1Mgh 2:4 - Hdi

⁴ kada hɗanamta Yawe ta gwaɗaha ya mniha tsi: “Ka ta nghap ngha zivira gha ka nzakwa taŋ, ka mbaɗa nda zɗaku ta kəma ɗa, nda hya hya ŋuɗufa taŋ, nda kɗavakta hafa taŋ, mantsa, haɗ ka dzaʼa pɗata ɗekɗek ta ŋa gha mndu ta dughurukwa ga mghama la Israʼila wa.”

1Mgh 2:4 ပူးပေါင်းရင်းမြစ်များ

Zlrafta 17:1

Təmbay mbsak təmbay mida ima Abram, ta maravatá Yawe da tsi. Kaʼa nda tsi mantsa: « Iʼi Lazglafta ta Mbruta. Nza nza ta nzaku ɗina ta kəma ɗa, ka maga ka ta skwi ta zɗəgihata.

Zlrafta 18:19

Zbap zba yu ŋa mnanaftá zwana ni, nda gwal ma həga ga taŋ ta hula tsatsi, ŋa ŋanata taŋ ta tva skwi ta mnə Yawe, ŋa magay taŋ ta skwi tɗukwa nda ya ka kahwathwata. Mantsa ya tama, dzaʼa magana maga Yawe ta skwi ya tanaf tsi ta imi ta sləməŋ ta Abraham, » kaʼa.

2Sam 7:25

Ndanana tama Yawe, Lazglafta, hɗam hɗa ŋa ɗekɗek ta gwaɗa ya mna ka ta ghəŋa kwalva gha nda ya ta ghəŋa la ga taŋ, ka maga ka manda ya mna ka.

1Mgh 1:48

Kaʼa mnata guli na: “Rfu ŋa Yawe, Lazglafta la Israʼila ta vlata gita ta mndu ŋa nzafta ta dughurukwa ga mghama ɗa, ka nghaŋtá ira ɗa,” kaʼa, » kaʼa.

1Mgh 11:36

Dzaʼa zlanaŋ zla yu ta mndəra mndu turtuk ta zwaŋa Salumuŋ, kada gɗavata pitirla kwalva ɗa Dawuda ta kəma ɗa ma Ursalima, luwa ya zbap yu ŋa nzakwa hga ɗa.

1Mgh 3:14

Ka ta mbaɗa ka ta tviha ɗa nda ma ŋanatá zlahuha ɗa, nda skwiha ta mnafta yu manda da gha Dawuda katsi, dzaʼa slranagha slra yu ta hafa gha, » kaʼa.

1Mgh 3:3

Ka ɗvutá Salumuŋ ta Yawe, ka mbaɗ tsi ta mbaɗa manda ya mnanaf da ni Dawuda. Kulam nda tsa, ta ma vliha tskal tskala ta vla tsi ta skwa pla ghəŋ, hada ta dra tsi ta urdiha.

1Mgh 6:12

« Ta ghəŋa na həga ta bə ka na ná, ka ta ksay ka ta slna nda zlahuha ɗa, ka ta snay ka ta skwiha nda ra, ta ŋana ŋa ka ta inda gwaɗaha ɗa katsi, dzaʼa hɗagham hɗa yu ta gwaɗa ɗa ya mnana yu ta da gha Dawuda.

1Mgh 8:23

« Ari Yawe, Lazglafta la Israʼila! Haɗ lazglafta ta gwagwaya vgha nda kagha wu, dər nda gaftək ta luwa, dər ndakalandala ta haɗik! Ta ŋana ŋa ka ta dzratá wa gha nda zɗakwa gha nda kwalvaha gha, gwal ta mbaɗa ta kəma gha nda hya hya ŋuɗufa taŋ!

1Mgh 8:25

Ndanana, Yawe, Lazglafta la Israʼila, hɗam hɗa ta tatá imi ya tanaf ka ta sləməŋ ta kwalva gha, da ɗa Dawuda. Ka kagha nda tsi na: “Pɗata a ka ɗekɗek ta mndu turtuk ma zivira gha ta nzaku ta kəma ɗa ta dughurukwa ga mghama la Israʼila wa. Kweŋkweŋa ni ná, ka nghapta zivira gha ka nzakwa taŋ, ka mbaɗay taŋ ta mbaɗa ta kəma ɗa manda ya mbaɗ kagha ta kəma ɗa,” ka ka.

1Mgh 9:5

dzaʼa dihana diha yu ŋa ɗekɗek ta dughurukwa gá mghama gha ta ghəŋa la Israʼila manda ya mnana yu ta da gha Dawuda, ma mnata ɗa: “Haɗ ka dzaʼa pɗata ɗekɗek ta mndu ta dughurukwa gá mghama la Israʼila wu,” kəʼa ya, » kaʼa.

2Mgh 20:3

« Ar Yawe, havap hava ka mbaɗa ya mbaɗ yu kahwathwata ta kəma gha ma hya hya ŋuɗufa ɗa, ka magatá yu ta skwi ɗina ta wa ira gha, » kaʼa. Ka hərɓ Hizkiya ta taw katakata.

