1Mgh 11:2 - Hdi

² Nda nza həŋ ka ɓuzula la mayəm ya mnə Yawe ŋa la Israʼila kazlay na: « Yaha kuni da ndiʼa vgha nda həŋ, yaha hahəŋ guli da ndiʼa vgha nda kaghuni kəʼa ya həŋ. Ka mantsa a tsi wu, dzaʼa mbəɗiŋ mbəɗa həŋ ta ŋuɗufa ghuni ŋa famta taŋ ta kaghuni da tsəlɓu ŋa lazglaftaha taŋ, » kaʼa. Tsaw ta kwagha tsa mnduha ya ndiʼafta Salumuŋ ta vgha, tɗagha ɗvu.

1Mgh 11:2 ပူးပေါင်းရင်းမြစ်များ

Zlrafta 2:24

Tsaya dzaʼa kəl zgun ka zlaŋtá da ni nda ma ni ka laghwi ndiʼanavatá vgha ta markwa taŋ, ŋa nzakwa taŋ ka sluʼuvgha turtuk.

Zlrafta 34:3

Ka laghu tsa Dina makwa Yakubu ya da ŋuɗufa ni, ka ɗvutá tsi ta tsa makwa ya, ka ɗvutá tsa makwa ya guli.

1Mgh 11:9

Ka gufaftá ŋuɗufa Yawe katakata ta ghəŋa Salumuŋ, kabga mbəɗaghuta ni ta ŋuɗufa ni, ka zlanatá Yawe, Lazglafta la Israʼila, ta zlagapta his səla da tsi ya.

2Rus 19:2

Ka sliʼaftá slayaŋ Yehu, zwaŋa Hanani, da guyaku nda mgham Yəhusafat, kaʼa nda tsi mantsa: « Dzaʼa kataŋ kata lu ta mndu ta ga dmaku ra? Ta ksay ka ta gra nda gwal husaŋ Yawe ta həŋ ra? Dabga tsaya, nda ɓasa ŋuɗufa Yawe nda kagha.

2Rus 21:6

Ka ksaftá tsi ta saɗa mghamha la Israʼila manda ŋa la ga Ahav, kabga makwa Ahav klaf tsi. Ka mag tsi ta ghwaɗaka skwi ta wa ira Yawe.

Izra 9:12

Yaha kuni da vla kwagha ghuni ŋa zwana taŋ, yaha kaghuni guli da kla kwagha taŋ ŋa zwana ghuni. Yaha kuni walaŋta kataŋtá həŋ ŋa katafta taŋ ta ghəŋa taŋ, nda ya ŋa nzata taŋ nda zɗaku. Tsaya tama ná, dzaʼa mutsay kuni ta mbraku, ŋa zay ghuni ta skwi zɗa zɗa ta tsa haɗik ya. Ŋa zay zivira ghuni ta həga ni ŋa ɗekɗek.”

Sabi 23:31

Dzaʼa kwaraghuna kwara yu ta mukuma haɗika ghuni, sliʼafta ta wa drəfa Zaŋwafi ha ka lagha ta wa drəfa la Filisti, nda ya sliʼafta ta wa mtaka Sinay ha ka lagha ta wa ghwa Yufratis, dzaʼa vlaghuna vla yu ma dzva ghuni ta mnduha ta tsa haɗikha ya, ŋa ghazliŋta ghuni ta həŋ ta kəma ghuni.

Sabi 34:12

Ɗasuwa ká kuni, yaha kuni da dzra wi nda mnduha ma tsa haɗik dzaʼa lam kuni dida ya, dá nzakw həŋ ka dəɓəl ka ŋa ghuni.

Sabi 34:16

Ka hlanaf hla kuni ta kwagha taŋ ŋa zwana ghuni, dzaʼa magay tsa kuʼaha ya ta sliʼiŋsliʼiŋ nda ma tsəlɓu ŋa tsa lazglaftaha taŋ ya. Dzaʼa tɗam tɗa həŋ ta zwana ghuni ŋa magay taŋ sliʼiŋsliʼiŋ nda ma tsəlɓu ŋa lazglaftaha taŋ.

La Ruma 1:32

Mataba tsa guli ná, ta nda sna həŋ kazlay: Inda gwal ta nzakwa mndərga tsa nzakuha ya ná, mtaku skwi ta raŋtá həŋ kəʼa. Magay ta mag həŋ ta tsa skwiha ya kweŋkweŋ yeya a wu, ta ghubay həŋ ta gwal ta maga tsa skwiha ya guli.

La Ruma 12:9

Hmətət ka kuni ɗvuvustá vgha ghuni, ma mag kuni ta maɗgwirmaɗgwir. Ka husaghuna husa inda ghwaɗaka skwi. Ŋafwa vgha ta skwi ɗina.

1Kwa 15:33

Ɗasuwa ka kuni, ma nanə kuni ta ghəŋa ghuni, ya « ksa nzaku nda ghwaɗaka mnduha ná, ta ɓadzay ta mndu. »

Suna Yuhwana 2:4

Ama, mamu sana skwi ta dvu yu ta kagha ta ghəŋa ni. Ɗvəgla a ka ta iʼi manda ya si ta ɗvə ka taŋtaŋ wa.