1Mgh 19:3 - Hdi

³ Ka ksaftá zləŋ ta Iliya, ka sliʼaftá tsi ka hwayaghuta ŋa kata hafa ni. Ka ɓhadaghatá tsi da Bəʼerseva luwa ma dzva la Yuda, ka zlanatá tsi ta duhwala ni hada.

1Mgh 19:3 ပူးပေါင်းရင်းမြစ်များ

Zlrafta 21:14

Ka sliʼaftá Abraham wrək sərɗək, ka klaftá tsi ta buradi, nda zliba huta nda tatá imi mida ka vlaŋtá Hagar ka fanafta ta badzaga. Vlaŋha guli ta tsa zwaŋ ka ghuniŋta. Ka laghu tsi da ra vli ta mtaka Bəʼerseva.

Zlrafta 21:31

Tsaya kəl lu ka hga tsa vli ya ka Bəʼerseva, kabga hada waɗata hahəŋ his his ta waɗu.

Sabi 2:15

Ka snanaghatá tsi ta Firʼawna, ka zbə tsi ta tvi ŋa dzata. Ama ka hwaygadanaghutá Musa ta Firʼawna ka laghu tsi nzata ta haɗika Midyaŋ. Ɓhadaghata ni da hada, ka lagha tsi da nzata ta wa vavrəm.

Mata 26:56

Kəl na skwiha na ka magaku ná, nda nza ŋa dzanaghata ghəŋa skwi ya vindaf la anabi ma deftera Lazglafta, » kaʼa. Ka gi hwayaghutá inda duhwalha Yesu krawats ka zlanavata.

2Kwa 12:7

Kada kwala yu ta ghərɓaku ta ghəŋa tsa skwa ndərmimay katakata mariha Lazglafta ya ná, ka faɗimtá lu ta mbraz ma vgha ta nzakway manda duhwala halaway ghunaf lu ŋa dzadzuɗusta, ŋa pyaftá iʼi ka ghərɓaku.

1Sam 27:1

Ka Dawuda ma ghəŋa ni mantsa: « Dər yawu tsi, dzaʼa dza dza Sawulu ta iʼi. Haɗ sana ghwana ɗa ta ghəŋa hwayaghuta ɗa ka laghwi da ɗifaghuta ta haɗika la Filisti, kada zlanata Sawulu ta zba iʼi ma inda vli ta haɗika la Israʼila wa. Mantsa ya dzaʼa ndapta yu da tsi, » kaʼa.

1Sam 8:2

Yuʼel hga zumala ni, Aviya hga mahis. Hahəŋ gwal ta tsa guma ma Bəʼerseva.