yu kazlay: Ta gɗa gɗa ka ta zlghiɗiftawa ɗa kəʼa. Nziya nza tsi ná, ŋa na mnduha ta wiɗifta na ta mna yu, kada zlghafta həŋ, » kaʼa.

Slna gwal ghunay 10:31

Kaʼa nda iʼi mantsa: « Kwarney, sna sna Lazglafta ta duʼa gha, havap hava guli ka mbaha mnduha ta mbah ka.

Vrafta ta zlahu 11:12

Tsa haɗik ya ná, Yawe, Lazglafta ghuni ta nghay. Nda fa ira Yawe, Lazglafta ghuni kelkelkel tida daga zlrakwa vaku ha kɗavakta vaku.

Vrafta ta zlahu 12:11

Tahula tsa, dzaʼa zbapta Yawe, Lazglafta ghuni ta vli ŋa nzakwa hga ni, hada dzaʼa hladaghata kuni ta inda skwiha ya mnaghunaf yu: Tsaya skwi ŋa pla ghəŋ ghuni ŋa dray tsuh tsuh, nda sanlaha ma pla ghəŋha ghuni, nda zaka ghuni, nda mbəhuha ghuni ta klapta kuni, nda mbəhuha ta zbapta kuni ŋa vlaŋta Yawe ŋa hɗamtá skwi waɗana kuni.

Vrafta ta zlahu 12:21

Ka si diʼiŋ tsa vli zbap Yawe, Lazglafta ghuni ŋa fatá hga ni ya nda kaghuni katsi, dzaʼa laviŋ lava kuni ta ghwanaftá sla ghuni ka rina fisika ghuni a tsi ya vlaghuna Yawe, ka magata ghuni manda ya mnaghunaf yu, ka zay ghuni ma luwaha ghuni manda ya ta kum kuni.

Vrafta ta zlahu 12:5

Ama ka dzaʼa kuni da tsəlɓu ŋa ni ma vli ya dzaʼa zbafta Yawe, Lazglafta ghuni mataba inda mndəra ghuni, ŋa fata hga ni, ka nzata ni hada. Hada da dzaʼa kuni.

Vrafta ta zlahu 16:11

Ka rfa kuni ta rfu ta kəma Yawe, Lazglafta ghuni ma vli ya dzaʼa zbapta Yawe, Lazglafta ghuni ŋa nzakwa hga ni hada, kawadaga nda zwana ghuni, nda kwagha ghuni, nda kwalvaha ghuni, nda kurɗuha ghuni, nda la Levi ta nzakw ma luwaha ghuni, nda matbayha ta nzakw ma səla ghuni, nda tawakriha, nda wadguha mataba ghuni.

1 Yuhwana 5:14

Ta lagha mu ta kəma Lazglafta da ɗawa skwi manda ya ta zɗəganata ná, har ghəŋa mu, kabga ta snamasna.