1Mgh 11:1 - Hdi

¹ Ka ɗvutá mgham Salumuŋ ta ndəghata kwagha mayəm zlanaha lu ta makwa Firʼawna, ka hlaftá tsi ta kwagha la Muwav, nda la Ghamuŋ, nda la Idum, nda la Tsiduŋ, nda la Het.

1Mgh 11:1 ပူးပေါင်းရင်းမြစ်များ

1Mgh 11:8

Ka mag tsi manda tsaya ŋa inda tsa miʼa ni ka mayəm ya, ŋa laviŋta taŋ ta dra urdi, nda pla ghəŋ ŋa lazglaftaha taŋ.

1Mgh 14:21

Ma Yuda, ta ga Rəhavgham, zwaŋa Salumuŋ ta mgham. Fwaɗ mbsak ndeŋ mida ima Rəhavgham ta nzatá tsi ka mgham. Ghwaŋpəɗ ndəfáŋ vakwa ni ta gá mgham ma Ursalima, luwa ya zbap Yawe mataba inda mndəra la Israʼila ŋa nzakwa hga ni. Naghama hga ma ni ma Rəhavgham, makwa la Ghamuŋ ya.

1Mgh 14:31

Ka laghu Rəhavgham da dzidzíha ni, ka paɗamtá lu ta vata dzidzíha ni ma luwa Dawuda. Naghama hga ma ni, makwa la Ghamuŋ. Ka lam zwaŋa ni Aviyam da gá mgham ma vla ni.

1Mgh 16:31

Ta slaghu a tsa vlatá ghəŋ ŋa dmakuha Yaruvgham, zwaŋa Nəvat ya wu kəʼa, ka klaftá tsi ka marakw ta Izabel, makwa Itbaghal, mghama la Tsiduŋ, ka laghu tsi da maganatá slna ta Baghal, ka tsəlɓu tsi ta tsəlɓu ta kəma ni.

1Mgh 3:1

Ka ksaftá Salumuŋ ta gra nda Firʼawna mghama Masar, nda ma klaftá ni ta makwa ni ka marakw. Ka klaghatá tsi da luwa Dawuda, ka kəzla kɗiŋta ni ta baftá vərɗa ŋa ni ma həga, nda həga Yawe, nda matsak ta wanaftá Ursalima.

Izra 10:44

Inda tsa mnduha ya ta hlafta ŋa miʼa taŋ ta kwagha gwal ma tsa haɗik ya. Mataba tsa miʼaha ya guli, mamu gwal ta yayatá zwani nda həŋ.

Izra 9:1

Manda kɗatá tsa skwiha ya, ka sagha gwal dagala dagala da mnihata. Ka həŋ mantsa: « Ta dgaghu a mnduha la Israʼila, nda gwal ta dra skwi ŋa Lazglafta, nda la Levi, ta vgha nda mnduha ta na haɗik na wa. Tata ksa saɗa manzakɗawaya skwi ta mag la Kanʼana, nda la Het, nda la Periz, nda la Yəbus, nda la Ghamuŋ, nda la Muwav nda la Masar nda ya nda la Amuru, ya həŋ.

Izra 9:2

Hlaf hla hahəŋ nda zwana taŋ ta kwagha na mnduha na ŋa miʼa taŋ. Ka laɓavaftá mndəra mndu nda ghuɓa nda mnduha ma na haɗik na. Ma maga tsa skwi ya ná, la mali nda gwal dagala dagala taŋtaŋa gwal ta zlrafta kwalaghuta ŋanatá zlahu manda ya ta raku, » ka həŋ.

Sabi 34:16

Ka hlanaf hla kuni ta kwagha taŋ ŋa zwana ghuni, dzaʼa magay tsa kuʼaha ya ta sliʼiŋsliʼiŋ nda ma tsəlɓu ŋa tsa lazglaftaha taŋ ya. Dzaʼa tɗam tɗa həŋ ta zwana ghuni ŋa magay taŋ sliʼiŋsliʼiŋ nda ma tsəlɓu ŋa lazglaftaha taŋ.

La Levi 18:18

Yaha ka da klanaghata ka waɗa ta makuma ni ma markwa ghuni ka ta ndiri tsa markwa ghuni ya, dər ka hanata nda tsi.

Vrafta ta zlahu 17:17

Yaha guli da zakanatá miʼaha, dá mbəɗiŋtá həŋ ta ŋuɗufa ni. Yaha da hambala tsedi, nda dasu.