1Mgh 8:34 - Hdi

³⁴ snaga sna ta luwa nda gaftək, plana pla ta dmakwa mnduha gha, la Israʼila, ka vraganaghata ka ta həŋ ta haɗik ya vlaŋ ka ta dzidzíha taŋ.

1Mgh 8:34 ပူးပေါင်းရင်းမြစ်များ

Zlrafta 13:15

Inda na haɗik ta nghə ka na, dzaʼa vlaghatá kagha yu nda zivira gha tani ŋa ɗekɗek.

1Mgh 8:30

Fa fa ta sləməŋ ka sna tawa kwalva gha, nda ŋa mnduha gha la Israʼila, ta mag həŋ ta duʼa nda təv na vli na! Daga ma vli ta nzakw ka ta nzakwa gha, daga ta luwa, tsuʼaŋnaf tsuʼa ta duʼa ŋni, plaŋnaha ka ta dmakwa ŋni!

1Mgh 8:33

Ka lagha ghuma ka zatá ghwa ta ghəŋa mnduha gha la Israʼila, kabga vəl gaghata taŋ ta dmaku katsi, ka vragagha vra həŋ tama da kagha, ka zləzləva hga gha, ka ndəɓa dzvu da kagha, ka taw da kagha ma na həga na katsi,

1Mgh 8:35

Ka lagha luwa ka ghwaluta, haɗ imi wu, kabga vəl gaghata taŋ ta dmaku, ka mag həŋ ta duʼa nda təv na vli na, ka zləzləva hga gha, ka mbəɗana mbəɗa həŋ ta hul ta dmakuha taŋ, kabga tsanaghata gha ta guma ta həŋ katsi,

Sabi 6:8

Tahula tsa, ŋa hladaghunamta ɗa da haɗik ya waɗata ŋa vlaŋtá Abraham, nda Izak, nda Yakubu. Dzaʼa vlaghuna vla yu ŋa ghuni. Iʼi ná, Yawe yu,” » kaʼa.

Danyel 9:12

Hɗam hɗa ka ta gwaɗa gha ya mnaŋna ka, nda ya ta ghəŋa maliha ŋni ta pgha aŋni. Ka ghunaŋnaktá ka ta zləmnda katakata ta ghəŋa aŋni ma Ursalima. Haɗ mndu ta kəɗ nghaŋtá mndərga zləmnda manda tsaya ma inda vli ta ghəŋa haɗik wa.

Danyel 9:19

Rvera ɗa, sna! Rvera ɗa, plaŋna pla ta dmakwa ŋni! Rvera ɗa, fa fa ta sləməŋ! Ma tɗə ka ta huɗi ka sawi kataŋtá tsa luwa ya, nda tsa mnduha gha ya tani ŋa vlaŋtá glaku ta ghəŋa gha, Lazglafta ɗa, » kaʼa.

Danyel 9:25

Wya skwi ŋa snaŋta gha, ŋa famta gha ma sləməŋ tama: Daga ma saba tsa gwaɗa ta ghəŋa hlagaptá gwal si hlagha lu ya, nda gwaɗa ta bəglaftá luwa Ursalima ya, ha ka sagha fitika zlagapta sana mgham pghanagha lu ta rɗi, dzaʼa nzəɗava nzəɗa lu ka luma ndəfáŋ, nda luma mkuʼ mbsak his mida. Dzaʼa bəglaf ba lu ta tsa luwa ya nda matsaka huzlu ŋa katay, ama dzaʼa mamu ghuya ɗaŋwa ma tsa fitik ya.

Vrafta ta zlahu 30:1

« Ka laghunagha la inda tsa skwiha, tfa wi nda ksiʼi fa yu ta kəma ghuni katsi, ka havakta kuni ma ghəŋa ghuni mataba inda mndəra mnduha ya dzaʼa ghəzladamta Yawe, Lazglafta ghuni ta kaghuni dida ya.

Vrafta ta zlahu 30:4

Si dər má ghəzlagha ta slrəŋa luwa lu ta kaghuni, dzaʼa tskəglaghunak tska Yawe, Lazglafta ghuni, ka vraghunakta hada.

Yəhusuwa 21:43

Mantsa ya ká Yawe vlaŋtá la Israʼila ta inda tsa haɗikha waɗa tsi ta vlaŋtá dzidzíha taŋ ya. Ka hlutá həŋ demdem, ka nzatá həŋ hada.