1Mgh 13:5 - Hdi

⁵ Ka tavaptá gwir, ka wutsutá tsa hutiɗif lmus ya ta haɗik, manda va tsa ŋizla mandərmimi mna mnda Lazglafta, mnanaf Yawe ya.

1Mgh 13:5 ပူးပေါင်းရင်းမြစ်များ

1Mgh 13:3

Baɗ tsa fitik ya, ka snanamtá mnda Lazglafta ta Yaruvgham ta skwa mandərmimi dzaʼa magaku, kaʼa mantsa: « Dzaʼa tutá gwir, ŋa wutsuta hutiɗif lmus si tida ta haɗik, » kaʼa. Tsaya dzaʼa kəl kuni ka snaŋta kazlay na Yawe ta gwaɗata kəʼa.

1Mgh 13:4

Na snaŋta mgham ta tsa wahu wahanava mnda Lazglafta ta gwir ma Betel ya, ka fadaptá tsi ta dzvu ta gwir, kaʼa mantsa: « Ksafwa ksa! » kaʼa. Ama səluŋ mtu mtá tsa dzvu fadap Yaruvgham ŋa ksa mnda Lazglafta ya, lavgliŋ a ta vranakta təv tsatsi wa.

1Mgh 13:6

Ka mgham nda mnda Lazglafta tama mantsa: « Kdəkkdək, tawa ta taw da Yawe, Lazglafta gha, wya dzvu ka ŋa ɗa, kada vranakta yu ta dzva ɗa, » kaʼa. Ka ndəɓanatá mnda Lazglafta ta dzvu ta Yawe, ka vranaktá mgham ta dzva ni da tsi, ka nzatá tsi manda va vla ni.

1Mgh 17:16

Kɗava a tsa hpu ta kwatahpu ya wu, kɗava a tsa rɗi ta hwarak ya guli wu, taɓta gwaɗa Yawe ta mnata nda ma wa Iliya.

1Mgh 22:28

Ka Mihayhu mantsa: « Ka vragagha vra ka ma zɗaku katsi, ba nda ma iʼi a gwaɗata Yawe ta gwaɗa tama wu, » kaʼa. Kaʼa sganaghata mantsa: « Ta snay snay kaghuni mnduha demdem! » kaʼa.

1Mgh 22:35

Ɗavaf ɗa tsa vulu ya baɗ tsaya, ka ŋaŋanatá lu ta mgham ta sladu ta sladu ma mwata plisa ni mbəŋ nda la Aram. Ga hawu, ka mtutá tsi, ka mbəzamtá usa vəl balata ma huɗa mwata plis.

Markus 16:20

Hahəŋ guli, ka sliʼaftá həŋ ka laghu da mna tsa *Lfiɗa Gwaɗa Lazglafta ya ma inda vli. Ka katu Mgham Yesu ta həŋ ma mna tsa gwaɗa ya, ŋlanaghaha ta tsa gwaɗa ya ta həŋ nda ma magay taŋ ta mazəmzəm.]

Vrafta ta zlahu 18:22

Ka mna mna tsa anabi ya ta gwaɗa nda hga Yawe, ka maga a tsa skwi mna tsi ya wu, Yawe a ta mnatá tsa gwaɗa ya nda tsa wa. Ma gla ghəŋa ni tsaʼata tsa anabi ya ɓaŋalaŋ. Yaha kuni da zləŋay. »