1Mgh 10:10 - Hdi

¹⁰ Ka vlaŋtá tsa marakw ka mgham ya ta mgham Salumuŋ ta dasu ta malaghutá kiluʼ dəmbuʼ fwaɗ (4.000), nda urdiha dagala katakata, mantsa ya palaha nda bla nda bla dzva ni. Haɗ mndu ta walaŋtá kləgəldaghatá urdiha ŋa dray nda dra ta malaghutá ŋa tsa marakw ka mgham ma Seva ta vlaŋtá mgham Salumuŋ ya wa.

1Mgh 10:10 ပူးပေါင်းရင်းမြစ်များ

Zlrafta 43:11

Ka da taŋ Israʼila nda həŋ mantsa: « Ka si mantsa tsi, wya skwi ŋa magay ghuni: Hla a wa hla ma zliba ghuni ta skwiha ta na haɗik na, ya ɗina ɗina, ka dzaʼa kuni mbəhatá tsa mnda ya. Kla a kuni ta skwiha ya ta haɗika mu, nda zuɗum, nda urdi, nda mandaɓay urdi, nda ɓurtsum, nda amanda.

1Mgh 10:2

Ka ɓhadaghatá tsi da Ursalima nda ndəghatá gwal ta pghay, nda ŋalibwaha ta hla urdiha ŋa dray nda dra, nda dasu dagala katakata, nda palaha nda bla nda bla dzva ni. Ɓhadaghata ni da Salumuŋ, ka mnanaŋtá tsi ta inda skwiha ma ŋuɗufa ni.

1Mgh 9:14

Si tsəghanaf tsəgha Hiram ta mgham ta dasu ta malaghutá kiluʼ dəmbuʼ fwaɗ (4.000).

Sabi 30:34

Ka Yawe nda Musa guli mantsa: « Tskaf tska ka garagara ta urdiha zɗa zɗa ziʼakwa taŋ: Sturaks, nda uniks, nda galbunuŋ, nda urdiha zɗa zɗa ziʼakwa taŋ, nda mandaɓaya urdi ka ŋusliŋ ghenen.

Mata 2:11

Ka lam həŋ da həga. Ka slanaghatá həŋ ta tsa zwaŋ ya nda Mari ta nzakway ka ma ni. Ka tsəlɓatá həŋ ta kəma tsa zwaŋ ya, ka vlaŋtá həŋ ta glaku. Ka palanaptá həŋ ta zlibiha taŋ, ka mbəhatá həŋ nda dasu, nda urdi ŋa dray nda dra, nda mandaɓaya urdi.

Suna Yuhwana 21:11

Tsa luwa ya ná, ta wuɗaku da glakwa Lazglafta, ta wuɗaku manda pala nda sgit tida, manda pala dzasfa ta wuɗaku manda dalagar.