1Mgh 2:32 - Hdi

³² Dzaʼa vranaf vra Yawe ta usa ni ta ghəŋa ni, kabga valafta ni ta mnduha his malaghu tɗukwata həŋ nda ŋərmata həŋ ka tsatsi, ka pslatá tsi ta həŋ nda kafay kul snaŋtá Dawuda, da ɗa ya. Ta gwaɗ ta ghəŋa i Avner, zwaŋa Ner, mala gwal vula la Israʼila, nda Ghamasa, zwaŋa Yeter, mala gwal vula la Yuda yu ta tsa gwaɗa ya.

1Mgh 2:32 ပူးပေါင်းရင်းမြစ်များ

Zlrafta 4:11

Ndana tama, nda ksiʼa ka ta haɗik ta gunatá wi ŋa tsuʼa usa zwaŋama gha pəghiŋ ka nda dzva gha ya.

Zlrafta 42:22

Ka Rubeŋ zlghanaftá həŋ mantsa: « Mnaghuna a yu kay ra. “Ma magana kuni ta ghwaɗaka skwi ta na zwaŋ na” a ka yu nda kaghuni kay ra. Ama ka kwalaghutá kuni ta sna ŋa ɗa. Wana plamaghatá vu ndana tama dabga vəl dzata mu, » kaʼa.

Zlrafta 9:6

Ka pghiŋ pgha mndu ta usa mndu katsi, mndu dzaʼa pghiŋtá usa tsa mndu ya guli, kabga magaf maga Lazglafta ta mndu ŋa gara vgha nda tsatsi.

2Sam 1:16

Ka Dawuda ta ghəŋa tsa mnda la Ghamalek ya mantsa: « Ta ghəŋa gha ka usa gha, kabga kagha ta mnaŋta nda wa gha, graf gra ka guli kazlay na: Kagha ta dzatá mndu ya nda fa ka ŋa Yawe nda ma pghanaghatá rɗi! kəʼa, » kaʼa.

2Sam 17:25

Ka faftá Avsalum ta Ghamasa ka ghəŋ ta ghəŋa gwal vulu ma vla Yuʼav. Ghamasa ná, zwaŋa sana mndu ta hgə lu ka Yitra ya, mnda la Israʼila si ta klaftá Abigayel, makwa Nahas, makuma ni ma Tseruya, ma ni ma Yuʼav ya.

2Sam 3:29

Ka lanagha la tsa us ya ta ghəŋa Yuʼav nda la taŋ tani. Má ma ngwaya mndu ɗekɗek ma zivira ni ta ghuya ɗaŋwa mbəzakwa mndər, ka ghwaɗaka lku a tsi, ka mndu ta dzəgiɗi nda dafa a tsi, ka mndu ta kliŋta lu nda kafay a tsi, ka ta pɗa skwa zay a tsi, » kaʼa.

2Sam 3:37

Baɗ va tsaya, ka snaŋtá inda sludziha nda inda la Israʼila tani kazlay na: Mgham a ta mnata dzatá Avner, zwaŋa Ner wu kəʼa.

2Sam 3:39

Dər má fa fa lu ta iʼi ka mgham nda ma pghaɗighatá rɗi ná, nda rwa vgha ɗa. Tsa zwana Tseruya his ya ná, mbru mbra həŋ ka ŋa ɗa. Ka vranam vra Yawe da kəma ni taɓta sida ni ta mndu ya ta maga ghwaɗaka skwi! » kaʼa.

2Sam 4:11

Kighkigh dzaʼa nzakwa tsi nda ghwaɗaka mnduha ta dzatá tɗukwa mndu ma həga ni ta ghəzləŋa ni, ɗawta a yu ta usa ni da kaghuni ka zaɗaghunata ta ghəŋa haɗik wu ra? » kaʼa.

1Mgh 2:44

Ka mgham nda Simghi guli mantsa: « Nda sna ka, nda sna ŋuɗufa gha ta inda ghwaɗaka skwi magana ka ta da ɗa, Dawuda. Dzaʼa vraghafta ta ghəŋa gha Yawe ta sida gha guli.

1Mgh 2:5

Ta ghəŋa tsa, nda sna ka ta skwi magiha Yuʼav, zwaŋa Tseruya, skwi magana tsi ta maliha his mataba gwal vula la Israʼila, i Avner, zwaŋa Ner, nda Ghamasa, zwaŋa Yeter: Ka pslatá tsi ta həŋ, ka pghiŋtá tsi ma fitika nzakw ma zɗaku ta us, manda skwi ma vla vulu, ka magaftá tsi ta us ta ɓanava mista ni nda ɓaɓah ma səla ni.

1Mgh 8:32

ka snagata ka daga ta luwa Yawe, ka maga ka ta slna gha, ka tsanaghata ka ta guma ta kwalvaha gha. Ka tsanaghata ka ta guma ta mnda dmaku, vranaf vra ta dmakwa ni ta ghəŋa ni. Mndu tɗukwa ya guli ná, ka maraŋta lu ta tsatsi ka mndu kul haɗ dmakwa ni, ka vranamta lu ta skwi taɓta nzakwa ni tɗukwa.

2Rus 21:13

ama ka ksaftá ka ta saɗa mghamha la Israʼila. Hlam hla ka ta la Yuda nda la Ursalima da hliri, manda ya maga la ga Ahav. Psla psla ka ta vərɗa zwana ma gha sa kuni ma huɗa turtuk, ka ŋərma mnduha ta malaghutá kagha ya.

2Rus 21:14

Tsaya tama, wya Yawe dzaʼa ghunadaghatá zləmnda dagala dɗanaghatá mnduha gha, nda zwana gha, nda miʼa gha, nda inda skwiha gha.

Asta 1:19

Mantsa tama, ka zɗəgana zɗa tsi ta mgham katsi, ka fa fa tsi ta zlahu ta sab da tsatsi, ka vindamta lu mataba zlahuha Persiya nda Mediya, ŋa kwal kul mbəɗanafta, ŋa kwala Vasti ləglami ta kəma mgham Ahasverus. Ka klafta mgham ta sgita ga mghama Vasti ka vlaŋtá sani ta malaghutá tsatsi.

Mbsak 32:23

Ama ka maga a kuni mantsa wu, gana ga kuni ta dmaku ta Yawe, ka snaŋta kuni kazlay dzaʼa mista ghuni dmakwa ghuni kəʼa.

Gwal tsa guma 9:24

Magu maga manda tsaya ŋa plamtá tsa mataray maga tsi nda zwana Yərubaghal ndəfáŋ mbsak psla lu ya. Ta ghəŋa Avimelek usa taŋ nda ya ta ghəŋa maliha ma Səkem ta kataŋta ŋa pslatá tsa zwana da ni ya.

Gwal tsa guma 9:57

Ka vranaftá Lazglafta ta ghəŋa mnduha la Səkem ta inda ghwaɗaka skwi maga həŋ. Mantsa hɗamta ksiʼa Yutam zwaŋa Yərubaghal ta həŋ.

1Sam 15:28

Ka Samuyel nda tsi mantsa: « Kuhiŋ kuha Yawe gita ta ga mghama gha ta ghəŋa la Israʼila, ka vlaŋtá sana mndu ta malaghutá ŋərmuta ka kagha.