1Mgh 8:6 - Hdi

⁶ Ka kladaghatá gwal dra skwi ŋa Lazglafta ta akwata dzratá wa Yawe da vla ni, da tsa huɗi nda ma huɗa həga Lazglafta ya, da vli ta ghuɓuta, dista zlambakha kerubaha.

1Mgh 8:6 ပူးပေါင်းရင်းမြစ်များ

2Sam 6:17

Ka ɓhadanaghatá lu ta akwata Yawe, ka fatá lu ma vla ni ma huɗa tumpul ya si dzugwa Dawuda ŋa tsa akwati ya. Ka vlatá Dawuda ta skwa pla ghəŋha ŋa dray tsuh tsuh, nda skwa pla ghəŋha zɗaku ta kəma Yawe.

2Sam 6:2

Ka sliʼaftá Dawuda kawadaga nda inda bakwa gwal vulu mista ni, ka laghwi da Baghaleyuda ŋa klagaftá akwata Lazglafta. Ta tsa akwati ya ta hga lu ta hga Yawe mghama gwal vulu, ta nzanaghata ta ghəŋa kerubaha ya.

1Mgh 6:16

Ka zləɓanavatá tsi nda katakwa sedra ka mitər ghwaŋ ta vata huɗa tsa huɗi nda ma mndər ta vata həga Lazglafta ya, daga ma daɓa ni dikw da pliɗi, ka baghutá tsi ta vli ma huɗa ni ka vli ta ghuɓuta.

1Mgh 6:19

Ma huɗa tsa həga Lazglafta ya, ka payaftá tsi ta huɗi ta ghuɓuta ŋa fa akwata dzratá wa Yawe.

1Mgh 6:27

Ka pghatá Salumuŋ ta tsa kerubaha ya ma tsa huɗi ta ghuɓuta ya, nda zlatatá zlambakha taŋ. Ka ksaŋtá zlambaka taŋtaŋa ni ta sana vata həga, ŋa tsa mahis ya guli ná, ndəʼets guyatá həŋ nda sana vata həga. Nda guya wa tsa sanlaha ma tsa zlambakha taŋ ya ma takataka tsa huɗi ya.

1Mgh 8:3

Ɓhadaghata inda galata mnduha la Israʼila, ka klaftá gwal dra skwi ŋa Lazglafta ta akwata dzratá wi.

1Mgh 8:4

Ka klaftá həŋ ta akwata Yawe, nda tumpula guyaku, nda inda huzla nda ghuɓa si ma tsa tumpul ya. Gwal dra skwi ŋa Lazglafta, nda la Levi ta hladafta,

1Mgh 8:7

Nda zlatatá zlambak tsa kerubaha ya ma tsa vli fa lu ta tsa akwati ya, ka bukwamtá həŋ ta tsa akwati ya nda sandlaŋha ni tani.

1Rus 22:19

Pghawa pgha ndanana tama ta ŋuɗufa ghuni, nda hafa ghuni ka zba Yawe, Lazglafta ghuni. Sliʼafwa sliʼa ka ba kuni ta vli ta ghuɓuta ŋa Yawe, Lazglafta, kada hlagaghata kuni ta akwata dzratá wa Yawe, nda huzlaha nda fa ka ŋa Lazglafta da tsa həga dzaʼa bafta lu ŋa vlaŋtá sgit ta hga Yawe ya, » kaʼa.

2Rus 5:7

Ka kladaghatá gwal dra skwi ŋa Lazglafta ta akwata dzratá wa Yawe da vla ni, da tsa huɗi nda ma huɗa həga Lazglafta ya, da vli ta ghuɓuta, dista zlambakha kerubaha.

Sabi 37:9

Zlataga nda zlatá tsa kerubaha ya ta zlambakha taŋ nda ta luwa, ka bukwanaghatá tsa paɗuwi ya nda tsa zlambakha taŋ ya, ka nzatá həŋ mbəŋ ya mbəŋ ya, ka dzadzagatá ghəŋ nda təv tsa paɗuwa vla pla dmaku ya.

1Sam 4:4

Ka ghunaftá mnduha ta gwal ghunay da Silu, ka klagaghatá həŋ ta akwata dzratá wa Yawe mghama gwal vulu ta nzamta mataba kerubaha. Hada tsa zwana Iliya his, i Hufni nda Pinhas ya kawadaga nda akwata dzratá wa Lazglafta.