2Mgh 23:25

Ma kɗaku Yusiya, haɗ sana mgham manda tsatsi ta ndiʼaftá vgha ta Yawe nda hya hya ŋuɗufa ni, nda inda hafa ni, nda inda mbrakwa ni, taɓta inda zlaha Musa wa. Tahula tsatsi, haɗ sani ta zlagapta manda tsatsi guli wa.

2Mgh 23:3

Tata sladu mgham ta vata guguɗi, ka dzraftá tsi ta wi ta kəma Yawe. Ka fatá tsi ta ghəŋa ni ŋa dzaʼa mista Yawe nda hya hya ŋuɗufa ni, nda ya nda kɗavakta hafa ni, ŋa ŋanatá zlahuha ni, nda tva skwiha ni ta raku ka magay, nda ma maga slna nda gwaɗaha tsa dzratá wi vindam lu ma tsa defteri ya. Ka pghatá inda mnduha ta ghəŋa taŋ ŋa tsa dzratá wi ya.

1Rus 28:9

Kagha zwaŋa ɗa Salumuŋ, snaŋ sna ta Lazglafta da gha, ka maganata ka ta slna nda hya hya ŋuɗufa gha, ka ɗvuta ka nda hafa gha, kabga da hya ŋuɗuf ta nghadamta Yawe, ka gala inda ndanu. Ka ta zbay ka, dzaʼa fagha fa ta vgha, ama ka zlanava zla ka, dzaʼa wuɗighis wuɗa ŋa ɗekɗek.

2Rus 17:3

Ka nzatá Yawe kawadaga nda Yəhusafat, kabga ksaf ksa ta tvi ya si ta ksə dzidza ni Dawuda taŋtaŋ. Zbaŋ a ta Baghalha wu,

2Rus 6:16

Ndanana, Yawe, Lazglafta la Israʼila, hɗam hɗa ta tatá imi ya tanaf ka ta sləməŋ ta kwalva gha, da ɗa Dawuda. Ka kagha nda tsi na: “Pɗata a ka ɗekɗek ta mndu turtuk ma zivira gha ta nzaku ta kəma ɗa ta dughurukwa ga mghama la Israʼila wa. Kweŋkweŋa ni ná, ka nghapta zivira gha ka nzakwa taŋ, ka ksay taŋ ta zlaha ɗa manda ya maga vərɗa kagha,” ka ka.

2Rus 7:18

dzaʼa dihana diha yu ŋa ɗekɗek ta dughurukwa gá mghama gha, taɓta ya dzraf ŋni nda da gha Dawuda nda mnay kazlay na: “Haɗ ka dzaʼa pɗata ɗekɗek ta mndu ŋa za həga gha ŋa gá mgham ta ghəŋa la Israʼila,” kəʼa ya.

La Levi 26:3

Ka ŋana ŋa kuni ta zlahuha ɗa, ŋana ŋa kuni ta tva skwiha ŋa magay ya mnaghunaf yu ka snata katsi,

Mata 22:37

Ka Yesu nda tsi mantsa: « “Ɗvu ɗva ta Mgham Lazglafta gha nda hya hya ŋuɗufa gha, nda inda hafa gha, nda inda ndana gha.”

Lukwa 1:6

Tɗukwa mndu həŋ his his ta wa ira Lazglafta. Ta snay həŋ ta zlaha Lazglafta nda skwa dzahayha ni, haɗ maslivinza ta ksaŋtá həŋ wa.

Vrafta ta zlahu 10:12

« Ndanana tama la Israʼila, nahgani ta kum Yawe, Lazglafta ghuni da kaghuni na? Ta ghəŋa zləŋay ghuni ta Yawe, Lazglafta ghuni, nda ma ksay ghuni ta inda tviha ni, ka ɗvuta ghuni, ka tsəlɓay ghuni ta tsəlɓu ŋa Yawe Lazglafta ghuni ma hya hya ŋuɗufa ghuni, nda inda nzakwa ghuni,

Vrafta ta zlahu 11:13

Ka sna sna kuni kahwathwata ta zlahuha ɗa ta mnaghunaf yu gita, ka ɗvutá Yawe, Lazglafta ghuni, ka tsəlɓay ghuni ta tsəlɓu ma hya hya ŋuɗufa ghuni, nda ya ma nzakwa ghuni katsi,

Vrafta ta zlahu 6:5

Ɗvu ɗva ta Yawe, Lazglafta gha ma hya hya ŋuɗufa gha, nda inda hafa gha, nda inda mbrakwa gha.

Vrafta ta zlahu 7:12

« Ka sna sna kuni ta tsa skwiha ŋa magay ya, ka ŋanata, ka ksa slna nda tsi katsi, dzaʼa ŋana ŋa Yawe, Lazglafta ghuni ta dzratá wa ni, nda zɗakwa ni waɗana tsi ta dzidzíha ghuni ya.

Yuda 1:24

Ka nza glaku ŋa Lazglafta ya ta laviŋtá ngha kaghuni, yaha kuni zlumbutá, tsatsi dzaʼa ghuɓighunista tsezleʼ ŋa rfay ghuni ta rfu ta hladaghunaghatá tsi ta kəma glakwa ni.